صحیح بخاری کا مطالعہ اور فتنہ انکار حدیث

[شاکر]

السلام علیکم،
الحدیث حضرو کا شمارہ پڑھ رہا تھا کہ ایک کتاب کے بارے میں علم ہوا۔ سوچا یہاں فرمائشی پروگرام تو چل ہی رہا ہے تو اپنی فرمائش بھی پیش کر دی جائے:

منکرین حدیث مختلف ہتھکنڈوں اور افتراءات کے ذریعے سے صحیح احادیث کا انکار کرتے ہیں۔ اسی سلسلے میں شبیر احمد میرٹھی (ایک منکرِ حدیث) نے ’صحیح بخاری کا مطالعہ: بخاری کی کچھ کمزور احادیث کی تحقیق و تنقید‘ کے نام سے ایک کتاب لکھی ہے، جو دو جلدوں میں ساڑھے چھ سو سے زیادہ صفحات پر چھپی ہے۔ اس کتاب میں اسماء الرجال کی کتابوں سے کتربیونت اور کذب و افتراء کے ذریعے سے بہت سے ثقہ راویوں پر جرح کی گئی ہے تاکہ صحیح بخاری کی احادیث کو ضعیف قرار دیا جا سکے۔ محترم حافظ ابو یحیٰ نورپوری حفظہ اللہ نے ’صحیح بخاری کا مطالعہ اور فتنہ انکار حدیث‘ (حصہ اول) کے نام سے اس کتاب کا بہترین اور مدلل جواب لکھا ہے۔ جزاہ اللہ خیراً
کتاب ملنے کا پتا: کتاب سرائے، الحمد مارکیٹ، اردو بازار ، لاہور

 

[اہل الحدیث]

یہ کتاب ان شاء اللہ عنقریب دارالاسلاف ڈاٹ ٹی کے پر دستیاب ہو گی

دار الاسلاف

 

[شاکر]

یہ کتاب ان شاء اللہ عنقریب دارالاسلاف ڈاٹ ٹی کے پر دستیاب ہو گی

دار الاسلاف

جزاک اللہ بھائی جان۔ گویا ہم اسکین نہ کریں پھر۔ ازراہ کرم جب یہ کتاب آن لائن کر دیں تو یہاں لنک ضرور دیجئے گا۔

 

[ٹائپسٹ]

ماشاء اللہ شیخ نے بہت ہی بہترین کام ہے۔ میں نے اس کتاب میں موجود صحیح بخاری پر ایک اعتراض پڑھا تھا اور میرا دماغ گھوم گیا تھا، کیونکہ اس میں اس ایک حدیث پر عقلی بازی گری کی تھی جس نے میری عقل کو گھما دیا تھا۔ بہرحال جب علماء سے رابطہ کیا تو الحمدللہ تشفی ہوئی۔

 

[جاءالحق]

عبدالرحمن بھائی نے بلکل صحیح کہا میں نے بھی جب یہ کتاب پڑھی تھی میرا بھی کچھ یہ ہی حال تھا۔ اس کتاب میں واقعی کچھ اس انداز سے اعتراضات کیئے گئے ہیں کے ان پڑھ کر دماغ گھوم جاتا ہے۔ اس کتاب کا جواب دیا جانا بہت ضروری تھا اللہ محترم حافظ ابو یحیٰ نورپوری حفظہ اللہ کو جزائے خیر دے کے انہوں نے یہ کام کیا، میں کتاب و سنت کی ٹیم سے یہ گزارش کروں گا کے جتنی جلدی ہو سکے اس کتاب کو اپلوڈ کیا جائے۔

 

[تلاش حق]

بہت جلد دارالاسلاف ڈاٹ ٹی کے پر آ رہی ہے ۔ سکین کے (رپھڑ) میں پڑنے کی ضرورت نہیں ۔

 

[راجا]

اتنی تعریف سن کر تو کتاب پڑھنے کا شوق اور بڑھ گیا ہے۔

 

[کلیم حیدر]

بالکل راجا صاحب آپ نے سچ ہی کہا ہے۔

 

[اہل الحدیث]

اک ذرا صبر کہ جبر کے دن تھوڑے ہیں
ہم اس کو یونیکوڈ میں شئیر کرنے کے ساتھ ساتھ پی ڈی ایف میں بھی عوام الناس تک پہنچائیں گے۔ ان شاء اللہ

 

[رانا ابوبکر]

یہ بہت ہی اہم ایشو ہے اور ہمارے محترم افضل صاحب جو کہ جامعہ لاہورالاسلامیہ کے سابقہ طالب علم بھی ہیں اللہ تعالیٰ کی توفیق کے ساتھ اپنا ایم فل کا تحقیقی کا کام اسی ٹاپک پہ کر رہے ہیں جن کے مقالہ کا نام ہی کچھ ایسے ہے غالباً بر صغیر میں بخاری شریف پر ہونے والے اعتراضات اور ان کا جائزہ