تقابل کریں

[ساجد تاج]

تقابل کریں​

’’تصویر‘‘ کا ایک رُخ​

دورانِ حفظ القرآن الکریم ہمارے صاحبزادے کو ’’سی ڈیز‘‘ دیکھنے کا بہت شوق ہوا۔ مقدور بھر میں نے کنٹرول رکھا۔ ایک دن میرے ایک دوست کے ہاں سے وہ ایک سی ڈی لے آیا۔ (میرے مذکورہ دوست کے بڑے دونوں بیٹے حافظ قرآن ہیں۔ اور وہیں پڑھتے تھے جہاں میرا بیٹا پڑھ رہا تھا)۔ چنانچہ وہ سی ڈی چلائی گئی تو پتہ چلا کہ ایک کارٹون قسم کی فلم میں موت کی منظر کشی کی گئی ہے اور بتایا یہ جا رہا ہے کہ ’’روح‘‘ کیسے نکلتی ہے، اور ’’دفن‘‘ ہونے تک وہ میت کے ساتھ ساتھ رہتی ہے۔ وغیرہ وغیرہ۔

مجھے بڑا تعجب ہوا۔ اور سخت رنجیدگی بھی کہ سی ڈی پر ایک معروف ادارے کا اسٹیکر بھی لگا ہوا ہے۔

میں نے اپنے بچے کو سمجھایا کہ بیٹا! یہ سب خرافات ہیں۔ لیکن وہ ذہن اس چیز کو کیسے مان سکتا ہے جو بچپنے میں ہو۔

مجھے یاد ہے کہ جب میں پہلی کلاس میں گیا تھا تو اُس وقت اردو کے قاعدے میں نظم ہوا کرتی تھی:
چوں چوں چوں چوں چوں
مرغی میری امی ہے
یعنی سب اُوٹ پٹانگ۔ کیونکہ آپ ایک انسان کو تعلیم دے رہے ہیں تو اُسے یہ بتائیں کہ ایک ’’انسان‘‘ ہی میری والدہ ہے۔

چنانچہ جب ایک بچے کو آپ یہ دیکھائیں کہ ’’روح‘‘ اس طرح پرواز کرتی ہے اور پھر دفنانے تک وہ ساتھ ساتھ رہتی ہے تو ………… اسلامی نظریہ کی دھجیاں بکھر جاتی ہیں جس میں بتایا جاتا ہے کہ فرشتے نظر نہیں آتے۔ روح کے متعلق بہت کم علم تمہیںدیا گیا ہے۔ وغیرہ وغیرہ۔

اللہ تعالیٰ سے دعا ہے کہ وہی معبود ہماری حفاظت فرمائے۔

وگرنہ ………… ہم کو تو اپنوں نے مارا ’’غیروں‘‘ میں کہاں دَم تھا………​

بشکریہ محمد آصف مغل بھائی​