حوازادی..........از فلک شیر

[فلک شیر]

سرما کی یخ پھینکتی ہوا
اور
گرما کی قہر برساتی لُو
روزِ ازل شاید
اِن دونوں کا انتساب
لڑکیوں کے نام کیا گیا تھا
جنہیں
دونوں میں سے ایک کی
زندگی بھر مہمانی کرنا ہوتی ہے
(فلک شیر)

 

[یوسف ثانی]

؟؟؟؟
فلک بھائی! یہ آپ نے کیا کہہ دیا؟
شاید “آزاد نظم” اسی کو کہتے ہوں گے (ابتسامہ)

 

[فلک شیر]

؟؟؟؟
فلک بھائی! یہ آپ نے کیا کہہ دیا؟
شاید “آزاد نظم” اسی کو کہتے ہوں گے (ابتسامہ)

جی کہنے کو تو یہ نثری نظم ہے...... آپ البتہ اسے کچھ بھی کہہ سکتے ہیں :)
بہرحال یہ میرا خیال ہے.......اتفاق و اختلاف کا حق آپ محفوظ رکھتے ہیں :):):)

 

[یوسف ثانی]

جی کہنے کو تو یہ نثری نظم ہے...... آپ البتہ اسے کچھ بھی کہہ سکتے ہیں :)
بہرحال یہ میرا خیال ہے.......اتفاق و اختلاف کا حق آپ محفوظ رکھتے ہیں :):):)

فلک بھائی، شعر و شاعری کے معاملہ میں یہ احقر بالکل ”کورا“ ہے۔
نثری نظم (غیر پابندِ بحور ؟) اور آزاد نظم (پابندِ بحور ؟) ہمارے ہاں جس طرح ایک دوسرے میں ”مداخلت“ کرتی نظر آتی ہیں، اس سے “عملاً” تو دونوں میں “فرق” ختم ہوتا چلا جارہا ہے۔ ہماری معلومات کے لئے کیا آپ چند سطور میں دونوں اقسام کی نظموں کی ”تعریف“ کرسکتے ہیں۔ دونوں کی ہیئت میں بنیادی کیا فرق ہوتا ہے۔ کیا صرف ہیئت ہی میں فرق ہوتا ہے یا مضامین میں بھی۔