صف میں کھڑا ہونے کے بارے میں ایک سوال

[محمد ارسلان]

بسم اللہ الرحمن الرحیم
السلام علیکم ورحمۃ اللہ وبرکتہ!
اگر دو بندے ایک ہی وقت میں آ مسجد میں آ جائیں اور جماعت ہو رہی ہو لیکن صف میں ایک ہی بندے کے کھڑا ہونے کی جگہ ہو تو کیا وہ دونوں اکھٹے کھڑے ہو کر ایک نئی صف بنا سکتے ہیں یا ایک آدمی پہلی صف میں کھڑا ہو جائے اور ایک اکیلا نئی صف میں کھڑا ہو جائے تو کون سی صورت صحیح ہے۔

 

[رفیق طاھر]

بسم اللہ الرحمن الرحیم
السلام علیکم ورحمۃ اللہ وبرکتہ!
اگر دو بندے ایک ہی وقت میں آ مسجد میں آ جائیں اور جماعت ہو رہی ہو لیکن صف میں ایک ہی بندے کے کھڑا ہونے کی جگہ ہو تو
کیا
۱۔ وہ دونوں اکھٹے کھڑے ہو کر ایک نئی صف بنا سکتے ہیں
یا
۲۔ ایک آدمی پہلی صف میں کھڑا ہو جائے اور ایک اکیلا نئی صف میں کھڑا ہو جائے تو کون سی صورت صحیح ہے۔

دوسرا طریقہ کار صحیح ہے ۔
رسول اللہ صلى اللہ علیہ وسلم نے فرمایا ہے:
أَتِمُّوا الصُّفُوفَ
صفوں کو پورا کرو
صحیح مسلم کتاب الصلاۃ باب تسویۃ الصفوف وإقامتہا وفضل الأول فالأول ح ۴۳۴
نیز فرمایا :
أَتِمُّوا الصَّفَّ الْأَوَّلَ ثُمَّ الَّذِي يَلِيهِ وَإِنْ كَانَ نَقْصٌ فَلْيَكُنْ فِي الصَّفِّ الْمُؤَخَّرِ
پہلے اگلی صفیں پوری کرو پھر اسکے بعد والی اور جو کمی ہے وہ آخری صف میں ہونی چاہیے۔
سنن نسائی کتاب الإمامۃ باب الصف المؤخر ح ۸۱۸
ان احادیث سے معلوم ہوتا ہے کہ اگلی صفوں میں جگہ خالی رکھنا جائز نہیں ہے۔

 

[محمد ارسلان]

جزاک اللہ خیرا رفیق بھائی