دنیا کی حقیقت

[سدرہ منتہا]

ہارون الرشید پانی پی رہا تھا کہ اس کے پاس ایک محدث تشریف فرما تھے جنکا نام محمد بن سماک رحمہ اللہ علیہ تھا ۔ ہارون نے کہا کہ مجھے کچھ نصیحت کیجئے ۔
فرمانے لگے کہ پانی تیرے ہاتھ میں ہے ۔ تُو صحرا میں بھٹک جائے اور پیاس سے مرنے لگے ، کوئی شخص تجھے کہے کہ میں تجھے پانی دیتا ہوں ۔ لیکن اس کے بدلے مجھے کیا دو گے تو اس شخص کو کیا دو گے؟ ہارون نے کہا کہ اپنی آدھی سلطنت ۔
محمد بن سماک رحمہ اللہ علیہ کہنے لگے کہ اچھا پانی پی لو ۔ ہارون نے پانی پی لیا تو پھر کہا کہ یہ پانی تیرے پیٹ میں جاکر ٹھہر جائے اور نکلے نہیں تو تُو تڑپنے لگے اور ایک آدمی تجھے کہے کہ یہ پانی میں نکال سکتا ہوں تو اس شخص کو کیا دو گے ؟
ہارون نے کہا کہ باقی کی آدھی سلطنت دے دوں گا ۔
محمد بن سماک رحمہ اللہ علیہ نے فرمایا کہ وہ ملک جس کے آدھے کی قیمت چند گھونٹ پانی اور اور باقی آدھے کی قیمت چند قطرے پیشاب ہو ، اس قابل نہیں ہے کہ اس کیلئے اللہ کو ناراض کیا جائے ۔

 

[Aamir]

جزاک الله خیر بہن

 

[محمد ارسلان]

جزاک اللہ خیرا

 

[عبداللہ ابن آدم]

بات تو بالکل درست ہے لیکن یہ کہاں لکھی ہے؟ اس کا کوئی حوالہ مل سکتا ہے ۔

 

[اسحاق سلفی]

بات تو بالکل درست ہے لیکن یہ کہاں لکھی ہے؟ اس کا کوئی حوالہ مل سکتا ہے ۔

یہ واقعہ علامہ ابن کثیر نے ’’ البدایہ و النہایہ ‘‘ میں نقل کیا ہے ؛
ودخل عليه ابن السماك يوما فاستسقى الرشيد فأتي بقلة فيها ماء مبرد فقال لابن السماك: عظني.
فقال: يا أمير المؤمنين! بكم كنت مشتريا هذه الشربة لو منعتها؟ فقال: بنصف ملكي.
فقال: اشرب هنيئا، فلما شرب قال: أرأيت لو منعت خروجها من بدنك بكم كنت تشتري ذلك؟ قال بنصف ملكي الآخر.
فقال: إن ملكا قيمة نصفه شربه ماء، وقيمة نصفه الآخر بولة، لخليق أن لا يتنافس فيه.
فبكى هارون.

ابن سماک ایک مرتبہ خلیفہ ہارون الرشید سے ملاقات کیلئے گئے ، اس دوران خلیفہ ہارون الرشید نے پینے کیلئے پانی منگوایا ۔ایک مٹکے میں ٹھنڈا پانی انہیں پیش کیا گیا ،
خلیفہ ہارون الرشید نے ابن سماک سے کہا کچھ نصیحت کیجئے ۔۔
ابن سماک نے کہا : دیکھئے اگر یہ پانی اگر آپ کو نہ ملے تو آپ اسے کس قیمت پر خریدیں گے ؟
خلیفہ ہارون الرشید نے کہا : اپنی آدھی سلطنت کے عوض خریدوں گا ،
ابن سماک نے کہا : آپ آرام سے پانی پی لیں ، جب انہوں نے پی لیا تو ابن سماک نے پوچھا کہ جو پانی پیا ہے اگر وہ آپ کے بدن سے باہر نہ نکلے ،تو آپ اس کیلئے کیا خرچ کریں گے ؟
خلیفہ ہارون الرشید نے اپنی باقی آدھی سلطنت اس کیلئے دے دوں گا ،
ابن سماک نے کہا :آپ کی آدھی سلطنت کی قیمت چند گھونٹ پینے کا پانی ،اور دوسری آدھی سلطنت کی قیمت
پیشاب ہے،
یہ اس قابل نہیں کہ اس خواہش و طلب کی جائے۔
(البدایہ و النہایہ جلد ۱۰ ۔۔ص۲۳۴ )