حضرت محمد علی جناح رحمۃ اللہ علیہ

[محمد ارسلان]

میری راے میں تو تنقید کا انداز شایستہ ہونا چاہیے،مبادا دوسرا شخص خواہ مخواہ ردعمل کا شکار ہو کر حق بات ماننے ہی سے انکار کردے؛اس ضمن میں اصل زور غلط عقائد اور اعمال کی بہ دلائل تردید و تغلیط پر ہونا چاہیے،کسی خاص شخصیت یا فرقے کا نام لے کر اس پر کفر و شرک یا طنز و تعریض سے اجتناب ہی کرنا چاہیے۔
فیس بک پر کسی کا یہ قول مجھے بہت پسند آیا:

یہ صاحب، غامدی صاحب کے مداحین میں سے ہیں،لیکن انھوں نے یہ بات بہت ہی اچھی شیئر کی ہے؛ہمیں بھی اس پر غور کرنا چاہیے؛لیکن اس کے ساتھ مداہنت سے بھی دامن کشاں رہنا ضروری ہے؛اس سلسلے میں ،میں نے کل فیس بک پر تحریر کیا:

میرا طرز عمل تو یہی ہے؛ارسلان بھائی سے بھی یہی کہوں گا کہ طنز یا استہزا سے گریز کرتے ہوئے اصل موضوع پر توجہ مرکوز رکھا کریں؛دوسروں کا غلط رویہ ہمیں غیر اخلاقی روش اختیار کرنے کا باعث نہ بننے پائے؛شیخ الاسلام ابن تیمیہ ؒ نے لکھا ہے کہ بدعتی فرقے اہل سنت کی تکفیر کرتے ہیں ،لیکن اہل سنت جواباً ایسا نہیں کرتے،کیوں کہ اگر کوئی بدبخت آپ کی عزت و آبرو پر حملہ کرتا ہے تو جوابی طور پر ہم اس کے اہل خانہ سے ایسا نہیں کریں گے۔والسلام

جزاک اللہ خیرا بھائی
آپ نے درست باتیں کیں ہیں، میں آپ کی باتوں سے متفق ہوں۔ دراصل میں بھی ان تمام باتوں کو سمجھتا ہوں، لیکن بات یہ ہے کہ ہمارے مصلحین مفاہمت کی جگہ مداہنت اختیار کرتے ہیں پھر وہاں غصہ آتا ہے۔ الحمدللہ ہمیں بھی معلوم ہے کہ اسوہ حسنہ دعوت کے معاملے میں کیا ہے۔

 

[محمد ارسلان]

یہ سوال بہت اچھا ہے۔
لیکن اپنی مرضی سے دو مختلف باتوں کو مکس کر دینے سے مسئلہ گمبھیر ہو گیا ہے۔ درست بات یہ ہے کہ ۔۔۔ کسی کی قرآن و حدیث کے مطابق رہنمائی عین اسوہ حسنہ کی روشنی میں کی جائے تو دنیا کا کوئی بھی مسلمان نہ مبلغ کو روکتا ہے اور نہ ہی اس پر غور کرتا ہے کہ کہنے والا مبلغ کس مسلک یا طبقہ کا ہے؟
مسئلہ سراسر یہی ہے کہ اسوہ حسنہ پر مبنی لب و لہجہ کوئی اپنانے تیار نہیں بلکہ بعض احباب تو بےدھڑک کہہ دیتے ہیں کہ بعض جگہ یہ "اسوہ مبارک" لاگو ہی نہیں ہوتا۔ ان بچارے بھائی صاحب کو یہ نہیں پتا کہ مختلف المسالک کلمہ گو افراد کے تبلیغی میدان میں سو فیصد لاگو نہ ہونے کا سوال ہی نہیں اٹھتا۔
ذاتی طور پر مجھے انٹرنیٹ پر کسی بھی مکتب فکر یا مسلک یا طبقہ کے عوام میں کوئی بین فرق نظر نہیں آتا۔ ہاں جن کو نظر آتا ہے یا جو اپنے "طبقہ" کی بہتری کی فکر میں غلطاں و پیچاں ہوتے ہیں، ان کی تمام تر سنجیدہ کوشش یہی ہوتی ہے کہ مخالفین کی گرفت کرنے یا ان کا لن ترانیوں کا رد کرنے کے بجائے اپنے ہی بھائی بندوں کی اصلاح کی جائے ۔۔۔ اور یوں اسی کی بنیاد پر دعویٰ کیا جا سکتا ہے کہ ہم میں اور دیگران میں یہ یہ بنیادی فرق ہے!
کیونکہ ۔۔ جب آپ کے لہجہ اور دیگران کے لہجے میں کوئی فرق نہ ہو تو چاہے آپ نارتھ پول پر ٹھہر کر حلق کی آخری آواز سے نعرہ لگالیں کہ آپ ہی حقیقی موحد ہیں ، مگر افسوس کہ آپ کے "عمل" کے باعث کوئی بھی آپ کے قول کو درخور اعتنا نہیں مانے گا۔

