حیدرآباد تین بم دھماکوں سے دہل گیا

[حیدرآبادی]

حیدرآباد (انڈیا) کے مشہور کاروباری علاقے "دلسکھ نگر" میں آج جمعرات 21/فبروری تین بم دھماکے پیش آئے۔ پہلا دھماکہ شام سات بجے (ہندوستانی مقامی وقت) ، اس کے پانچ منٹ بعد دوسرا اور پندرہ منٹ بعد تیسرا دھماکہ ہوا۔
مصدقہ ذرائع کے مطابق 16 کے قریب افراد ہلاک اور 50 سے زائد زخمی ہوئے ہیں۔ وزیراعلیٰ کرن کمار ریڈی اور مئیر حیدرآباد ماجد حسین مقام واردات پر پہنچ گئے ہیں۔ مرکزی حکومت کی جانب سے نیشنل سیکوریٹی گارڈز کا ایک دستہ فوری طور پر حیدرآباد کو روانہ کیا گیا ہے۔ واضح رہے کہ یہ خصوصی دستہ بم دھماکوں کی تحقیقات اور تجزیے کا ماہر ہے۔
دارالحکومت نئی دہلی اور پڑوسی شہر بنگلور جو آئی۔ٹی کا حامل مرکزی شہر ہے ، میں سیکوریٹی میں مزید اضافہ کر دیا گیا ہے۔

حیدرآباد میں آج کے اس سانحے سے قبل دو مختلف مقامات پر متواتر دھماکے 25/اگست 2007 کو پیش آئے تھے۔

تعمیر نیوز : Serial blasts rock Hyderabad