تو پھر الحمدللہ میں اہل حدیث ہو گیا !!!

[محمد عامر یونس]

تو پھر الحمدللہ میں اہل حدیث ہو گیا !!!

​

 

[عبداللہ حیدر]

السلام علیکم،
میرے بھائی! حنفی، شافعی، مالکی،حنبلی اور اہل الحدیث فرقے نہیں ’’مذاہب‘‘ ہیں جنہیں آسان زبان میں مکتبہ فکر school of thoughtبھی کہا جا سکتا ہے۔فرقہ ان سے بالکل ہی الگ شئے ہوتا ہے۔

 

[محمد عامر یونس]

کیا چاروں امام بر حق ہیں اور چاروں کے طریقے پر چلنے والے جنتی ہیں؟ جرجیس انصاری

لنک


​

 

[عبداللہ حیدر]

کیا چاروں امام بر حق ہیں اور چاروں کے طریقے پر چلنے والے جنتی ہیں؟ جرجیس انصاری

​

السلام علیکم، عالم عرب کے بڑے بڑے سلفی علماء متفق ہیں کہ چاروں فقہی مسالک فرقہ ناجیہ میں داخل ہیں اور یہ سارے ہی اہل السنۃ و الجماعۃ کی شاخیں ہیں۔ان میں اختلاف کی وجوہات جاننے کے لیے شیخ الاسلام ابن تیمیہؒ کی کتاب رفع الملام عن ائمۃ الاعلام کا مطالعہ کیجیے جس کا اردو ترجمہ کتاب و سنت لائبریری میں اس لنک پر موجود ہے:
http://kitabosunnat.com/kutub-library/aima-salaf-aur-itibai-sunnat.html
فرصت ملنے پر اکابر سلفی علماء کے فتاویٰ بھی پیش کر دوں گا ان شاء اللہ۔ سردست اسلام سوال جواب ویب سائٹ پر یہ فتویٰ ملاحظہ کیجیے۔ سائل نے پوچھا ہے کیا مذاہب اربعہ کی اتباع ۷۳ فرقوں والی حدیث میں داخل ہے یا نہیں؟ اس کے جواب میں شیخ نے لکھا ہے:
وهكذا الأئمة الأربعة أصحاب المذاهب المتبوعة ومن سواهم من أهل العلم والفضل ، هم الجماعة ، والفرقة الناجية ، وأهل السنة
’’(صحابہ کرامؓ میں اختلاف کے باوجود جس طرح وہ سب فرقہ ناجیہ میں ہیں) اسی طرح ائمہ اربعہ جن کے (چار) مذاہب کے پیروی کی جاتی ہے اور ان کے علاوہ بھی جو اہل علم و فضل ہیں وہ سب ’’الجماعۃ‘‘ اور نجات پانے والے فرقے میں داخل ہیں اور ان سب کا شمار اہل السنۃ میں ہوتا ہے‘‘
تفصیلی فتوے اور دلائل کے لیے یہ لنک دیکھیے۔
http://islamqa.info/ar/129109
آپ کے اس تھریڈ میں مداخلت سے میرا مقصد بحث و مناظرہ قطعا نہیں ہے۔ صرف یہ خواہش ہےکہ آپ کی طرح ہمارے جو بھائی دین کی اشاعت کے لیے کوئی بھی کام کرتے ہیں ان کی محنتیں درست بات نشر کرنے میں صرف ہوا کریں۔ امید ہے آپ ناراض نہیں ہوں گے۔
والسلام علیکم

 

[محمد عامر یونس]

چاروں مذاہب میں سے صحیح ترین مذہب کونسا ہے

آئمہ اربعہ میں سے کون سے امام صحیح راستے پر اور جماعت المسلمین میں ہے ؟

الحمد للہ:

اللہ تعالی نے ہمیں اپنی کتاب عزیز قرآن کریم اور رسول صلی اللہ علیہ وسلم کی سنت پر چلنے اور اس کی اطاعت کا حکم دیا ہے ، اور حق بات تو یہ ہے کہ ہم نصوص شرعیہ کو نبی صلی اللہ علیہ وسلم کے صحابہ اور ان پیروکاروں میں سے مجتھدین علماء کی فھم سے سمجھیں اور ان علماء میں جن کی صدق وعدالت اور دین میں امامت اور علم وفضل اور صلاح وخیر مسلمہ ہے وہ آئمہ اربعہ ہیں ( امام ابوحنیفہ ، امام مالک ، امام شافعی ، امام احمد ) رحمہم اللہ جمیعا ہيں ۔

اور یہ چاروں شرعی نصوص پر چلنے والے ہیں ، ان کا مقصد وحرص اور تعلیم و تعلم اور اسے نشر کرنا صحیح علم شرعی کی ترویج تھی ، اور وہ چاروں صحیح راستے پر اور نبی صلی اللہ علیہ وسلم کے متبع اور اس پر حریص تھے ، رہا مسئلہ غلطی کا تو یہ ہر ایک سے ہو سکتی ہے حتی کہ صحابہ کرام سے بھی اس کا وقوع ہوا ، تو شرعی مسئلہ میں اتباع اسی کی ہو گی اور وہ ہی مانا جاۓ گا جس پر دلیل ہو ۔

اور یہ بھی ہوسکتا ہے کہ علماء میں سے کسی پر وہ دلیل مخفی رہے اور یہ بھی ہو سکتا ہےکہ اسے وہ دلیل پہنچے ہی نہ لیکن دوسرے عالم کو یہ دلیل مل جاۓ ، تو یہ دلیل کا حاصل نہ ہونا ان کے علم و فضل میں جرج و قدح نہیں اور نہ ہی اس سے ان کی عدالت میں کوئ فرق آتا ہے ، تو ہر ایک حق کا طالب اور اسے نشرکرتا ہے ۔

اوراگر سا‏ئل ان میں سے کسی ایک یا خاص امام کے مسلک پر چلنا چاہتا ہے تو اسے جس مسئلہ پر صریح اور صحیح دلیل مل جاۓ اس میں اس کی بات مانے کیونکہ یہی چیز ہے جس کا مطالبہ ہے ، اور اگر دلیل نہیں ملتی تو ان میں کسی ایک کے ساتھ تعصب نہ کرے بلکہ حق کی اتباع کرے ، اوریہ جائز نہیں کہ ہر ایک قول میں نبی صلی اللہ علیہ وسلم کے علاوہ کسی اور کی اتباع کا اعتقاد رکھا جاۓ ۔

تو علماء کی کلام میں جو دلیل کے موافق ہو اسے مانا جاۓ گا ، اور کسی ثقہ عالم کے فتوی پر عمل کرنا چاہۓ ۔

واللہ تعالی اعلم .

الشیخ محمد صالح المنجد

http://islamqa.info/ur/5523
​

​