رسالہ عمل بالحدیث

[عبد الرشید]

کتاب کا نام
رسالہ عمل بالحدیث
مصنف ​

ولایت علی صادق پوری​

ناشر ​

المکتبہ السلفیہ شیش محل روڈ، لاہور​

تبصرہ
فتنہ انکار حدیث تاریخ اسلام میں سب سے پہلے دوسری صدی ہجری میں خوارج اور معتزلہ نے پیدا کیا۔ خوارج کو اس کی ضرورت اس لیے محسوس ہوئی کہ مسلم معاشرے میں جو انارکی وہ پھیلانا چاہتے تھے، اس کی راہ میں سنت رسول صلی اللہ علیہ وسلم حائل تھی۔ لہذا نہوں نے احادیث کی صحت میں شک اور سنت کے واجب الاتباع ہونے سے انکار کی دوگونہ پالیسی اختیار کی۔ معتزلہ کا مسئلہ یہ تھا کہ یونانی فلسفے نے اسلامی عقائد اور اصول و احکام کے بارے جو شکوک و شبہات عقل انسانی میں پیدا کر دیے تھے، وہ انہیں سمجھنے سے پہلے ہی حل کر دینا چاہتے تھے لہذا انہوں نے فلسفہ کے نام سے منقول ہر بات کو عقل کا لازمی تقاضا سمجھا اور اسلامی عقائد اور اصول و احکام کی ایسی تعبیر کرنا شروع کر دی جو ان نام نہاد عقلی تقاضوں کے مطابق ہو۔ اس راہ میں پھر حدیث و سنت حائل ہوئی تو انہوں نے بھی خوارج کی طرح حدیث کو مشکوک ٹھہرایا اور سنت کو حجت ماننے سے انکار کر دیا۔ یہ فتنہ درمیان میں کئی صدیوں تک اپنی شمشان بھومی میں پڑا رہا یہاں تک کہ تیرہویں صدی ہجری میں وہ دوبارہ زندہ ہوا۔ پہلے یہ مصر و عراق میں پیدا ہوا اور اس نے دوسرا جنم برصغیر پاک و ہند میں لیا۔ برصغیر میں اس کی ابتدا کرنے والے سرسید احمد خان اور مولوی چراغ علی تھے۔ ان کے بعد مولوی عبد اللہ چکڑالوی اس کے علمبردار بنے۔ ان کے بعد مولوی احمد دین امرتسری نے اس کام کا بیڑا اٹھایا اور پھر اسلم جیرجپوری اسے آگے لے کر بڑھے۔ اور آخر کار اس فتنہ انکار حدیث و سنت کی ریاست و چودہراہٹ غلام احمد پرویز صاحب کے حصے میں آئی اور انہوں نے اس فتنے کو ضلالت کی انتہا تک پہنچا دیا۔ اس فکر کے حاملین اسلام کو موم کا ایک ایسا گولہ بنانا چاہتے ہیں جسے بدلتی دنیا کے ہر نئے فلسفے کے مطابق روزانہ ایک نئی صورت دی جا سکے۔زیر تبصرہ کتاب"رسالہ عمل بالحدیث" محترم مولانا ولایت علی صادق پوری صاحب﷫ کی تصنیف ہے، جس میں انہوں نے حدیث پر عمل کرنے کی اہمیت وضرورت پر روشنی ڈالی ہے۔ اللہ تعالی سے دعا ہے کہ مولف موصوف کی اس کاوش کو اپنی بارگاہ میں قبول فرمائے اور ان کے میزان حسنات میں اضافہ فرمائے۔آمین (راسخ)
​

 

[شاکر]

کتاب کا نام
رسالہ عمل بالحدیث
مصنف
ولایت علی صادق پوری

ناشر
المکتبہ السلفیہ شیش محل روڈ، لاہور


​

@عبد الرشید بھائی، مصنف اور ناشر کو بھی لنک کر دیا کریں۔
جزاکم اللہ خیرا۔

 

[عبد الرشید]

@عبد الرشید بھائی، مصنف اور ناشر کو بھی لنک کر دیا کریں۔
جزاکم اللہ خیرا۔

شاکر بھائی کتاب کا نام کاپی پیسٹ سے ہی لنک ہو جاتا ہے مصنف کے نام اور ناشر کے نام میں ایسا نہیں ہوتا۔

 

[شاکر]

یہ میں نے فرنٹ اینڈ سے کاپی پیسٹ کیا ہے۔
مصنف
ولایت علی صادق پوری
مترجم
ابوبکر صدیق فاضل مدینہ یونیورسٹی
ناشر
المکتبہ السلفیہ شیش محل روڈ، لاہور

 

[عبد الرشید]

جی ٹھیک ہے آئندہ مصنف اور ناشر دونوں کا نام لنک کے ساتھ آئے گا ۔