سلسلہ صحیحہ سے چند احادیث مبارکہ

[ابوطلحہ بابر]

۱۶۸۸ سیدنا عبداللہ بن مغفل رضی اللہ عنہ سے روایت ہے کہ ایک آدمی نبی کریم صلی اللہ علیہ وسلم کے پاس آیا اور کہا : اے اللہ کے رسول ! بخدا ! میں آپ سے محبت کرتا ہوں ۔ ( یہ سن کر ) رسول اللہ صلی اللہ علیہ وسلم نے فرمایا : ” مجھ سے محبت کرنے والوں پر آزمائشیں اس طرح ٹوٹ پڑتی ہیں جیسے سیلاب کا بہاؤ ( تیزی کے ساتھ ) اپنی جائے انتہا تک پہنچتا ہے ۔ “ سلسلہ احادیث صحیحہ ۱۵۷۶

 

[ابوطلحہ بابر]

۱۶۹۳ سیدنا جابر بن عبداللہ رضی اللہ عنہ سے روایت ہے ، نبی کریم صلی اللہ علیہ وسلم نے فرمایا : ” آزمائش زدہ لوگوں کے ثواب کو دیکھ کر صحت مند لوگ قیامت والے دن یہ تمنا کریں گے کہ اے کاش ان کے چمڑے قینچیوں سے کاٹ دیے جاتے ۔ “ سلسلہ احادیث صحیحہ ۲۲۰۶