شادی سے قبل زنا کیا اور شوہر کو شادی بعد معلوم ہوا (سوال)

[خضر حیات]

معاملے کی نوعیت سنگین ہی ہے واقعتا ۔
میں اس حوالے سے یہی رائے دوں گا کہ براہ راست کسی عالم دین سے مل کر اس کے متعلق رہنمائی لی جائے ۔
کیونکہ :
عورت پر زنا کا الزام ہے ۔
مرد کس بنیاد پر الزام لگا رہا ہے ؟ یہ بھی اہم مسئلہ ہے ۔
اور یہ الزام قبل از نکاح زمانے سے متعلق ہے ۔
عورت نے اگر زنا کیا بھی ہو تو ممکن ہے توبہ کرلی ہو ۔
اگر یہ ثابت بھی ہوجائے کہ عورت نے شادی سے قبل زنا کیا ہے ، پھر توبہ کرلی(یعنی دوبارہ ایسا نہیں کیا) ، تو اس کا نکاح بالکل درست ہے ۔
اگر اس سے ہٹ کر کوئی صورت ہے ، تو پھر مسائل ذرا مختلف ہیں ۔ واللہ اعلم بالصواب ۔

 

[خضر حیات]

سائل اس جواب سے ابھی مطمئن نہیں ہے۔

کیونکہ ہم سائل کے سوال سے ہی مطمئن نہیں ، کچھ مسائل بالمشافہ بیٹھ کر حل کرنے کے ہوتے ہیں ، جب سائل جواب دینے والے کو مطمئن کرے گا ، تو امید رکھی جاسکتی ہے کہ مجیب کے جواب سےبھی اطمینان ملے گا ۔
سوال کا کچھ حصہ سائل کی زبان بتائے گی ، کچھ حصہ اس کے چہرے کے تاثرات بتائیں گے ۔

 

[عامر عدنان]

شکراً یا شیخ
جزاک اللہ خیراً

 

[اسحاق سلفی]

دراصل اس سوال کی نوعیت بہت حساس قسم کی تھی

سائل اس جواب سے ابھی مطمئن نہیں ہے۔

کیونکہ ہم سائل کے سوال سے ہی مطمئن نہیں ، کچھ مسائل بالمشافہ بیٹھ کر حل کرنے کے ہوتے ہیں ، جب سائل جواب دینے والے کو مطمئن کرے گا ، تو امید رکھی جاسکتی ہے کہ مجیب کے جواب سےبھی اطمینان ملے گا ۔
سوال کا کچھ حصہ سائل کی زبان بتائے گی ، کچھ حصہ اس کے چہرے کے تاثرات بتائیں گے ۔

اسی لئے میں براہ راست فتوی دینے کی بجائے اس موضوع پر علماء کا فتوی نقل کیا تھا ،
اس فتوی کا حساس ترین پہلو یہ ہے کہ موجودہ نکاح درست ، جائز ہے یا نہیں ،

 

[رضا میاں]

شیخ صالح المنجد مندرجہ ذیل فتوی میں فرماتے ہیں کہ اگر نکاح عورت کے توبہ کرنے کے بعد ہوا تو جائز ہے، اور اگر نکاح عورت کے توبہ کرنے سے پہلے ہوا تو یہ نکاح جائز نہیں اور نکاح دوبارہ پڑھوایا جائے گا۔ لیکن اگر شوہر کو اس کا علم نہیں ہے اور اگر نکاح کا دوبارہ پڑھوائے جانے کا مطلب ہے کہ شوہر کو اس زنا کے متعلق بتانا پڑھے گا جس کے نتیجے میں ممکن ہے کہ مرد اس عورت کو چھوڑ دے گا یا اس کے لئے زندگی دشوار ہو جائے گی تو عورت کے لئے جائز ہے کہ وہ اسی پہلے نکاح کے ساتھ ہی شوہر کے ساتھ رہ سکتی ہے، یہ اکثر اہل علم کا قول ہے اور بعض حنبلی فقہاء کا بھی یہی موقف ہے۔
https://islamqa.info/en/199600

 

[عامر عدنان]

جزاک اللہ خیراً