صحیح بخاری اور امام بخاری احناف کی نظر میں

[عبد الرشید]

کتاب کا نام

صحیح بخاری اور امام بخاری احناف کی نظر میں

مصنف کا نام

محمد ادریس ظفر

ناشر کا نام

المکتبۃ الاثریہ لاہور

تبصرہ

سید الفقہاء و المحدثین امام محمد بن اسماعیل بخاری رحمہ اللہ علم حدیث میں ’امیرالمؤمنین فی الحدیث‘کا پایہ بلند رکھتے ہیں۔ان کا علم و تفقہ ،زبدو ورع اور خشیت و تقوی مسلم ہے۔حضرت الامام نے حدیث رسول صلی اللہ علیہ وسلم کی محبت اور مسلمانوں کی خیر خواہی کے پیش نظر سولہ برس کی محنت شاقہ سے اپنی کتاب ’الجامع الصحیح‘ مرتب فرمائی جو ’صحیح بخاری‘ کے نام سے معروف و مشہور ہے۔خداوند قدوس نے مصنف کے اخلاص و للہیت کا یہ بدلہ عنایت فرمایا کہ امت کی جانب سے اسے تلقی بالقبول حاصل ہوا اور ارباب علم و نظر نے بیک زبان ہو کر اسے ’اصح الکتب بعد کتاب اللہ ‘ کے عظیم الشان اعزاز سے نوازا۔ان علما نے بھی اس امر کا اقرار کیا جو فقہی اعتبار سے امام صاحب کے منہج سے متفق نہ تھے۔لیکن افسوس ناک امر یہ ہےکہ ایک شر ذمہ قلیلہ امام صاحب اور ان کی اس عظیم الشان کتاب حدیث کی شان گھٹانے کی کوشش کرتا رہا۔ایسے لوگ پہلے بھی تھے اور آج بھی ہیں لیکن سچ ہے کہ ’چاند کا تھوکا منہ پہ آتا ہے‘یہ لوگ خود بے وقعت ہو کر رہ گئے۔زیر نظر کتاب میں علمائے احناف کے دسیوں حوالہ جات سے ثابت کیا گیا ہے کہ امام بخاری رحمہ اللہ علم حدیث کے عظیم امام تھے اور صحیح بخاری خداکی کتاب کے بعد صحیح ترین کتاب ہے ۔فللہ الحمد
اس کتاب صحیح بخاری اور امام بخاری احناف کی نظر میں کو آن لائن پڑھنے یا ڈاؤن لوڈ کرنے کے لیے یہاں کلک کریں

 

[ابوحبان]

عبد الرشید بھائی اس موضوع پر ڈاکٹر عبد الحلیم النعمانی حفظہ اللہ کی ایک بہترین کتاب بہت پہلے بندہ کی نظر سے گزر چکی تھی کتاب کا نام تھا " الامام البخاری بین الافراط والتفریط"

 

[خضر حیات]

عبد الرشید بھائی اس موضوع پر ڈاکٹر عبد الحلیم النعمانی حفظہ اللہ کی ایک بہترین کتاب بہت پہلے بندہ کی نظر سے گزر چکی تھی کتاب کا نام تھا " الامام البخاری بین الافراط والتفریط"

ابو حبان بھائی یہ کتا ب نیٹ کی دنیا میں آئی ہے کہ نہیں ؟

 

[ابوحبان]

اس کتاب کو طباعت سے پہلےبطور تصحیح راقم نے پڑھا تھا اب پتہ نہیں کہ زیور طبع سے آراستہ ہوا ہے یا نہیں ، البتہ زرائع سے پتہ کرنا پڑیگا کہ کتاب کس مرحلے میں ہے بھائی تھوڑا انتظار کریں۔