××
یہ مراسلہ تحریر کرنے کے بعد ابھی میں نے دیکھا کہ جناب حافظ طاہر اسلام عسکری نے بہت اچھی باتیں لکھی ہیں۔ میں بھی ان کی باتوں سے اتفاق کروں گا۔

آپ اپنی یہ غلط فہمی دور کر لیں کہ میں نے کہیں اسوہ حسنہ کو لاگو کرنے یا نہ کرنے کی بات کی ہو، الحمدللہ زندگی کے ہر شعبے میں اسوہ حسنہ پر ہی عمل کرنا چاہئے۔ یہی میرا نقطہ نظر ہے۔ آپ اپنی بھی اصلاح کریں۔

 

[حیدرآبادی]

آپ اپنی یہ غلط فہمی دور کر لیں کہ میں نے کہیں اسوہ حسنہ کو لاگو کرنے یا نہ کرنے کی بات کی ہو

نہیں ! آپ کی طرف بالکل اشارہ نہیں تھا۔

۔۔۔۔۔ لیکن بات یہ ہے کہ ہمارے مصلحین مفاہمت کی جگہ مداہنت اختیار کرتے ہیں پھر وہاں غصہ آتا ہے۔۔۔۔۔

مفاہمت اور مداہنت کا فرق بھی بتائیں اور تشریح بھی کر دیجئے ، بڑی مہربانی نوازش۔
اور یہ بات تو خیر بتانے کی ضرورت نہیں کہ جہاں غصہ آتا ہے وہاں نبی صلی اللہ علیہ وسلم کا اسوہ کیا کہتا ہے؟ :)

 

[محمد ارسلان]

میں تمام بھائیوں اور دوستوں کو ایک بات کی طرف توجہ دلانا چاہتا ہوں، جن لوگوں کو اگر میری اوپر بیان کردہ باتوں سے کوئی غلط فہمی ہوئی ہو تو وہ کلئیر کر لیں کہ احقر کا بریلوی مکتبہ فکر کے لوگوں کے ساتھ رویہ ہر وقت، ہر جگہ اور ہر لحاظ سے وہی نہیں ہوتا جو میں نے اپنے پوسٹرز میں بیان کی ہیں۔ اللہ تعالیٰ بہتر جانتا ہے کہ میں دعوت کے کام میں اسوہ حسنہ کو ہی قابل عمل سمجھتا ہوں۔ احقر نے کئی ایسے پوسٹرز بنائے ہیں جن میں کسی بھی بریلوی کو گالی کے جواب میں گالی دینے یا بریلوی علماء کی تصویروں کو ایڈٹ کر کے چہرے بگاڑنے کی سختی سے ممانعت کی ہے۔ الحمدللہ

لہذا وہ تمام بھائی حضرات جو یہاں اگر میری کسی بات سے کسی بھی غلط فہمی میں مبتلا ہوئے ہیں تو وہ اپنا مائنڈ کلئیر کر لیں۔ اللہ تعالیٰ ریاکاری سے محفوظ فرمائے آمین۔ اللہ تعالیٰ ہمیں اسوہ حسنہ پر عمل پیرا ہونے کی توفیق عطا فرمائے آمین

 

[محمد ارسلان]

http://forum.mohaddis.com/threads/ہے-نا-حیرانی-والی-بات.21041/

میں نے یہاں بریلویوں کو ایک پیغام دیا ہے ایک بات کہہ کر، مصلحین سے گزارش ہے کہ وہ بتائیں کیا یہ صحیح ہے؟
اگر غلط ہے، استہزاء ہے، طنز ہے تو پھر یہی بات اچھے طریقے سے کس طرح سمجھائی جا سکتی تھی؟ میں مصلحین سے کچھ سیکھنا چاہتا ہوں، پلیز میری راہنمائی کریں۔
حافظ طاہر اسلام عسکری
یوسف ثانی

پلیز مائنڈ بھی نہ کریں، ایک چھوٹا بھائی بڑے بھائیوں سے سیکھنا چاہتا ہے۔

 

[Dua]

http://forum.mohaddis.com/threads/ہے-نا-حیرانی-والی-بات.21041/

میں نے یہاں بریلویوں کو ایک پیغام دیا ہے ایک بات کہہ کر، مصلحین سے گزارش ہے کہ وہ بتائیں کیا یہ صحیح ہے؟
اگر غلط ہے، استہزاء ہے، طنز ہے تو پھر یہی بات اچھے طریقے سے کس طرح سمجھائی جا سکتی تھی؟ میں مصلحین سے کچھ سیکھنا چاہتا ہوں، پلیز میری راہنمائی کریں۔
حافظ طاہر اسلام عسکری
یوسف ثانی

پلیز مائنڈ بھی نہ کریں، ایک چھوٹا بھائی بڑے بھائیوں سے سیکھنا چاہتا ہے۔

قرآن و حدیث سے اور اسوہ رسول اللہ ﷺ بیان کرنے سے!!!

