صدقہ فطر نمازعید سے پہلے ادا کرنا

[محمد زاہد بن فیض]

حدیث نمبر: 1509
حدثنا آدم،‏‏‏‏ حدثنا حفص بن ميسرة،‏‏‏‏ حدثنا موسى بن عقبة،‏‏‏‏ عن نافع،‏‏‏‏ عن ابن عمر ـ رضى الله عنهما ـ أن النبي صلى الله عليه وسلم أمر بزكاة الفطر قبل خروج الناس إلى الصلاة‏.‏
ہم سے آدم بن ابی ایاس نے بیان کیا انہوں نے کہا کہ ہم سے حفص بن میسرہ نے بیان کیا ‘ انہوں نے کہا کہ مجھ سے موسیٰ بن عقبہ نے بیان کیا ‘ ان سے نافع نے اور ان سے عبداللہ بن عمر رضی اللہ عنہما نے کہ نبی کریم صلی اللہ علیہ وسلم نے صدقہ فطر نماز (عید) کے لیے جانے سے پہلے پہلے نکالنے کا حکم دیا تھا۔


حدیث نمبر: 1510
حدثنا معاذ بن فضالة،‏‏‏‏ حدثنا أبو عمر،‏‏‏‏ عن زيد،‏‏‏‏ عن عياض بن عبد الله بن سعد،‏‏‏‏ عن أبي سعيد الخدري ـ رضى الله عنه ـ قال كنا نخرج في عهد رسول الله صلى الله عليه وسلم يوم الفطر صاعا من طعام‏.‏ وقال أبو سعيد وكان طعامنا الشعير والزبيب والأقط والتمر‏.‏
ہم سے معاذ بن فضالہ نے بیان کیا ‘ انہوں نے کہا کہ ہم سے ابو عمر حفص بن میسرہ نے بیان کیا ‘ ان سے زیدبن اسلم نے بیان کیا ‘ ان سے عیاض بن عبداللہ بن سعد نے ‘ ان سے ابو سعید خدری رضی اللہ عنہ نے بیان کیا کہ ہم نبی کریم صلی اللہ علیہ وسلم کے زمانہ میں عیدالفطر کے دن (کھانے کے غلہ سے) ایک صاع نکالتے تھے۔ ابوسعید رضی اللہ عنہ نے بیان کیا کہ ہمارا کھانا (ان دنوں) جو، زبیب، پنیر اور کھجور تھا۔

صحیح بخاری
کتاب الزکوٰۃ