خوشی سرشار ہونے کا نام ہے

[نسرین فاطمہ]

خوشی سرشار ہونے کا نام ہے ۔۔۔۔۔۔۔۔۔۔خوش ہونے کا ۔۔۔۔۔۔۔۔۔۔کسی کو مسرور دیکھ کر خوش ہونے کا۔۔۔۔۔۔۔۔۔۔۔محبت الٰہی میں سرشار ہونے کا۔۔۔۔۔۔محبت کی فضا میں تحلیل ہونے کا۔۔
لیکن سب کے نزدیک اس کا مفہوم ایک نہیں ۔
نیرو روم کے جلنے پہ بانسری بجارہا تھا۔۔۔۔۔خوش تھا۔
چنگیز اور ہلاکو۔۔۔۔کھوپڑیوں کے مینار تعمیر کرکے خوشی و سرمستی سے ۔۔۔تکبر سے سرشار تھے
فرعون مصر حضرت موسٰی کی فوج کو کم زور سمجھتے ہوئے ۔۔۔اپنی فوجوں کو سرپٹ دوڑاتے ہوئے ۔۔۔زمیں کو پھاڑنے کا احساس ، زمین کو فتح کرلینے کا عزم لئے ۔۔۔۔اپنے زعم میں زمینی خدا بنے خوش ہورہا تھا
اور اللہ ،حقیقی ر ب اس کی حماقت پر ؛؛
پانسہ پلٹا تو زمینی خدا نہ رہا مگر نشان عبرت؛؛؛
جو اس تکبر کا احساس رکھتے ہیں وہ کیسے خوش رہ سکتے ہیں ۔۔۔ہاں مگر وہ جو اپنے ساتھی ۔۔۔۔فرعون کو بھول کر زمیں میں کسی حق کے بغیر بڑے بنتے ہیں ؛؛؛
بڑے دراصل اپنے بڑے کو بھول کر خوش ہوتے ہیں ،
تبھی
غفلت کی ہنسی ان کا مشغلہ ہے ۔۔۔قہقہ ان کی غذا ہے ؛؛وہ اس غفلت کا احساس نہیں رکھتے تبھی وہ خوش ہوتے ہیں ۔۔۔۔اور غمگین وہ ۔۔۔جو قہقہوں کی حقیقت سے واقف ہیں حقیقی دکھ سے بھی واقف؛؛؛
کون خوش ہے اور کون ناخوش ۔۔۔۔کس کی امیدیں بندھی ہیں اور کون ناامید یہ ایک طویل سوال ہے ۔۔۔۔نہ
ختم ہونے والا ایک احساس ؛؛؛؛
ہاں دونوں ہی خوش ہیں ۔۔۔مومن وکافر ۔۔۔۔مگر کیسے؟؟؟؟
ابو جہل برچھی مار کر خوش تھا اور سمیہ برچھی کھا کر ۔۔۔خوش ہوگئی تھی۔۔۔۔خوش ہونے کے لئے ۔۔۔۔۔ہمیشہ خوش رہنے کے لئے۔۔۔۔امن کی وادی میں جا پہنچی۔۔۔اب یہ کس کی خوشی ہے اور کس کی ناخوشی ؛کافر۔۔۔۔منکر۔۔۔۔۔۔اطاعت کو چھوڑنے والا۔۔۔۔۔بندہ نفس۔۔۔۔نفس کی خواہشات کو پورا کرتے ہوئےخوشی اور دکھ کو بھول کر خوش ہے ۔

بندہ مومن ۔۔۔احساس ایمان سے ۔۔۔حلاوت ایمان سے ۔۔۔۔محبت رسول سے۔۔۔۔چہرہ مومن کو دیکھ کر ۔۔۔۔خوش ہے ،،،مسرور ہے ۔۔۔۔اس کی خوشی روح میں ہے ۔۔۔قلب میں گھر کر چکی ہے ۔۔۔۔سر شار ہے ۔۔۔۔بے خود ہے ،،،اس کی روح مصروف عبادت ہے ۔۔۔موہوم اور تھرکتے ہوئے شعلے کی طرح بجھ جانے کا ڈر لئے ہوئے ۔۔۔کیونکہ جب تک وہ دنیا میں ہے ۔۔۔۔دنیا اس کو خوش نہیں دیکھ سکتی ۔۔۔اس کی خوشی کے درپے رہتی ہے ۔۔۔؛ مگر وہ خوش رہتا ہے کیونکہ وہ محبت کرتا ہے "الودود" کے ساتھ ۔
الرحمان کا بندہ۔۔۔۔۔رحیم اور رحمان کے ساتھ ۔۔۔۔۔رحمان کے رحیم ساتھیوں کے ساتھ ان کے احساس بندگی کے ساتھ ؛؛؛محبت الٰہی کے ساتھ۔۔
جس کے پاس احساس الٰہی نہیں ۔۔۔احساس رحمت نہیں۔۔۔،احساس محبت نہیں۔۔۔۔وہ مومن نہین ۔۔۔جو مومن نہیں وہ کیسے خوش رہ سکتا ہے ۔۔۔۔"المومن " کے ساتھ ۔۔۔۔المسلمین کے ساتھ۔
خوش رہنا چاہتے ہو تو رہنا سیکھو المومن کے ساتھ ۔۔۔رحمان کے ساتھ۔۔۔۔الودود کے ساتھ ۔۔۔۔محبت کی فضاء میں احساس محبت کی صبا میں ۔۔۔۔۔۔۔اس کو ڈھونڈواوقات سحر میں ۔۔۔افق کی کرنوں میں مشاہدہ کرو ۔۔۔۔اس نور کا تاریکیوں میں ۔۔۔اوقات شب میں شبنمی آنکھوں کے ساتھ ۔۔احساس محبت کے ساتھ تم اس کو پا لوگے ۔۔۔ظلمت شب میں ۔۔۔باطل کی تاریکی میں ۔۔تم بے غم ہو جاؤ گے ۔۔۔اس کے غم میں ۔۔دنیا سے کٹ کر اس سے جڑ کر تو دیکھو۔۔۔۔اپنی پیاری نیند کو اپنے پیارے اللہ پر قربان کرکے تو دیکھو۔۔۔/
اس کو ڈھونڈو۔۔۔بندہ مومن کے آنسوؤں میں ۔۔۔سسکیوں میں ۔۔۔۔مسکین کی آہوں میں ۔ماں کی دعا میں ۔۔۔۔مظلوموں کی آہوں میں ۔۔۔مجاہد کی اذاں میں ۔۔۔اذان کا جواب دیتے ہوئے ۔۔۔۔اسے خالص دل سے پکارتے ہوئے ۔۔۔
کونو انصاراللہ کی پکار پر ۔۔۔نحن انصاراللہ پکارتے ہوئے۔۔۔۔:
تب تم خوش ہو جاؤ گے سرشارہوکر۔

 

[ادب دوست]

اچھی تحریر ہے

 

[Abubaker304]

وعلیکم السلام
بہت اعلیٰ
نسرین بہنا​