حیض والی عورت سے مباشرت کرنے کے حوالے سے چند مسائل

[محدث میڈیا]

اگر کوئی شخص اپنی بیوی سے جماع کر لیتا ہے اسے پتہ بھی ہے کہ میری بیوی کو حیض کا خون آیا ہوا ہے اس نے کبیرہ گناہ کا ارتکاب کیا ہے ، اس پر اپنے اس گناہ سےتوبہ کرنا واجب ہےاور وہ کفارہ بھی ادا کرے گا۔

سیدنا ابن عباس ؓ نے نبی کریم ﷺ سے اس شخص کے بارے میں جو اپنی بیوی سے حالت حیض میں مجامعت کرتا ہے روایت کیا ہے کہ آپ ﷺ نے فرمایا ”ایک دینار صدقہ کرے یا آدھا دینار۔“ امام ابوداؤد ؓ کہتے ہیں کہ صحیح روایت ایسے ہی ہے کہ ”ایک دینار یا آدھا دینار۔“ (سنن ابى داود: 264)

اگر بیوی کو حیض آیا ہو تو صرف دخول کرنا منع ہے باقی ہر طرح کی لذت حاصل کی جا سکتی ہے۔

جناب عکرمہ نبی کریم ﷺ كی کسی بیوی سے بیان کرتے ہیں کہ انہوں نے فرمایا کہ نبی کریم ﷺ اگر اپنی کسی اہلیہ سے کچھ خواہش کرتے اور وہ حیض سے ہوتی تو اس کی شرمگاہ پر کپڑا ڈال دیتے۔ (سنن ابى داود: 272)