سیونگ اکاونٹ اور سود کی رقم

[حرب بن شداد]

مقاصد شریعت کے مطابق یہ سود کی رقم اس شخص کے لیے تو حرام ہے کہ جو اکاونٹ ہولڈر ہے لیکن کسی دوسرے کے اعتبار سے اس کی نسبت تبدیل ہو جانے سے اس رقم کا حکم بھی تبدیل ہو جاتا ہے۔

میں نے یہ موضوع پڑھا... اس حوالے سے سوال پوچھنا چاہوں گا...
کے جن لوگوں نے سیونگ اکاونٹ سے حاصل ہونے والے منافع سے، بجلی کے بل، گیس کے بل، پلاٹ یا مکان یا فلیٹ کی انسٹالمنٹ جیسے امور انجام دیئے تو کیا وہ جائز ہونگے...
دوسری چیز سیونگ اکاونٹ سے زکاۃٰ بھی کٹی ہے تو پھر یہ حرام کیسے ہوا؟... کیونکہ بینک ایسے اکاونٹس میں سے ہر سال زکاۃٰ کاٹتا ہے...
اس کا تفصلی جواب درکار ہے...

 

[ابوالحسن علوی]

جن لوگوں نے سیونگ اکاونٹ سے حاصل ہونے والے منافع سے، بجلی کے بل، گیس کے بل، پلاٹ یا مکان یا فلیٹ کی انسٹالمنٹ جیسے امور انجام دیئے تو کیا وہ جائز ہونگے

ہر اس مد میں سیونگ اکاونٹ کی رقم کا استعمال حرام ہے کہ جس کا فائدہ اکونٹ ہولڈر کو حاصل ہو رہا ہو اور اس پر فریقین کا اتفاق ہے۔ اگر تو اکاونٹ ہولڈر کے بجلی، گیس کے بل یا مکان کی اقساط مراد ہیں تو یہ فریقین کے نزدیک حرام ہے اور اگر کسی اور غریب کے یوٹیلیٹی بلز اور اقساط کی بات ہو رہی ہے تو اس صورت میں اختلاف برقرار ہے۔ میری ذاتی رائے میں اس قسم کی مد میں دوسرا اگر حالت اضطرار میں ہے یعنی اس کی بنیادی ضرورت پوری کرنے کا کوئی اور رستہ اور سبیل نہیں ہے اور تاخیر کی وجہ سے اس پر جرمانے کی صورت میں سود در سود چڑھ رہا ہے تو ایسے غریب اور لاچار کی مدد اس قسم کی رقم سے کرنا جائز ہے۔

دوسری چیز سیونگ اکاونٹ سے زکاۃٰ بھی کٹی ہے تو پھر یہ حرام کیسے ہوا؟... کیونکہ بینک ایسے اکاونٹس میں سے ہر سال زکاۃٰ کاٹتا ہے...

بینک میں جو اصل رقم ہے وہ حلال کی ہے اور اسی پر زکوۃ فرض ہو گی۔ جبکہ جو زائد رقم ہے یعنی پرافٹ یا سود تو وہ حرام مال ہے اور اس پر زکوۃ بھی نہیں ہے۔اصل رقم زیادہ ہوتی ہے اور سود تو معمولی ہوتا ہے یعنی اصل رقم کے مقابلہ میں۔ لہذا اصل زر پر زکوۃ فرض ہو گی۔