تراویح

[ابو عبداللہ صغیر]

السلام علیکم و رحمۃ اللہ وبرکاتہ
ایک دوست نے سوال بھیجا ہے۔

کیا نبی علیہ السلام سے پورا رمضان مسجد میں جماعت کے ساتھ تراویح کی نماز پڑھنا پڑھانا ثابت ہے؟ اگر نہیں اور صحابہ کی سنت کو آپ نہیں مانتے تو کون سی حدیث کے تحت آٹھ رکعت پورا رمضان جماعت کے ساتھ مسجد میں پڑھی جاتیں ہیں؟ اور پورا قرآن ختم کیا جاتا ہے۔

 

[ابوالحسن علوی]

اللہ کے رسول صلی اللہ علیہ وسلم نے رمضان میں تین دن جماعت کے ساتھ تراویح پڑھی ہے اور مکمل رمضان پڑھنے کی خواہش کا اظہار کیا لیکن پڑھی اس لیے نہیں کہ فرض نہ ہو جائے۔ پس اللہ کے رسول صلی اللہ علیہ وسلم کی وفات سے چونکہ فرضیت کا خدشہ ختم ہو گیا لہذا آپ کی خواہش کے مطابق مکمل رمضان جماعت کے ساتھ تراویح پڑھنا مسنون قرار پایا۔ ایک روایت کے الفاظ ہیں:
( قام بأصحابه ثلاث ليال وفي الثالثة أوفي الرابعة لم يُصلّ ، وقال : إني خشيت أن تُفرض عليكم ) رواه البخاري
آپ نے اپنے صحابہ کے ساتھ تین راتیں قیام کیا۔ اور تیسری یا چوتھی رات آپ نے جماعت نہیں کروائی اور یہ کہا: میں نے اس خدشے سے جماعت نہیں کروائی کہ تم پر یہ نماز فرض نہ ہو جائے۔