دکھوں کے ساتھی کبھی نہیں بھولتے ...

[عمر السلفی۔]

واقعہ افک کے موقعہ پر انصار کی ایک عورت سیدہ عائشہ رضی اللہ عنہا کے پاس آئی، اور کچھ کہے بغیر ان کے ساتھ مل کر ان کے غم میں بہت روئیں.
سیدہ عائشہ رضی اللہ عنہا نے فرمایا: "میں اس عورت کا اپنے غم میں یوں شریک ہونا کبھی نہیں بھول سکتی!"
(صحیح بخاری 4141)

جب اللہ نے تبوک سے پیچھے رہ جانے کے مسئلے میں سیدنا کعب رضی اللہ عنہ کی توبہ قبول کی اور وہ ایک تکلیف دہ بائیکاٹ کے بعد مسجد میں داخل ہوئے, تو سیدنا طلحہ رضی اللہ عنہ ان کے استقبال کو لپکے اور انہیں گلے سے لگایا. سیدنا كعب رضی اللہ عنہ نے فرمایا : "میں طلحہ کا مجھے یوں مبارکباد دینا کبھی نہیں بھول سکتا !"
(صحيح مسلم 2769)

بعض اوقات آپ کو کسی دوست کی طرف سے ایسے ہی رونے, لپکنے اور گلے لگانے کی ضرورت ہوتی ہے جو آپ کو بتائے کہ آپ اکیلے نہیں ہو.. ہماری خوشیاں اور غم سانجھے ہیں!

 

[Rashid Yaqoob Salafi]

السلام علیکم ورحمتہ اللہ وبرکاتہ
امی عائشہ صدیقہ رضی اللہ عنہا کے الفاظ کہ میں اس عورت کا اپنے غم میں شریک ہونا کبھی نہیں بھول سکتی، یہ بخاری کی حدیث 4141 میں نہیں ملے۔