طلاق سے متعلق اپنے تعزیری قانون پر عمرفاروق رضی اللہ عنہ کی ندامت

[ہابیل]

بسم اللہ الرحمن الرحیم

السلام علیکم​

عمر رضی اللہ عنہ فرماتے ہیں
جیسا میں تین چیزوں پر نادم ہوا ویسا کسی چیز پر نادم نہیں ہوا ان میں سے ایک تین دفعہ طلاق کو تین قرار دینا بھی ہے
(مسندابوبکر اسما عیلی بحوالہ اغاثتہ اللھفان جلد ١ ص ٣٣٦ طبع حصہ)

کیا یہ سند صحیح ہے

 

[ابوالحسن علوی]

حدیث کی سند، تخریج و تحقیق سے متعلق سوالات حدیث سیکشن میں کے جائیں۔
جزاکم اللہ خیرا

 

[کفایت اللہ]

امام أبو بكر أحمد بن إبراهيم الإسماعيلي رحمه الله (المتوفى371)نے کہا:
أخبرنا أبو يعلى : حدثنا صالح بن مالك : حدثنا خالد بن يزيد بن أبي مالك عن أبيه قال (؟) : قال عمر بن الخطاب رضي الله عنه : ما ندمت على شيء ندامتي على ثلاث : أن لا أكون حرمت الطلاق وعلى أن لا أكون أنكحت الموالي وعلى أن لا أكون قتلت النوائح [إغاثة اللهفان 1/ 336 لابن القیم]۔

یہ روایت ضعیف ہے ۔
راجح قول کے مطابق يزيد بن عبدالرّحمن أبي مالك کا سماع عمرفاروق رضی اللہ عنہ سے ثابت نہیں ۔

فائدہ:

علامہ محمدرئیس ندوی رحمہ اللہ نے اپنی ممتاز کتاب ’’تنویرالآفاق فی مسئلة الطلاق‘‘ میں ص ٢٣٦ سے ص٢٤٩ تک اس کی سند پر بڑی لمبی گفتگو کی ہے اور ثابت کیا ہے کہ اس روایت کے سارے رواۃ ثقہ ہیں اورحنفی اصول کے مطابق یہ روایت صحیح ہے ۔
لیکن اس کے باوجود یہ اعتراف کیا ہے کہ انقطاع مذکور کے سبب محدثین کے اصول کے مطابق یہ روایت ضعیف ہے ۔

 

[ہابیل]

جزاک اللہ کفائت اللہ بھا ئی
اللہ آپ کے علم اور عمل میں اضافہ فرمائے اور دین کے لیے آپ کی خدمت کو قبول فرمائے امین