سیدنا امیر معاویہ رضی اللہ

[ابوالوفا محمد حماد اثری]

https://www.facebook.com/photo.php?fbid=2005154243142967&set=pcb.2005156626476062&type=3&theater

 

[اسحاق سلفی]

سیدنا الامام امیر معاویہ رضی اللہ عنہ

ابوالوفا حماد اثری
کاتب وحی، خال المومنین، سیدنا امیر معاویہ رضی اللہ عنہ سے محبت کی یہی وجہ کافی ہے کہ وہ رسول اللہ ﷺ کے صحابی ہیں۔
لیکن ان سے محبت کی اور بھی بہت سی وجوہات ہیں، پیغمبرﷺ کا یہ صحابی مظلوم بھی ہے، اللہ کے دشمن اور رسول اللہ ﷺ کے دشمن سیدنا معاویہ رضی اللہ عنہ پر دن رات زبان درازی کو اپنا مشغلہ بنائے ہوئے ہیں اور اہل ایمان کے دلوں سے ان کی محبت کو نکالنے کے درپے ہیں۔
لیکن ایسا ممکن نہیں ہے، مومن اپنے محسنوں سے محبت کرتے ہیں اور صحابہ اسلام کے محسن ہیں، صحابہ رسول اللہ ﷺ کے محب ہیں اور سیدنا معاویہ رضی اللہ عنہ رسول اللہ ﷺ کی دعاوں میں رہتے ہیں ۔
احباب گرامی ! سیدنا معاویہ رضی اللہ عنہ کے فضائل پر مشتمل یہ مجموعہ صحیح اور حسن روایات پر مشتمل ہے، تمام اہل سنت احباب کو یہ مجموعہ اپنے پاس ایڈ کر لینا چاہئیے، اسے اپنی وال پہ سجا رکھیں، اپنے موبائل و کمپیوٹر میں سیو کرلیں اور دعاوں میں یاد رکھیں ؛
ـــــــــــــــــــــــــــــــــ

 

[زیشان علی]

اسلام علیکم ورحمتہ اللہ وبرکاتہ
محترم شیخ @اسحاق سلفی صاحب میں نے فیس بُک پر یہ پوسٹ بمعہ تصاویری روایات شیئر کی ہیں کسی نے پہلی والی تصویر جس میں امی عائشہ صدیقہ رضی اللہ تعالیٰ عنہا والی روایت کی سند مانگی ہے جوکہ مجھے نہیں ملی۔
محترم شیخ اس کی سند درکار ہے

 

[اسحاق سلفی]

اسلام علیکم ورحمتہ اللہ وبرکاتہ
محترم شیخ @اسحاق سلفی صاحب میں نے فیس بُک پر یہ پوسٹ بمعہ تصاویری روایات شیئر کی ہیں کسی نے پہلی والی تصویر جس میں امی عائشہ صدیقہ رضی اللہ تعالیٰ عنہا والی روایت کی سند مانگی ہے جوکہ مجھے نہیں ملی۔
محترم شیخ اس کی سند درکار ہے

وعلیکم السلام ورحمۃ اللہ وبرکاتہ
محترم بھائی !
یہ روایت تیسری، چوتھی صدی کے محدث امام ابو عروبة الحسين بن محمد الجَزَري الحرَّاني (المتوفى: 318هـ)
کی کتاب "المنتقى من كتاب الطبقات "جو مکتبہ شاملہ میں موجود ہے ،اس کتاب میں منقول ہے ۔
ام المومنین سیدہ عائشہ رضی اللہ عنھافرماتی ہیں:
عن عائشة، قالت: «ما زال بي ما رأيت من أمر الناس في الفتنة، حتى إني لأتمنى أن يزيد الله عز وجل معاوية من عمري في عمره»
(الطبقات لابن ابی عروبہ الحرانی:41)
فتنے کے دور میں ہمیشہ میری یہ تمنا تھی کہ اللہ تعالیٰ میری عمر،معاویہ رضی اللہ عنہ کو لگا دے۔
http://www.hadithportal.com/index.php?show=bab&bab_id=20&chapter_id=0&book=156&sub_idBab=0&f=1&e=47

