سو سو طرح سے کاش میں ذکرِ خدا کروں

[مظاہر امیر]

سو سو طرح سے کاش میں ذکرِ خدا کروں​

تا عمر صرف اس کی ہی حمد و ثنا کروں​

کرتا پھروں نہ شکر کے سجدے جو ہر جگہ​

کہیے پھر اپنے قالبِ خاکی کا کیا کروں​

اپنا کِیا دھرا تھا کہ جس نے کِیا ہے خوار​

اپنی خرابیوں کا میں کس سے گلا کروں​

ہو جائے میرے دل کی برائی کا خاتمہ​

تا میں بھی اس جہان سے ہنس کر ملا کروں

سوؤں تو اس کے نام کی تسبیح پھیر پھیر​

اٹھوں تو اس کے نام کی مالا جپا کروں​

جب لغزشوں کی وجہ سے پتھرائے میرا دل​

اس وقت چاہیے ہے مجھے، رو لیا کروں

مجھ کو نہیں ہے خوف جفاؤں کا اس کے ہاں​

خدشہ یہ ہے کہ دیکھیے کب تک وفا کروں

اب جب کہ مجھ کو دیکھتے ہیں وہ نفیس لوگ​

پھر چاہیے عظیم کہ ستھرا رہا کروں

​

 

[نسیم احمد]

آخری شعر کا وزن کم ہوگیا۔

 

[مظاہر امیر]

ہممممممممممم۔۔۔ یہ عظیم صاحب نے لکھی ہے ، اور اس پر اساتذہ نے یہ اعتراض نہیں کیا بلکہ اعجاز عبید صاحب (الف عین) نے اسکو زبردست کہا ہے ۔ لیکن آپ کی بات میں وزن ہے ، شعر واقعی بے وزن لگ رہا ہے ۔