ایسے لوگوں سے سروکار نہ رکھیں
سوال:
ہمارا قبیلہ شمالی سرحد پر قیام پذیر ہے،ہمارا اور عراق کے بعض قبائل کا باہم تعلق اور میل جول رہتا ہے۔وہ لوگ بت پرست شیعہ ہیں،جو قبے بنا کر ان کو پوجتے ہیں اور ان قبوں کا نام حسن،حسین اور علی رکھتے ہیں۔اٹھتے ہوئے یاعلی،یاحسین کہتے ہیں۔ہمارے قبیلے کے بعض افراد نے ان کے ساتھ شادی بیاہ کے تعلقات قائم کرلیے ہیں اور ہر طرح کا میل جول کرلیا ہے۔میں نے انہیں نصیحت کی،لیکن انہوں نے سنی ہی نہیں۔وہ اونچے عہدوں پر فائز ہیں اور میرے پاس اتنا علم نہیں کہ انہیں سمجھا سکوں،لیکن میں ان کی حرکتوں کو ناپسند کرتا ہوں اور ان سے میل جول نہیں رکھتا۔میں نے سنا ہے کہ ان کا ذبح کیا ہوا جانور کھانا جائز نہیں،یہ لوگ ان کا ذبیحہ کھا لیتے ہیں اور بالکل خیال نہیں کرتے۔آپ سے گزارش ہے کہ ارشاد فرماہیں کہ مذکورہ بالا صورت حال میں ہمارا کیا فرض ہے؟
جواب:
الحمد للہ وحدہ والصلوۃ والسلام علی رسولہ وآلہ وصحبہ وبعد
جب صورت حال یہ ہو جو آپ نے ذکر کی ہے کہ وہ سیدنا علی،حسن اور حسین(رضی اللہ عنہم) وغیرہ کو پکارتے ہیں تو وہ شرک اکبر کے مرتکب ہیں جس کی وجہ سے انسان دائرہ اسلام سے خارج ہوجاتا ہے۔اس لیے انہیں مسلمان لڑکیوں کا رشتہ دینا جائز نہیں اور ان کی عورتوں سے نکاح کرنا بھی جائز نہیں،نہ ان کا ذبیحہ کھانا جائز ہے۔اللہ تعالیٰ نے فرمایا ہے:
وَ لَا تَنْكِحُوا الْمُشْرِكٰتِ حَتّٰى يُؤْمِنَّ وَ لَاَمَةٌ مُّؤْمِنَةٌ خَيْرٌ مِّنْ مُّشْرِكَةٍ وَّ لَوْ اَعْجَبَتْكُمْ وَ لَا تُنْكِحُوا الْمُشْرِكِيْنَ حَتّٰى يُؤْمِنُوْاوَ لَعَبْدٌ مُّؤْمِنٌ خَيْرٌ مِّنْ مُّشْرِكٍ وَّ لَوْ اَعْجَبَكُمْ اُولٰٓىِٕكَ يَدْعُوْنَ اِلَى النَّارِوَ اللّٰهُ يَدْعُوْۤا اِلَى الْجَنَّةِ وَ الْمَغْفِرَةِ بِاِذْنِهٖ وَ يُبَيِّنُ اٰيٰتِهٖ لِلنَّاسِ لَعَلَّهُمْ يَتَذَكَّرُوْنَ
’’تم مشرک عورتوں سے ہر گز نکاح نہ کرنا ، جب تک کہ وہ ایمان نے لے آئیں۔ ایک مومن لونڈی مشرک شریف زادی سے بہتر ہے ، اگرچہ وہ تمہیں بہت پسند ہو۔ اور اپنی عورتوں کے نکاح مشرک مردوں سے کبھی نہ کرنا ، جب تک کہ وہ ایمان نہ لے آئیں۔ ایک مومن غلام ، مشرک شریف سے بہتر ہے اگرچہ وہ تمہیں بہت پسند ہو۔ یہ لوگ تمہیں آگ کی طرف بلاتے ہیں اور اللہ اپنے اذن سے تم کو جنت اور مغفرت کی طرف بلاتا ہے ، اور وہ اپنے احکام واضح طور پر لوگوں کے سامنے بیان کرتا ہے ، توقع ہے کہ وہ سبق لیں گے اور نصیحت قبول کریں گے‘‘
وباللہ التوفیق وصلی اللہ علی نبینا محمد والہ وصحبہ وسلم
اللجنۃ الدائمۃ
رکن:عبداللہ بن قعود۔رکن:عبداللہ بن غدیان
نائب صدر:عبدالرزاق عفیفی صد:عبدالعزیز بن عبداللہ بن باز
فتوی:7308