روزے کا فدیہ رقم یا اناج؟

[اخت ولید]

السلام علیکم
روزے کا فدیہ (نصف صاع) اناج کی بجائے رقم کی صورت میں دیا جا سکتا ہے؟اسلام سوال جواب میں ایک سوال کے جواب میں کہا گیا ہے کہ روزے کا فدیہ رقم کی صورت میں قابل قبول نہیں کیونکہ حدیث میں ایک وقت کے کھانے کی صراحت موجود ہے نیز زکوۃ الفطر(فطرانہ) بھی اناج کی صورت میں ہی دینا چاہیے۔جبکہ ہمارے یہاں عموما دونوں صورتوں میں رقم دی جاتی ہے۔اس سلسلے میں مزید رہنمائی درکار ہے۔

اسپائلر: لنک

https://islamqa.info/en/answers/39234/it-is-not-permissible-to-give-money-instead-of-food-for-the-fidyah-for-not-fasting
https://islamqa.info/ur/answers/49768/روزے-کی-استطاعت-نہ-رکھنے-والے-کا-حکم

 

[خضر حیات]

وعلیکم السلام ورحمۃ اللہ وبرکاتہ
صدقہ فطر اور فدیہ دونوں صورتوں میں بہتر تو یہی ہے کہ طعام ہی دیا جائے، لیکن حسب حال اگر اتنی رقم ادا کردی جائے تو اس میں بھی کوئی حرج نہیں۔
مسئلہ اختلافی ہے، بعض کے نزدیک نقدی جائز نہیں، لیکن میرے خیال میں جواز والا موقف درست ہے، کیونکہ فدیہ کا مقصد دونوں صورتوں میں حاصل ہوجاتا ہے۔ واللہ اعلم۔