صلاۃ و سلام

[محمد نعیم یونس]

جوش میں آگیا پھر اس کا سماوی پیغام
منتخب ہوگیا اس کے لیے نبیوں کا امام

چھا گیا دہر میں یوں رشد و ہدایت کا نظام
ان پہ ہو رحمتِ بے پایاں، صلاۃ اور سلام

ان کی بعثت ہوئی انسان سے انسان ملے
پھر ہدایت کے لیے سنت و قرآن ملے

ضوفشاں آپ نے قندیل ہدایت کی ہے
علم کے نور سے سب دور جہالت کی ہے

حکم تھا، آپ نے تبلیغ رسالت کی ہے
فرش پر عرش کے فرماں کی وکالت کی ہے

آپ نے رب کی امانت کو ادا فرمایا
دین غالب ہوا، باطل نہ کبھی اُٹھ پایا

صلاح الدین مقبول احمد​