خواب

[طارق بن زیاد]

السلام وعلیکم محترم
حضرت امام بخاری رحمہ اللہ کی والدہ محترمہ کے خواب میں حضرت ابراہیم علیہ السلام آئے۔اور بخاری رحمہ اللہ کی آنکھوں کے بینائی واپس آنے کی بشارت دی۔میرا اس بات پر پختہ یقین ہے کہ یہ بات بالکل سچ ہے۔لیکن اک سوال میرے ذہن میں بار بار آتا ہے کہ کیا کسی انسان کو دیکھے بغیر بھی اسکی شکل خواب میں کیسے آسکتی ہے؟ مثلامیں شاکر صاحب کی شکل خواب میں دیکھنا کیسے مملن ہو سکتا ہے۔جب کہ میں نے انکو دیکھا ہی نہیں۔اور مری شکل آپ اپنے خواب میں کیسے دیکھ سکتے ہیں۔جب کے آپنے مجھے دیکھا ہی نہیں۔چلو اگر مان بھی لیں۔کہ یہ شاکر صاحب کی ہی شکل ہے تو میں یہ کیسے پہچان سکتا ہوں کہ یہ شاکر صاحب کی ہی شکل ہے؟

 

[ابوالحسن علوی]

اہل علم کا تقریبا اس بات پر اتفاق ہے کہ اللہ کے رسول صلی اللہ علیہ وسلم کسی مسلمان کے خواب میں آ سکتے ہیں حالانکہ صحابہ رضی اللہ عنہم کے علاوہ کسی نے بھی اللہ کے رسول صلی اللہ علیہ وسلم کو نہیں دیکھا ہے۔ یہ درحقیقت اللہ کی طرف سے ایک انعام ہے کہ کوئی نبی اس کے خواب میں آئیں۔ اب رہی یہ بات کہ اسے کیسے معلوم ہو گا کہ جس کو اس نے دیکھا ہے، یہ وہی ہیں تو یہ چیزیں انسان کے قلبی اطمینان اور کیفیات سے تعلق رکھتی ہیں جو اس خواب کے دیکھنے کے بعد اسے حاصل ہو سکتی ہیں۔

جہاں تک دیکھنے کا معاملہ ہے تو خواب میں بعض اوقات ہم ایسے افراد یا ایسے علاقے یا ایسے اشخاص یا ایسی مخلوقات کو بھی دیکھتے ہیں کہ جنہیں ہم نے اس سے پہلے نہیں دیکھا ہوتا ہے تو یہ سب کیا ہے؟ پس یہ کہنا درست نہیں ہے کہ جس کو ہم نے نہیں دیکھا ہے وہ ہمارے خواب میں نہیں آ سکتا ہے کیونکہ ہم انسانوں میں سے ہر تیسرے آدمی کے خواب اس دعوی کی تصدیق نہیں کرتے ہیں۔

باقی رہی یہ بات کہ جس کو ہم نے دیکھا ہے، وہ وہی ہے کہ جس کو ہم نے دیکھا ہے تو اس کا تعلق دل سے ہے نہ کہ خارج سے ہے۔ اور اس خواب میں ہی یہ اشارہ موجود ہوتا ہے کہ آپ فلاں کو دیکھ رہے ہیں۔ میں نے فلاں کو خواب میں دیکھا ہے، اس کا تعین خواب ہی سے ہوتا ہے اور نہ اگلی صبح جاگنے کے بعد اپنے قیاسات سے۔

واللہ اعلم بالصواب

 

[طارق بن زیاد]

جزاک اللہ خیر محترم
دراصل بات یہ ہے کہ آجکے بریلوی حضرات اکثر ایسے دعوے کرتے نظر آتے ہیں۔کہ ہم نے اللہ کے نبی صلی اللہ علیہ وسلم کو دیکھا۔
اب ہم یہ کیسے یقین کریں کہ جس شخص نے دیکھا ہے۔کیا وہ واقعی سچ کہہ رہا ہے۔اسکی کیا بنیاد ہونی چاہئے؟

 

[ابوالحسن علوی]

اب ہم یہ کیسے یقین کریں کہ جس شخص نے دیکھا ہے۔کیا وہ واقعی سچ کہہ رہا ہے۔اسکی کیا بنیاد ہونی چاہئے؟

اس میں دو باتیں ہیں:
١۔ ایک یہ کہ اس صاحب نے واقعتا ایسا کوئی خواب دیکھا ہے تو اس کی تصدیق اس کی سابقہ زندگی یا کردار سے کی جا سکتی ہے یعنی اگر ایک شخص عام زندگی میں سچا ہے اور جھوٹ نہیں بولتا ہے تو اس کی ایسی بات کا اعتبار کیا جائے گا کہ اس میں ایسا کوئی خواب دیکھا ہے۔
٢۔ اس نے جو خواب میں دیکھا ہے، وہ وہی ہے جو اس کا گمان ہے یا جس کا وہ مدعی ہے تو اس کا اثبات اور تصدیق ممکن نہیں ہے لہذا اس بارے کوئی قطعی بات نہیں کہی جا سکتی ہے۔ ہاں البتہ یہ کہا جا سکتا ہے کہ یہ اس شخص کا ذاتی اطمینان اور باطنی کیفیت ہے جو صرف اس کی ذات تک تو مفید ہو سکتی ہے لیکن دوسروں کے لیے نہیں۔

 

[طارق بن زیاد]

جزاک اللہ خیر محترم۔