حافظ سعید کو ہندوستان کے حوالے کرو۔۔۔

[ابوحتف]

ہندوستان کی اپوزیشن جماعت بی جے پی نے حافظ سعید کو ہندوستان کے حوالے کرنے کا مطالبہ کیا ہے - بی جے پی کے ترجمان شاہنواز حسین نے صحافیوں سے گفتگو میں کہا ہے کہ جب تک پاکستان لشکر طیبہ کے بانی حافظ سعید کو ہندوستان کے حوالے نہیں کرتا دونوں ملکوں کے درمیان تعلقات میں تلخیاں ختم نہیں ہوسکتیں- شاہنواز حسین کا کہنا تھا کہ ہم پاک -ہند تعلقات میں بہتری کے حامی ہیں تاہم چاہتے ہیں کہ ہمسایہ ملک دہشتگردی کے اہم مسئلے کو حل کرے جس میں حافظ سعید اور ممبئی حملوں کے دیگر ذمہ داروں کو حوالے کرنا شامل ہے۔۔ بی جے پی کے ترجمان نے الزام عائد کیا ہے کہ حافظ سعید کو پاکستانی خفیہ ایجنسی اور فوج کی حمایت حاصل ہے اور وہ بغیر کسی خوف کے ہندوستان مخالف بیانات دے رہے ہیں- پاکستان کے صدر آصف علی زرداری کے دورے کے حوالے سے ان کا کہنا تھا کہ ہندوستان نے پاکستان کے ساتھ دوطرفہ تعلقات میں پیشرفت کو حافظ سعید اور دیگر کے خلاف کارروائی سے منسلک کیا ہے۔