تم یہ وفا جو شام وسحر مانگ رہے ہو

[jan_zhob]

تم یہ وفا جو شام وسحر مانگ رہے ہو
مجھ سےمحبت اخر کس قدرم نگ رہے ہو

خود تم بھی لیلٰی کی محبت مجھ سے کر
مجھ سے وفا مجنون کی اگر مانگ رے ہو

تم مسجد کو کہاں میکدے کا نام دیتے ہو
روز جو شراب تم اِدھر مانگ رہے ہو

اول اول محبت کے مزے اب کہاںملتے ہیں
عجیب ہو کہ وہی لزتیں اج اخر مانگ رے ہو

تم اس جہاں کو تنہا ہی تو آئے تھے پیام
اب جاتے ہوئے کیا ہمسفر مانگ رہے ہو

تم پیام اتنے محتبر کب سے ہوئے
کہ دیداریار اپنے گھر مانگ رہے ہو

 

[ابن خلیل]

بوہت خوب جناب

 

[Muneer_Panhwar]

السلام علیکم جان زوھیب بھائی یہ ایک خالص اسلامی فورم ہے یہاں شعر وسخن کا انتخاب پوسٹ کرنے سے پہلے اسکے معیاری ہونے کا پہلو مدنظر رکھیں جس سے کسی کی اصلاح ہو یا اس میں کوئی فکری پیغام ہو
آپکے انتخاب میں کافی الفاظ غیر معیاری ہیں جن پہ تنقید کی جاسکتی ہے
امید ہے بھائی آئیندہ اس بات کا خیال رکھیں گے.
جزاک اللہ خیرا

 

[makki pakistani]

محترم منیر صاحب،

گرفت کرنے میں جلدبازی نہ کریں جناب۔

ہے مشقِ سخن جاری اور چکی کی مشقت بھی

عجب طرفِ تماشہ ہے حسرت کی طبیعت بھی۔

جنابِ من،
دامن نچوڑیں تو فرشتے وضو کریں۔

 

[یوسف ثانی]

معصوم بستیوں کو سمندر نگل

معصوم بستیوں کو سمندر نگل گیا
سیلاب کا بھی زور غریبوں پہ چل گیا

پانی نے گاؤں بھر کا صحن یکجا کر دیا
اک رات میں حویلی کا نقشہ بدل گیا

چاول ، اچار ، دالیں ، مربے ، اناج ، گڑ
برسوں کا رزق چٹکی بجاتے نکل گیا

مونجی ، کپاس ، گنا ، گھنے کھیت ، سبزیاں
پانی میں تیرتا ہوا رب کا فضل گیا

کینو ، کھجور ، موسمی ، امردو ، آم ، سیب
پھل صبر کا ہی رہ گیا ،باقی تو پھل گیا

پانی کا رزق ہو گیا گڑیا کا کل جہیز
افسوس ، بے بسی کے سمندر میں ڈھل گیا

مٹی کے کچھ کھلونے تھے ،مٹی میں مل گئے
ممتا کی آرزو کا جنازہ نکل گیا

بن جاتے کاش جانور سارے ہی مچھلیاں
بے بس مویشی دیکھ کے پتھر پگھل گیا

ان کشتیوں کے نیچے کئی لوگ رہتے تھے
میں نے جو آج سوچا مرا دل دہل گیا

پرکھوں کی آج ہم کو بہت یاد آئی قیس
جن کی لحد بھی پانی کا ریلا نگل گیا

(شہزاد قیس)​

 

[خضر حیات]

جزاکم اللہ یوسف ثانی بھائی ۔۔۔ بہت اچھی نظم تھی ۔۔۔
کچھ باتوں کی سمجھ نہیں آئی اگر آپ روشنی ڈال دیں تو عرض کر دیتے ہیں :

بے بس مویشی دیکھ کے پتھر پگھل گیا

یہاں پتھر پگھلنے سے کیا مراد ہے ؟

پرکھوں کی آج ہم کو بہت یاد آئی قیس

پرکھوں کا چیز ہے ؟

 

[یوسف ثانی]

جزاکم اللہ یوسف ثانی بھائی ۔۔۔ بہت اچھی نظم تھی ۔۔۔
کچھ باتوں کی سمجھ نہیں آئی اگر آپ روشنی ڈال دیں تو عرض کر دیتے ہیں :


یہاں پتھر پگھلنے سے کیا مراد ہے ؟


پرکھوں کا چیز ہے ؟

١۔ وہ کہتے ہیں نا کہ مصیبت میں سخت سے سخت دل والے بھی نرم پڑ جاتے ہیں، ان کے دل پگھل جاتے ہیں۔ سخت دل کو ’’سنگ دل‘‘ (سنگ بمعنی پتھر) یا ’’پتھر دل‘‘ بھی کہتے ہیں۔ یہان شاعر نے ’’بے بسی کی انتہا‘‘ ظاہر کرنے کے لئے یہ کہا ہے کہ مویشیون کی بے بسی دیکھ کر ’’سنگدل‘‘ انسان تو ایک طرف خود سنگ (یعنی پتھر) بھی پگھل گیا۔ ۔۔۔ اسی حوالہ ای ایک ثلاثی (تین مصرعوں والی نظم) کچھ یوں ہے:

پتھر سا دل رکھنے والو!
ندی کے اُس پار تو دیکھو
پتھر پہ بھی پھول کھلے ہیں​

٢۔ ہندی کا لفظ ہے، جو اردو میں بھی استعمال ہوتا ہے۔ اس کا مفہوم ہے۔ ’’ بہت پہلے انتقال پاجانے والے آباء و اجداد‘‘