سلام کے آداب

[ماریہ انعام]

السلام علیکم ورحمۃ اللہ وبرکاتہ

بلوغ المرام کتاب الادب کی ساتویں حدیث مبارکہ کے الفاظ یہ ہیں
وَعَنْ أَبِي هُرَيْرَةَ - رضي الله عنه - قَالَ: [قَالَ] رَسُولُ اللَّهِ - صلى الله عليه وسلم: «لِيُسَلِّمِ الصَّغِيرُ عَلَى الْكَبِيرِ, وَالْمَارُّ عَلَى الْقَاعِدِ, وَالْقَلِيلُ عَلَى الْكَثِيرِ». مُتَّفَقٌ عَلَيْهِ. (1)
وَفِي رِوَايَةٍ لِمُسْلِمٍ: «وَالرَّاكِبُ عَلَى الْمَاشِي». (2)
__________

ابو ہریرۃ سے روایت ہے کہ رسول اللہ ﷺ نے فرمایا
چھوٹا بڑے کو سلام کہے۔۔گزرنےوالا بیٹھے ہوئے کو۔۔۔اورتھوڑے زیادہ کو(متفق علیہ۔۔۔مسلم کی ایک روایت میں ہے
اور سوار پیدل چلنے والے کو)

 

[ماریہ انعام]

السلام علیکم ورحمۃ اللہ وبرکاتہ

سلام میں ابتداء کی اس ترتیب میں جو حکمتیں ہیں ایل علم نے اپنی اپنی رائے کا اظہار کیا ہے۔۔۔اصل حکمت اللہ ہی کے پاس ہےاور اسی کا علم کامل ہے

چھوٹے کو سلام میں پہل کا حکم اس لیے ہے کہ بڑے کا حق چھوٹے پر زیادہ ہے۔۔۔کیونکہ چھوٹے کو حکم ہے کہ بڑے کی توقیر کرے اور اس کے ساتھ باادب رہے

تھوڑے لوگوں کو سلام میں پہل کا حکم اس لیے ہے کہ زیادہ لوگوں کا تھوڑے لوگوں پر زیادہ حق ہے اور اس لیے بھی کہ زیادہ لوگ تھوڑے لوگوں کو یا اکیلے کو سلام کہیں تو اس میں خود بینی اور تکبر نہ پیدا ہو جائے

گذرنے والا بیٹھے ہوئے کو اس لیے پہلے سلام کہے کہ وہ داخل ہونے والے کی طرح ہے جسے سلام کا حکم دیا گیا ہے۔۔۔اور اس لیے بھی کہ بیٹھے ہوئے شخص کا ہر گذرنے والے کی طرف بار بار از خود متوجہ ہو کر سلام کرنا مشکل ہے۔۔۔جبکہ گذرنے والے کو ایسی کوئی مشکل نہیں

سوار پیدل چلنے والے کو اس لیے پہلے سلام کہے کہ چونکہ اللہ تعالی نے اسے سواری کی نعمت عطا فرمائی ہے تو اس کا حق ہے کہ وہ تواضع اختیار کرے۔۔۔اگر پیدل کو حکم ہوتا کہ وہ پہلے سلام کہے تو خطرہ تھا کہ سوار میں تکبر نہ پیدا ہو جائے

 

[ماریہ انعام]

السلام علیکم ورحمۃ اللہ وبرکاتہ

جب دونوں ملنے والے برابر ہوں تو دونوں کو ابتداء کا حکم ہے۔۔۔افشو السلام سلام عام کرو۔۔۔ان میں سے جو پہل کرے گا وہ افضل ہے ۔۔۔جیسا کہ دو قطع تعلقی کرنے والوں کے بارے میں فرمایا

وخیرھما الذی یبدا بالسلاممتفق علیہ
ان میں سے بہتر زہ ہے جو سلام میں پہل کرے

حضرت جابر فرماتے ہیں
والماشیان ایھما یبدء بالسلام فھو افضل(صحیح الادب المفرد)
دو پیدل چلنے والوں میں سے جو پہلے سلام کہے وہ افضل ہے

رسول اللہ ﷺ سے پوچھا گیا کہ دو آدمی ملتے ہیں تو پہلے کون سلام کرے گا۔۔؟؟؟فرمایا
اولاھما باللہ(صحیح ترمذی)
جو دونوں میں سے اللہ کے زیادہ قریب ہے

 

[ماریہ انعام]

حدیث کے مطابق جس شخص کو سلام میں پہل کا حکم دیا گیا ہے اگر وہ سلام نہیں کہتا تو دوسرے کو سلام کہہ دینا چاہیے کیونکہ آپﷺ نے سلام پھیلانے کی بہت تلقین کی ہے