ترمیمی دورانیہ اور ٹائٹل کی ترمیم کی سہولت

[Urdu]

السلام علیکم ورحمتہ اللہ،
بندہ ناچیز کی استدعا ہے کہ
1۔موضوعات کی ترمیم کے دورانیہ کو مستقل طور پر دائمی کر دیا جائے یا کم سے کم ایک گھنٹہ کا وقفہ رکھا جائے۔
2۔جب ہم 15 منٹ کی ترمیمی سہولت کو استعمال کرتے ہیں تو ایک چیز کی دستیابی نہ ہونے کی وجہ سے دل مسوس کر رہ جاتا ہے۔اور وہ ہے
ٹائٹل کی ترمیم

ازراہ کرم ان باتوں کو زیر غور لا کر عمل میں لانے کی صورت پیدا کریں۔اور کلمات شکریہ کے تحائف کو قبول فرمائیں۔
والسلام


کلیم حیدر
شاکر

 

[حسن شبیر]

انتظامیہ بالکل اس پر غور کرے۔ جزاک اللہ خیرا

 

[کلیم حیدر]

وعلیکم السلام ورحمۃ اللہ وبرکاتہ

محترم بھائی مشاورت کے بعد کل تک اس بارے مثبت رائے سامنے آجائے گی۔ ان شاءاللہ

 

[Urdu]

وعلیکم السلام ورحمۃ اللہ وبرکاتہ

محترم بھائی مشاورت کے بعد کل تک اس بارے مثبت رائے سامنے آجائے گی۔ ان شاءاللہ

جزاک اللہ خیرا۔ امید ہے کہ حتمی فیصلہ ہمارے حق میں ہوگا۔ان شا ء اللہ

 

[شاکر]

بھائی، اس موضوع پر پہلے بات ہو چکی ہے۔
ٹائٹل میں ترمیم کی سہولت اراکین کو میسر کی جانی ممکن نہیں ہے۔ اس کی کچھ ناگزیر وجوہات ہیں۔ یوزر آئی ڈی کی طرح کسی دھاگے کا عنوان بھی اس کی پہچان ہے۔ اور اس میں تبدیلی فقط اشد ضرورت کی بنا پر ہی کی جانی چاہئے۔
اگر ایسی کوئی ضرورت درپیش ہو تو انتظامیہ کے کسی رکن کو ذاتی پیغام پر اطلاع کر کے ٹائٹل بدلنے کا کہہ سکتے ہیں۔
رہی 15 منٹ کی ترمیمی سہولت ۔ تو اس کو البتہ ایک گھنٹہ تک بڑھایا جانا ممکن ہے۔ کلیم حیدر بھائی، انس بھائی سے مشورہ کر لیں اگر وہ متفق ہوں تو پھر سب یوزرز کا ترمیمی دورانیہ بڑھا کر ایک گھنٹہ کر ڈالیں۔
ویسے سینئر اراکین کے لئے یہ سہولت 24 گھنٹے تک کے لئے بڑھانے کا بھی امکان ہے۔ اور سینئر بننے کے لئے عمدہ اور معیاری پوسٹس ہونی ضروری ہیں۔