رب کا شکر بڑا ہے!

[مشکٰوۃ]

بسم اللہ الرحمٰن الرحیم
السلام علیکم ورحمۃ اللہ وبرکاتہ

بجلی چمک رہی ہے
بادل گرج رہے ہیں
بارش بھی ہو رہی ہے
اک شور سا بپا ہے
منا پھسل گیا ہے

ٹھنڈی ہوا کے جھونکے
بادل سیاہ گہرے
بڑھتے ہی جا رہے ہیں
اک شور سا بپا ہے
دروازہ کھٹک رہا ہے

گلگلے ،پکوڑے
آم اور میٹھے پوڑے
سارے ہی کھا رہے ہیں
اک شور سا بپا ہے
رب کا شکر بڑا ہے​

مشکٰوۃ​

 

[محمد نعیم یونس]

واہ جی واہ!
آج ہی بیگم کے ہمراہ
کھلے آسمان تلے
مغرب کے بعد
گلشن اقبال پارک میں
ایسے ہی بادلوں کا نظارہ کیا ہے
لیکن بارش نہیں ہوئی۔

 

[مشکٰوۃ]

ماشاء اللہ!!!!
ہمارے ہاں تو مسلسل بارش کا سماں ہے!
گلشن اقبال پارک میں ابھی بھی پیڈل والی کشتیاں چلتی ہیں؟؟ اورسست الوجود ٹرین بھی؟؟؟(:

 

[محمد نعیم یونس]

ماشاء اللہ!!!!
ہمارے ہاں تو مسلسل بارش کا سماں ہے!
گلشن اقبال پارک میں ابھی بھی پیڈل والی کشتیاں چلتی ہیں؟؟ اورسست الوجود ٹرین بھی؟؟؟(:

جی بالکل۔کشتیاں تو تقریبا روزانہ ہی چلتی ہیں لیکن ٹرین اور دوسرے بعض جھولے بچوں کی زیادہ آمدو رفت پر ۔

 

[محمد نعیم یونس]

لو جی! ادھر بھی اللہ تعالی کی رحمت شروع ہوگئی لیکن ابھی ہلکی ہلکی ہے۔

 

[مشکٰوۃ]

الحمدللہ!
آپ کے گھر کے قریب جو جھیل بنے گی صبح بچے اس میں کشتیاں چلا رہے ہوں گے:)

 

[محمد نعیم یونس]

الحمدللہ!
آپ کے گھر کے قریب جو جھیل بنے گی صبح بچے اس میں کشتیاں چلا رہے ہوں گے:)

بچوں کی کیا مجال ہمارے ہوتے ہوئے۔ صبح ویسے بھی ہمیں چھٹی ہے۔۔۔ ساری پرانی کاپیوں کی کشتیاں نہ بنا دی تو۔۔۔۔۔تو پھر بھی میرا نام یہی رہے گا۔۔۔ابتسامہ۔۔

 

[محمد نعیم یونس]

بھئی میں تو چلا سونے، بچے رات کو زیادہ دیر تک نہ ہی جاگیں تو بہتر ہے۔

 

[اخت ولید]

وعلیکم السلام ورحمۃ اللہ وبرکاتہ
بارشوں کا سلسلہ قریبا پاکستان بھر میں جاری ہے۔۔ساون بھادوں جو ہوا:)فیصل آباد اور گوجرانوالہ میں تو کل عصر سے بارش حاضراور بجلی غائب کا کھیل ہے۔
اسلام آباد کا سیوریج سسٹم تو بہترین ہے۔بقیہ علاقوں والے اپنی اپنی خیر منائیں اور باہر جاتے ہوئے کشتیاں ضرور لے کر جائیں!!:)
بچپن میں امی، چچی جان کہا کرتی تھیں کہ پھوڑے پھنسیاں نکلے ہوں تو نالوں میں اکھٹےبارش کے گندے پانی میں نہانے سے ختم ہو جاتے ہیں اور ہم بچے ان بچوں پرکھی کھی ہنسا کرتے تھے جن کے پھوڑے پھنسیاں ادھر ڈبکیاں لگانے کے بعد بھی جوں کے توں تھے:)