سفر میں صبح کی نماز

[محمد ارسلان]

السلام علیکم
اگر کوئی سفر کرتے ہوئے صبح کے وقت کسی جگہ پر اترے اور سورج اچھی طرح نکل آیا ہو تو وہ فجر کی نماز کس وقت پڑھے؟

اور کیا سفر میں فجر کی نماز بھی قصر ہو گی؟

اور اگر صبح کے اذکار ٹرین یا کوچ میں ہی پڑھ لیے جائیں اور نماز بعد میں پڑھی جائے تو کیا درست ہے؟

 

[ابوالحسن علوی]

اگر کوئی سفر کرتے ہوئے صبح کے وقت کسی جگہ پر اترے اور سورج اچھی طرح نکل آیا ہو تو وہ فجر کی نماز کس وقت پڑھے؟

بغیر کسی عذر مثلا نیند، نسیان، شدید مرض یا حالت جنگ وغیرہ کے نماز کو جان بوجھ کر لیٹ کرنا کبیرہ گناہ ہے، چاہے انسان سفر میں ہی کیوں نہ ہو۔ اگر نماز کے وقت نکل جانے کا اندیشہ ہو تو سفر میں انسان کو گاڑی میں ہی فرض نماز ادا کر لینی چاہیے۔ لیکن اس کے باوجود اگر کسی عذر سے نماز لیٹ ہو گئی ہے تو اس وقت وہی ہے جب وہ عذر ختم ہو جائے۔

اور کیا سفر میں فجر کی نماز بھی قصر ہو گی؟

سفر میں فجر کی نماز میں کیا قصر ہونی ہے۔ بس دو سنتیں اور دو فرض ادا کر لیں۔

اور اگر صبح کے اذکار ٹرین یا کوچ میں ہی پڑھ لیے جائیں اور نماز بعد میں پڑھی جائے تو کیا درست ہے؟

نماز سے پہلے ذکر اذکار کرنے میں کوئی حرج تو نہیں ہے بشرطیکہ کہ صبح کا وقت داخل ہو گیا ہو لیکن نماز لیٹ کرنے کی وجہ سمجھ نہیں آئی۔ ٹرین یا کوچ میں ہی بیٹھے بیٹھے سیٹ پر نماز ادا کر لیں۔ وقت سے لیٹ نہ پڑھیں۔ باقی رہا قبلے کا مسئلہ تو ایک دفعہ کوشش کریں کہ گاڑی قبلہ رخ ہو جائے تو نماز کی نیت کر لیں اور پھر چاہے جدھر کا رخ ہو اور اگر یہ بھی ممکن نہ ہو تو وقت میں نماز پڑھنے کو قبلہ رخ ہو کر پڑھنے پر ترجیح دیں۔
جزاکم اللہ خیرا

 

[محمد ارسلان]

جزاک اللہ خیرا
آپ نے واضح کر کے جواب دیا،بہت شکریہ