رسول کریم صلی اللہ علیہ وسلم کے غلام حضرت زید بن حارثہ رضی اللہ تعالیٰ عنہ

[محمد زاہد بن فیض]

وقال البراء: عن النبي صلى الله عليه وسلم: (أنت أخونا ومولانا).
اور حضرت براء رضی اللہ عنہ نے نبی کریم صلی اللہ علیہ وسلم سے نقل کیا کہ نبی کریم صلی اللہ علیہ وسلم نے حضرت زید بن حارثہ رضی اللہ عنہ سے فرمایا تھا، تم ہمارے بھائی اور ہمارے مولا ہو۔


حدیث نمبر: 3730
حدثنا خالد بن مخلد،‏‏‏‏ ‏‏‏‏ حدثنا سليمان،‏‏‏‏ ‏‏‏‏ قال حدثني عبد الله بن دينار،‏‏‏‏ ‏‏‏‏ عن عبد الله بن عمر ـ رضى الله عنهما ـ قال بعث النبي صلى الله عليه وسلم بعثا،‏‏‏‏ ‏‏‏‏ وأمر عليهم أسامة بن زيد،‏‏‏‏ ‏‏‏‏ فطعن بعض الناس في إمارته،‏‏‏‏ ‏‏‏‏ فقال النبي صلى الله عليه وسلم ‏"‏ إن تطعنوا في إمارته فقد كنتم تطعنون في إمارة أبيه من قبل،‏‏‏‏ ‏‏‏‏ وايم الله،‏‏‏‏ ‏‏‏‏ إن كان لخليقا للإمارة،‏‏‏‏ ‏‏‏‏ وإن كان لمن أحب الناس إلى،‏‏‏‏ ‏‏‏‏ وإن هذا لمن أحب الناس إلى بعده ‏"‏‏.
ہم سے خالد بن مخلد نے بیان کیا، کہا ہم سے سلیمان نے بیان کیا، کہا کہ مجھ سے عبداللہ بن دینار نے بیان کیا، ان سے عبداللہ بن عمر رضی اللہ عنہما نے بیان کیا کہ نبی کریم صلی اللہ علیہ وسلم نے ایک فوج بھیجی اور اس کا امیر اسامہ بن زید کو بنایا، ان کے امیر بنائے جانے پر بعض لوگوں نے اعتراض کیا تو آنحضرت صلی اللہ علیہ وسلم نے فرمایا: اگر آج تم اس کے امیر بنائے جانے پر اعتراض کر رہے ہو تو اس سے پہلے اس کے باپ کے امیر بنائے جانے پر بھی تم نے اعتراض کیا تھا اور خدا کی قسم وہ (زید رضی اللہ عنہ) امارت کے مستحق تھے اور مجھے سب سے زیادہ عزیز تھے۔ اور یہ (اسامہ رضی اللہ عنہ) اب ان کے بعد مجھے سب سے زیادہ عزیز ہیں۔


حدیث نمبر: 3731
حدثنا يحيى بن قزعة،‏‏‏‏ ‏‏‏‏ حدثنا إبراهيم بن سعد،‏‏‏‏ ‏‏‏‏ عن الزهري،‏‏‏‏ ‏‏‏‏ عن عروة،‏‏‏‏ ‏‏‏‏ عن عائشة ـ رضى الله عنها ـ قالت دخل على قائف والنبي صلى الله عليه وسلم شاهد،‏‏‏‏ ‏‏‏‏ وأسامة بن زيد وزيد بن حارثة مضطجعان،‏‏‏‏ ‏‏‏‏ فقال إن هذه الأقدام بعضها من بعض‏.‏ قال فسر بذلك النبي صلى الله عليه وسلم وأعجبه،‏‏‏‏ ‏‏‏‏ فأخبر به عائشة‏.‏
ہم سے یحییٰ بن قزعہ نے بیان کیا، کہا ہم سے ابراہیم بن سعد نے بیان کیا، ان سے زہری نے، ان سے عروہ نے اور ان سے حضرت عائشہ رضی اللہ عنہا نے بیان کیا کہ ایک قیافہ شناس میرے یہاں آیا، نبی کریم صلی اللہ علیہ وسلم اس وقت وہیں تشریف رکھتے تھے اور اسامہ بن زید اور زید بن حارثہ (ایک چادر میں) لیٹے ہوئے تھے۔ (منہ اور جسم کا سارا حصہ قدموں کے سوا چھپا ہوا تھا) اس قیافہ شناس نے کہا کہ یہ پاؤں بعض، بعض سے نکلے ہوئے معلوم ہوتے ہیں۔ (یعنی باپ بیٹے کے ہیں) قیافہ شناس نے پھر بتایا کہ حضور صلی اللہ علیہ وسلم اس کے اس اندازہ پر بہت خوش ہوئے اور پھر آپ نے عائشہ رضی اللہ عنہا سے بھی یہ واقعہ بیان فرمایا۔



کتاب فضائل اصحاب النبی صحیح بخاری​