 

[اسحاق سلفی]

سیدنا معاویہ رضی اللہ عنہ کا کردار صحابہ کرام رضی اللہ عنھم کی نظر میں

حافظ ابو یحیی نورپوری

صحابہ کرام رضی اللہ عنہم سیدنا معاویہ رضی اللہ عنہ کی شخصیت کو کیاسمجھتے تھے؟
کیا خلافت کا لالچی سمجھتے تھے ؟لوگوں کا مال کھانے والااور لوگوں کو نا حق قتل کرنے والا سمجھتےتھے؟
اس حوالے سے صحابہ کرام کی آراءملاحظہ فرمائیں؛

1:سیدنا عبد اللہ بن عباس رضی اللہ عنھما (صحیح بخاری:3765)سے سیدنا معاویہ رضی اللہ عنہ کے ایک وتر پڑھنے کے بارے میں پوچھا گیا تو انہوں نےفرمایا:
أَصَابَ،إِنَّهُ فَقِيهٌ
انہوں نے جو بھی عمل کیاہے وہ درست ہےوہ تو فقیہ ہیں،نبی کریم صلی اللہ علیہ وسلم کے ساتھ رہے ہیں،مخلص ساتھی ہیں آپ کے۔

2:سیدنا سعد بن ابی وقاص رضی اللہ عنہ (تاریخ دمشق59/161)بیان کرتے ہیں:
ما رأيت أحدا بعد عثمان أقصى بحق من صاحب هذا الباب يعني معاوية
میں نے سیدنا عثمان رضی اللہ عنہ کے بعد سیدنا معاویہ رضی اللہ عنہ سے بڑھ کر حق کے مطابق فیصلہ کرنے والا کوئی نہیں دیکھا۔

3:سیدنا ابو درداء رضی اللہ عنہ (الفوائد المتقاۃللسمرقندی:67)فرماتے ہیں:
میں نے رسول اللہ صلی اللہ علیہ وسلم کے بعد سیدنا معاویہ رضی اللہ عنہ سے بڑھ کرنبوی نماز پڑھنے والاکوئی نہیں دیکھا۔

4: ام المومنین سیدہ عائشہ رضی اللہ عنھا(الطبقات لابن ابی عروبہ الحرانی:41)فرماتی ہیں:
مَا زَالَ بِي مَا رَأَيْتُ مِنْ أَمْرِ النَّاسِ فِي الْفِتْنَةِ، حَتَّى إِنِّي لَأَتَمَنَّى أَنْ يَزِيدَ اللَّهُ عَزَّ وَجَلَّ مُعَاوِيَةَ مِنْ عُمْرِي فِي عُمْرِهِ
فتنے کے دور میں ہمیشہ میری یہ تمنا تھی کہ اللہ تعالیٰ میری عمر،معاویہ کو لگا دے۔

عن هارون بن عبد الله أنه قال لأبي عبد الله – أحمد بن حنبل - : جاءني كتاب من " الرقة " أن قوماً قالوا : لا نقول معاوية خال المؤمنين ، فغضب ، وقال : ما اعتراضهم في هذا الموضع ؟ يُجْفَوْن حتى يتوبوا .
" السنَّة " للخلال ( 2 / 434 ) .
امام احمد بن حنبل رحمہ اللہ فرماتے ہیں کہ جو کوئی سیدنا معاویہ رضی اللہ عنہ کے خال المومنین ہونےپر کوئی اعتراض کرتا ہے یا کوئی مذاق کرتا ہے تو ایسے بدبختو ں کے پاس بیٹھنا بھی نہیں چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔

 

[زیشان علی]

جزاک اللہ خیرا کثیرا واحسن الجزا فی الدارین آمین یارب العالمین