سند کا اتصال

[قاضی786]

السلام علیکم

امید ہے سب برادران خیریت سے ہوں گے

میرا اہل علم سے یہ سوال ہے کہ سند کے متصل ہونے کے لیے کیا لقاء شرط ہے یا کسی غیر مدلس راوی کا دوسرے کا ہم عصر ہونا کافی ہے؟

اس ضمن میں محدثین کی کیا رائے ہے؟

شکریہ

 

[ابن داود]

السلام علیکم ورحمۃ اللہ وبرکاتہ!
امام بخاری نے صحیح بخاری میں کسی حدیث کو درج کرنے کے لئے غیر مدلس ثقہ راوی کے لقا ءکا ثبوت کو شرط رکھا تھا۔
امام مسلم نے اس بات کی صراحت کی ہے کسی حدیث کے صحیح ہونے کے لئے غیر مدلس ثقہ راوی کے لقا ءکے ثبوت کی نہیں بلکہ لقا ءکا ممکن ہونا ہی کافی ہے۔
اسی وجہ سے صحیح بخاری کی احادیث کی صحت کا درجہ دیگر کتب سے بلند قرار پاتا ہے۔
مختصراً یہ کہ غیر مدلس ثقہ راوی کے لقاء کے امکان سے سند کا اتصال ثابت ہوتا ہے، اور اگر مزید لقاء کا ثبوت بھی مل جائے تو اس سے اتصال کے ثبوت کو مزید تقویت مل جاتی ہے!

 

[قاضی786]

السلام علیکم محترم ابن داؤد صاحب

اس ضمن میں جمہور محدیثین کی رائے کیا ہے؟
کیا وہ امام بخاری رح کی رائے کی متابعت کرتے ہیں یا امام مسلم رح کی ؟


شکریہ

 

[ابن داود]

السلام علیکم ورحمۃ اللہ وبرکاتہ!

مختصراً یہ کہ غیر مدلس ثقہ راوی کے لقاء کے امکان سے سند کا اتصال ثابت ہوتا ہے، اور اگر مزید لقاء کا ثبوت بھی مل جائے تو اس سے اتصال کے ثبوت کو مزید تقویت مل جاتی ہے!

 

[محمد بن اقبال]

السلام عليكم ورحمةاللّٰه وبركاته،

امام بخاری(رحمه اللہ) اور امام مسلم(رحمه اللہ) کا جو اصول آپ نے بیان کیا ہے اسے کس نے لکھا ہے؟ بعض کا کہنا ہے کہ یہ اصول خودساختہ ہے-

 

[عبدالمنان]

غیر مدلس

امام بخاری نے صحیح بخاری میں کسی حدیث کو درج کرنے کے لئے غیر مدلس ثقہ راوی کے لقا ءکا ثبوت کو شرط رکھا تھا۔

امام بخاری رحمہ اللّٰہ نے صحیح بخاری میں مدلسین کی روایات بھی لائی ہے۔ بخاری میں غیر مدلس کی شرط نہیں ہے۔

 

[ابن داود]

السلام علیکم ورحمۃ اللہ وبرکاتہ!

اس ضمن میں جمہور محدیثین کی رائے کیا ہے؟
کیا وہ امام بخاری رح کی رائے کی متابعت کرتے ہیں یا امام مسلم رح کی ؟

صحیح بخاری کی احا دیث امام بخاری کی شرط پر صحیح ہیں، صحیح مسلم کی احادیث کم از کم امام مسلم کی شرط پر صحیح ہیں، صحیح دونوں ہیں، صحیح بخاری کی صحت کا درجہ صحیح مسلم کی صحت زیادہ ہے، یہ جہمہور محدثین کا مؤقف ہے!

امام بخاری(رحمه اللہ) اور امام مسلم(رحمه اللہ) کا جو اصول آپ نے بیان کیا ہے اسے کس نے لکھا ہے؟ بعض کا کہنا ہے کہ یہ اصول خودساختہ ہے-

بات سمجھ نہیں، نہیں آئی!
صحت حدیث کے لیئے امام مسلم کی بات ہی کافی ہے، کہ لقا کا ممکن ہونا کفایت کرتا ہے، لیکن امام بخاری کا اپنی کتاب کے لیئے لقا کا ثابت ہونا، شرط قرار دینا، ان کی اضافی شرط ہے! اور کوئی شخص اپنی کتاب کے لیئے ایسی شرط اختیار کرنا چاہئے تو کر سکتا ہے، جیسے کہ کوئی محدث اپنی کتاب میں احادیث درج کرنے کے لئے یہ شرط رکھے کہ وہ انہیں احادیث کو درج کرے کا جس میں کا نبی صلی اللہ علیہ وسلم سے سماع ہو گا، مشاہدہ نہیں! تو یہ اس کی مرضی ہے!
مسئلہ اس صورت میں ہوگا، کہ جب کوئی اپنی اس شرط کے علاوہ دیگر احادیث کی صحت کا انکار کرے!

امام بخاری رحمہ اللّٰہ نے صحیح بخاری میں مدلسین کی روایات بھی لائی ہے۔ بخاری میں غیر مدلس کی شرط نہیں ہے۔

جہاں امام بخاری نے مدلسین سے روایت کی ہے، یا تو تو ان کی تدلیس کا کے رفع ہونے کی صورت میں کی ہے، یعنی یا تو مطابقت ثابت ہے، یا کسی دوسری روایت سے تحدیث!

 

[محمد بن اقبال]

امام بخاری کا اپنی کتاب کے لیئے لقا کا ثابت ہونا،

جی محترم @ابن داود بھائی امام مسلم (رحمه اللّٰه) کا اصول تو مقدمہ صحیح مسلم میں موجود ہے لیکن امام بخاری(رحمه اللّٰه)نے یہ اصول اپنایا ہو یہ کہا ملے گا؟

روایوں کا لقاء ممکن ہو تو یہی کافی ہے سند کے متصل ہونے کے لئے یا لقاء کا ثبوت ضروری ہے؟ جمہور محدثین کا کیا اصول ہے؟ واضح کرے- جزاك الله خيراً

 

[عبدالعظیم راشد]

امام مسلم نے اپنے مقدمہ میں لقاء کی شرط لگانے والے پر سخت الفاظ استعمال کیے وہ کس امام کے متعلق ہیں ؟

 

[عدیل سلفی]

امام مسلم نے اپنے مقدمہ میں لقاء کی شرط لگانے والے پر سخت الفاظ استعمال کیے وہ کس امام کے متعلق ہیں ؟

السلام علیکم ورحمتہ اللہ وبرکاتہ
وہ عبارت لگائیں مقدمہ کی!