توہین کعبہ پر مکہ کے گورنر کا اظہار ناراضی

[کنعان]

توہین کعبہ پر مکہ کے گورنر کا اظہار ناراضی​

پولیس اہلکار کو تفتیش کے بعد کڑی سزا دینے کا عزم​

توہین کعبہ پر مبنی تصویر سوشل میڈیا پر تیزی سے پھیل رہی ہے​

​

مکہ مکرمہ ۔ العربیہ ڈاٹ نیٹ اردو

مکہ مکرمہ کے گورنر شہزادہ مشعل بن عبداللہ نے سوشل میڈیا پر تیزی سے پھیلنے والی اس تصویر کا سخت نوٹس لیا ہے جس میں کعبہ اللہ کی پولیس فورس کا ایک نامعلوم اہلکار حجر اسود کی قریبی دیوار سے ٹیک لگائے کھڑا ہے۔ تصویر میں پولیس اہلکار کا ایک پاٶں حجر اسود سے بلندی پر انتہائی گستاخانہ انداز میں رکھا دیکھا جا سکتا ہے۔

گورنر مکہ نے اس صورتحال پر فوری ایکشن لیتے ہوئے پولیس اہلکار کو کعبہ اللہ کے نزدیک ڈیوٹی سے فوری طور پر واپس بلوانے کا حکم دیا ہے۔ شہزادہ مشعل بن عبداللہ نے پولیس اہلکار کے خلاف سخت انضباطی کارروائی کا حکم دیتے ہوئے واضح کیا ہے کہ کعبہ اللہ کے تقدس کا خیال رکھنا تمام مسلمانوں کا فرض ہے۔ پولیس اہلکار کا تصرف نہ صرف پیشہ وارانہ فرائض کی انجام دہی کے لیے متعین ضوابط سے میل نہیں کھاتا بلکہ اس کے غیر ذمہ دارنہ فعل سے دنیا بھر کے کروڑوں مسلمانوں کی دل آزاری ہوئی ہے۔

مکہ کے گورنر نے اس واقعہ کے بعد مکہ پولیس کے سربراہ جنرل عبدالعزیز الصولی کو بھی اپنے دفتر میں ایک اہم اجلاس کے لیے طلب کیا۔ ملاقات میں شہزادہ مشعل نے حرم شریف میں خدمات سرانجام دینے والے تمام سول اور فوجی اہلکاروں کے لیے ایک خصوصی پروگرام ترتیب دینے کی ہدایت کی تاکہ ڈیوٹی پر آنے سے پہلے انہیں مقدس مقام کی اہمیت سے روشناس کرایا جا سکے۔ نیز وہ اللہ کے مہمانوں سے بھی حسن سلوک سے پیش آئیں تاکہ وہ مناسک سکون قلب اور اطمینان کے ساتھ انجام دے سکیں۔

بدھ 29 رجب 1435هـ - 28 مئی 2014م

 

[مشکٰوۃ]

السلام علیکم ورحمۃ اللہ وبرکاتہ
یہ معاملہ کچھ عجیب سا لگ رہا ہے ۔۔۔اہلِ علم اس بارے میں رہنمائی فرمائیں۔۔
انس بھائی

 

[کنعان]

السلام علیکم

سوشل میڈیا پر پھیلنے والی اس خبر پر جس شرطہ کو دکھایا گیا ھے اگر اس کو کوئی سزا ملے تو یہ اس کے ساتھ زیادتی ہو گی۔

کچھ جابز بڑی پریشرائزڈ ہوتی ہیں جس پر انسان سے غلطی ہونے کے امکان بہت ہوتے ہیں۔ 7 گھنٹہ کی ڈیوٹی میں اگر ایک ایک گھنٹہ کی شفٹ پر ڈیوائیڈ بھی ہو تو اس وال پر رسی کا سہارا لے کر کھڑے ہونا اور حجر اسود پر بوسہ لینے والوں کو کنٹرول کرنا جس پر دھکم بیل بھی ہوتی ھے، ہو سکتا ھے شرطہ غلطی سے بھول گیا ہو اور اس سے پاؤں کی ٹیک لگ گئی ہو اور ان چند سیکنڈوں میں فوٹو اتر گئی ہو، جان بوجھ کر تو ایسا نہیں ہو سکتا، پھر حجر اسود فریم کے اندر کی طرف گہرائی میں ھے۔ یہ میرا سوچنے کا انداز ھے۔

والسلام

 

[محمد علی جواد]

السلام علیکم

کچھ جابز بڑی پریشرائزڈ ہوتی ہیں جس پر انسان سے غلطی ہونے کے امکان بہت ہوتے ہیں۔ 7 گھنٹہ کی ڈیوٹی میں اگر ایک ایک گھنٹہ کی شفٹ پر ڈیوائیڈ بھی ہو تو اس وال پر رسی کا سہارا لے کر کھڑے ہونا اور حجر اسود پر بوسہ لینے والوں کو کنٹرول کرنا جس پر دھکم بیل بھی ہوتی ھے، ہو سکتا ھے شرطہ غلطی سے بھول گیا ہو اور اس سے پاؤں کی ٹیک لگ گئی ہو اور ان چند سیکنڈوں میں فوٹو اتر گئی ہو، جان بوجھ کر تو ایسا نہیں ہو سکتا، پھر حجر اسود فریم کے اندر کی طرف گہرائی میں ھے۔ یہ میرا سوچنے کا انداز ھے۔

