ردی امور

[محمد نعیم یونس]

ردی امور سے ناپسندیدگی

رسول اللہ صلی اللہ علیہ وسلم نے فرمایا:
(( إِنَّ اللّٰہَ تَعَالیٰ یُحِبُّ مَعَالِيَ الْأُمُوْرِ، وَأَشْرَافِھَا وَیَکْرَہُ سَفْسَافَھَا۔ ))1
’’ بے شک اللہ تعالیٰ عمدہ اور اعلیٰ امور کو پسند اور ردی امور کو ناپسند کرتا ہے۔ ‘‘
شرح…: ردی امور میں سب سے پہلے دینی معاملات آتے ہیں اور مراد وہ ممنوع چیز ہے جس سے اللہ تعالیٰ نے اپنی کتاب میں یا اپنے رسول کی زبان پر منع کیا اور روکا ہو، ایسے امور میں کفر شرک اور نفاق بھی شامل ہے۔
ایسے امور کے تحت درج ذیل اشیاء بھی آتی ہیں:

اسپائلر

فحش گوئی،
طیش،
بکواس،
جھگڑا،
غیبت،
چغلی،
قیل و قال اور کثرت سوال،
بے فائدہ باتیں،
وعدہ خلافی،
جہالت،
ظلم،
شہوت،
غصہ،
بخیلی،
حرام کاری،
حرص،
گھٹیا پن،
تکبر،
کینہ،
حسد،
دشمنی،
بیوقوفی،
گھٹیا کام
اور کمینگی۔

گھٹیا پن اور شہوت کی وجہ سے انسان جانوروں کے مشابہہ ہوجاتا ہے یعنی جس نے اپنی ہمت، ردی امور اور ذلیل اخلاق و عادات میں صرف کی وہ جانوروں سے مل جاتا ہے لہٰذا یا تو کتے کی طرح پھاڑنے والا یا خنزیر کی طرح حریص یا اونٹ کی طرح کینہ پرور یا چیتے کی طرح متکبر یا لومڑ کی طرح فراڈیہ یا شیطان کی طرح ان سب کا جامع بن جاتا ہے۔
ــــــــــــــــــــــــــــــــــــــــــــــــــ
1-صحیح الجامع الصغیر، رقم: ۱۸۹۰

اللہ تعالی کی پسند اور ناپسند

 

[محمد ارسلان]

جزاک اللہ خیرا