 

[حیدرآبادی]

تبلیغ کے میدان کا پہلا اصول ہی یہی ہے کہ دوسروں کی برائیوں ، کوتاہیوں اور لغزشوں کو بطور خاص نام لے کر ٹارگٹ نہ کیا جائے۔ خاص طور پر بھی اس وقت جب فریق مخالف ان چیزوں سے عقیدت رکھتا ہو۔
یہ عجیب بات ہے کہ جب معاشرتی معاملات میں محلہ کے بچوں کی ہم تربیت کرنا چاہیں تو کبھی کسی باپ کو بیچ چوراہے پر یہ کہہ کر نہیں للکارتے کہ "اس کا بچہ سگریٹ پیتا ہے ، نکڑ پر ٹھہر کر لڑکیوں کو تاکتا ہے ، راہگیروں کو بےجا ستاتا ہے جبکہ دوسرے بچے ایسے نہیں ہیں اور نہ ہی ہمارا دین ایسا سکھاتا ہے ۔۔۔۔"
بس تبلیغ دین ہی ایسا بچارا شعبہ ہے کہ یہاں "ہم صحیح تم غلط" والا اصول اول اور لازم سمجھ لیا گیا ہے۔ جبکہ بات ہمیشہ مقابل کی اچھائیوں سے شروع ہونا چاہیے اور خطاؤں کوتاہیوں کا ذکر جمع کے صیغے سے بیان ہونا چاہیے۔
مثلاً ۔۔۔۔
دیگر قوموں کے برعکس ہر چند کہ ہم لوگ مذہبی طور سے بہت حساس ہیں پھر بھی پتا نہیں کیوں ہم لوگوں کی اکثریت نے چھوٹے چھوٹے غیر ضروری معاملات کو اپنی عقیدت کا مرکز بنا لیا ہے ، کبھی ہم اپنے اپنے علما کی ہر بات کو حرف آخر سمجھتے ہیں تو کبھی نیک لوگوں سے منسوب بال، جوتیاں، کپڑے وغیرہ سے عقیدت جوڑ کر ان کے حصول کے لیے بھاگ دوڑ کرتے ہیں جبکہ ہمارے گھروں میں وہ جامع اور عالمگیر کتاب موجود ہے جس کو سمجھ کر پڑھنے اور عمل کرنے سے ہماری زندگیوں میں انقلاب آ سکتا ہے اور وہ دین و دنیا کے حساب سے سنور سکتی ہیں۔

 

[محمد ارسلان]

اس کالم کے آخری پیراگراف میں بانی پاکستان کو ”حضرت محمد علی جناح رحمۃ اللہ علیہ“ لکھا گیا ہے۔

جبکہ اسی فورم میں بانی پاکستان کے بارے میں احباب نے ایسے ایسے کمنٹس لکھے ہیں کہ الاماں الحفیظ۔ ۔ میری ناٖقص عقل میں یہ بات نہیں سماتی کہ ٹاپ لیڈرز عوامی سطح پر شیعہ، جماعت اسلامی، بریلوی گروپوں کے ساتھ اتحاد بھی کرتے ہیں۔ انہیں مسلمان بھی قرار دیتے ہیں ان کے پیچھے نماز کو جائز بھی قرار دیتے ہیں۔ بانی پاکستان کو رخمۃ اللہ علیہ بھی لکھتے ہیں ۔۔۔ دوسری طرف انہی لیڈرز کے فالوورز اور کارکنان ان گروہوں اور شخصیات کے بارے میں جو رائے رکھتے ہیں، ان سے یہ فورم گردن گردن تک آلودہ ہے۔ سمجھ نہیں آتا کہ اوپر والے غلط ہیں یا نیچےوالے یا دونوں اپنی اپنی جگہ تو ایک ہی ہیں لیکن عوامی سطح پر تقیہ اختیار کرنے کو جائز سمجھ لیتے ہیں
واللہ اعلم بالصواب

فورم پر واضح انسانی تصاویر کا استعمال ممنوع ہے، اسے ایڈٹ کیا جائے۔