والسلام

میں آپ کی بات سے اتفاق کرتا ہوں -

 

[عبیداللہ]

میں آپ کی بات سے اتفاق کرتا ہوں -

بالکل

 

[عبیداللہ]

میں آپ کی بات سے اتفاق کرتا ہوں -

بالکل

 

[کنعان]

خانہ کعبہ کے ساتھ پاؤں ٹکانے پر تنازع​

سعودی پولیس اہلکار کی ایک تصویر نے جہاں عرب دنیا میں اشتعال پھیلا دیا ہے وہیں اس کے لیے ہمدردی کی ایک لہر بھی پیدا ہوئی ہے۔

اس تصویر میں وہ اہلکار اُس مقام سے پاؤں ٹکائے کھڑا جس کا مسلمان طواف کرتے ہیں۔

یہ تصویر بڑے پیمانے پر سماجی رابطے کی ویب سائٹ ٹوئٹر پر شیئر کی گئی اگرچہ تاحال یہ معلوم نہیں کہ یہ تصویر کس نے کھینچی۔

ایک ٹوئٹر اکاؤنٹ سے یہ رائے دی گئی کہ 'یہ دنیا میں مقدس ترین مقام ہے، دیکھو یہ کیسے اس کی توہین کر رہا ہے۔'

ایک دوسرے میں کہا گیا 'لوگ ساری عمر صرف ایک مرتبہ خانہ کعبہ کو چُھونے کے آرزو کرتے ہیں لیکن یہ شخص کتنا گستاخ ہے۔'

ایک ہیش ٹیگ (#عسكري_يضع_قدمہ_على_الكعبۃ ) 17000 مرتبہ استعمال کیا گیا جس کا مطلب ہے کہ 'فوجی نے اپنا پاؤں کعبہ پر رکھا'۔

یہ تصویر کئی خبروں کی ویب سائٹس پر بھی شائع کی گئی جس پر کئی قارئین نے اس کی اشاعت پر اعتراض کیا۔

اطلاعات ہیں کہ مکّہ کے گورنر شہزادہ مشعل بن عبدللہ بن عبدالعزیز نے اس واقعے کی تحقیقات اور تادیبی کارروائی کا حکم دیا ہے۔

عرب دنیا میں کسی مقدس چیز کے ساتھ جوتے لگانا توہین سمجھا جاتا ہے۔ حکام نے شروع میں کہا کہ اس اہلکار نے جوتے نہیں پہن رکھے لیکن مسجد کا عملہ عام طور پر ربڑ کے یہ چپل پہنتا ہے۔

اب ٹوئٹر پر کئی لوگ اس پولیس اہلکار کے دفاع میں بھی بولنے لگے ہیں۔ کئی کا کہنا ہے کہ 'وہ یقیناً بہت تھک گیا ہو گیا اور کچھ دیر کو سستانا چاہتا ہوگا۔'

ایک ٹویٹ میں کہا گیا 'یہ احمقانہ بات ہے، ضرورت ہے کہ لوگ اپنی ترجیحات واضح کریں۔'

کئی لوگوں کا کہنا تھا کہ یہ تصویر بذاتِ خود ذومعنی ہے ایک ٹویٹ میں پوچھا گیا 'حج کے دوران کون تھا جو تصویرین اتار رہا تھا۔'

کہا جا رہا ہے کہ شہزادہ مشعل نے پولیس حکام سے کہا ہے کہ وہ ایسی تربیتی کورسز کا اہتمام کریں جن میں پولیس اہلکاروں کو بتایا جائے کہ مسجد میں کس طرح پیش آنا ہے۔

جمعـہ 30 مئ 2014

 

[محمد علی جواد]

یہاں یہ سوال بھی ہے کہ -

اگر مذکورہ فوجی نے جان بوجھ کر یہ حرکت کی تھی تو طواف کرنے والوں میں سے کسی نے اس فوجی کو اس حرکت پور روکا یا ٹوکا کیوں نہیں؟؟

 

[کنعان]

السلام علیکم

جیسا آپ فرما رہے ہیں ایسا نہیں ہوتا، پھر حجر اسود پر ہر ایک اس کوشش میں ہوتا ھے کہ حجر اسود کا بوسہ کیسے لینا ھے اس عالم میں اور کوئی بات نہیں سوجتی۔

والسلام

 

[محمد علی جواد]

السلام علیکم

جیسا آپ فرما رہے ہیں ایسا نہیں ہوتا، پھر حجر اسود پر ہر ایک اس کوشش میں ہوتا ھے کہ حجر اسود کا بوسہ کیسے لینا ھے اس عالم میں اور کوئی بات نہیں سوجتی۔

والسلام

وعلیکم سلام

جی یہ تو صحیح فرمایا -