جھوٹ کی سنگینی اور اس کی اقسام

[عبد الرشید]

کتاب کا نام

جھوٹ کی سنگینی اور اس کی اقسام

مصنف کا نام

پروفیسر ڈاکٹر فضل الہیٰ

ناشر

مکتبہ قدوسیہ

تبصرہ
گناہوں کی دو قسمیں ہیں :صغیرہ اور کبیرہ ،پھر کبیرہ گناہوں میں بعض انتہائی سنگین ہیں ،جن کی بنا پر لوگ شدید اذیت اور مشکلات سے دو چار ہوتے ہیں ۔ایسے ہی گناہوں میں سے ایک بد ترین گناہ جھوٹ ہے ۔لیکن حیرت انگیز بات یہ ہے کہ ہمارے معاشرے میں جھوت عام ہو چکا ہے ۔بہت سے لوگ دوسرے لوگوں کے جھوٹ پر رنجیدہ ہونے والے اپنے لیے دروغ گوئی کو عقل و دانش کی علامت سمجھتے ہیں ۔کذب بیانی سے بزعم خود دوسروں کو بے وقوف بنانے کا تذکرہ اپنے لیے باعث افتخار گردانتے ہیں ۔عالم اسلام کے عظیم اسکالر ڈاکٹر فضل الہیٰ نے زیر نظر کتاب میں جھوٹ کی ہلاکت خیزی کو واضح کیا ہے اور جھوٹ کی سنگینی ،جھوٹ چھوڑنے کا عظیم الشان صلہ ،جھوٹ کی اقسام اور جھوٹ بولنے کی اجازت کے مواقع جیسے اہم مسائل کو قرآن و حدیث اور علمائے سلف کے اقوال کی روشنی میں اجاگر کیا ہے ۔ہر مسلمان کو یہ کتاب لازماً پڑھنی چاہیے تاکہ معاشرے کو جھوٹ جیسے قبیح جرم سے پاک کیا جا سکے ۔
اس کتاب جھوٹ کی سنگینی اور اس کی اقسام کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[گڈمسلم]

بہت عمدہ کتاب ہے۔
ایک بات مشاہدہ میں آئی ہے کہ جھوٹ کو تو آجکل گناہ سمجھا ہی نہیں جاتا۔بلکہ دل میں یہ احساس ہی پیدا نہیں ہوتا کہ یہ گنا ہ بھی ہے۔حالانکہ قرآنی الفاظ کی واضح صراحت ہے کہ جھوٹوں پر اللہ کی لعنت ہوتی ہے۔اللہ تعالی ہمارے دل ودماغ میں اس بیماری کا شعور پیدا کرے اور ہماری زبانوں کو اس گناہ سے پاک رکھے۔آمین

 

[ساجد]

لَعْنَتَ اللَّهِ عَلَى الْكَاذِبِينَ (آل عمران)
جھوٹ بولنے والوں پر اللہ کی لعنت ہے۔

 

[انس]

لَعْنَتَ اللَّهِ عَلَى الْكَاذِبِينَ (آل عمران)
جھوٹ بولنے والوں پر اللہ کی لعنت ہے۔

﴿ ثُمَّ نَبْتَهِلْ فَنَجْعَل لَّعْنَتَ اللهِ عَلَى الْكَاذِبِينَ ﴾