طلاق کے بارہ میں سوال

[گڈمسلم]

السلام علیکم ورحمۃ اللہ وبرکاتہ
علماء حضرات سے میرا سوال یہ ہے کہ ایک آدمی کو اس کی ماں کہتی ہے کہ تم اپنی بیوی کو طلاق دو،طلاق دو ،طلاق دو، اور کہتی ہی رہتی ہے۔بار بار ماں کے کہنے پر وہ آدمی اپنی ماں کی بات مانتے ہوئے ایک ورق پر تین بار طلاق،طلاق،طلاق لکھ کر اپنی ماں کو دے دیتا ہے۔اور اس کی ماں اس کی بیوی کو وہ ورق دے دیتی ہے۔ تو کیا اسی طرح طلاق ہوجائے گی ؟ اگر ہوجائے گی تو کتنی طلاقیں ہوں گی ؟ اور اگر نہیں ہوگی تواس کی وجہ کیا ہے کیوں نہیں ہوگی ؟ اور اگر اس کی ماں اس کی بیوی کو وہ ورق نہیں دیتی۔(لیکن بیوی کو معلوم ہوجاتا ہے کہ یہ معاملہ ہوچکا ہے) تو کیا پھر بھی طلاق واقع ہو گی یا نہیں ؟
قرآن حدیث کے محکم دلائل سے جواب مطلوب ہے

 

[رفیق طاھر]

السلام علیکم ورحمۃ اللہ وبرکاتہ
علماء حضرات سے میرا سوال یہ ہے کہ ایک آدمی کو اس کی ماں کہتی ہے کہ تم اپنی بیوی کو طلاق دو،طلاق دو ،طلاق دو، اور کہتی ہی رہتی ہے۔بار بار ماں کے کہنے پر وہ آدمی اپنی ماں کی بات مانتے ہوئے ایک ورق پر تین بار طلاق،طلاق،طلاق لکھ کر اپنی ماں کو دے دیتا ہے۔اور اس کی ماں اس کی بیوی کو وہ ورق دے دیتی ہے۔
۱۔ تو کیا اسی طرح طلاق ہوجائے گی ؟
۲۔اگر ہوجائے گی تو کتنی طلاقیں ہوں گی ؟
۳۔ اور اگر نہیں ہوگی تواس کی وجہ کیا ہے کیوں نہیں ہوگی ؟
۴۔اور اگر اس کی ماں اس کی بیوی کو وہ ورق نہیں دیتی۔(لیکن بیوی کو معلوم ہوجاتا ہے کہ یہ معاملہ ہوچکا ہے) تو کیا پھر بھی طلاق واقع ہو گی یا نہیں ؟
قرآن حدیث کے محکم دلائل سے جواب مطلوب ہے

۱۔ چونکہ اس نے بلا جبر واکراہ صرف ماں کے اصرار پر طلاق دی ہے لہذا طلاق واقع ہو جائے گی ۔ طلاق کے وقوع کی دلیل اسکا بلا جبر و اکراہ طلاق دینا ہے ۔
۲۔اس صورت میں صرف ایک طلاق رجعی واقع ہوگی ۔
عبد اللہ بن عباس ؓ سے مروي ہے کہ:
کان الطلاق علي عہد رسول اللہ ؐ وأبي بکر ؓ وسنتين من خلافت عمر ؓ طلاق الثلاث واحدۃ فقال عمر بن الخطاب ؓ إن الناس قد استعجلوا في أمر کانت لہم فيہ أناۃ فلو أمضيناہ عليہم فأمضاہ عليہم
[مسلم کتاب الطلاق باب طلاق الثلاث (1472)]
رسول اللہ ؐ ،ابوبکر ؓ اور عمرفاروقؓ کي خلافت کے ابتدئي دوسالوں ميں اکٹھي تين طلاقوں کو ايک ہي شمار کيا جاتا تھا پھر سيدنا عمر بن خطاب ؓ نے فرمايا جس کام ميں لوگوں کے ليے سوچ بيچار کا موقع تھا اس ميں انہوں نے جلدي شروع کردي ہے تو ہم ان پر تينوں ہي لازم کرديتے ہيں لہذا انہوں نے تينوں ہي لازم کرديں۔
اس موضوع پر مزید تفصیل اور دلائل کے لیے یہ فتوى ملاحظہ فرمائیں :
دين خالص || ايک مجلس کي تين طلاق کا کيا حکم ہے ؟
۳۔ اسکا جواب (۱) میں گزر چکا ہے۔
۴۔ پھر بھی طلاق واقع ہو جائے گی ۔ حتى کہ اگر بیوی کو علم نہ بھی تو خاوند کے طلاق دے دینے سے طلاق واقع ہو جاتی ہے ۔ شریعت میں بیوی کو علم ہونا طلاق کے وقوع کے لیے شرط نہیں ہے ۔ اسکی دلیل بھی اس شخص کا طلاق دے دینا ہی ہے ۔

 

[ابوالحسن علوی]

وعلیکم السلام
یہ واضح رہے کہ کتابت سے طلاق اس صورت واقع ہوتی ہے جبکہ طلاق کی نیت بھی ہو۔ مجرد کتابت سے طلاق واقع نہیں ہوتی ہے۔ یہی امام مالک، امام شافعی، امام ابو حنفیہ اور امام احمد بن حنبل رحمہم اللہ اور کبار سعودی علماء کا موقف ہے۔تفصیل کے لئے اسلام سوال وجواب کا یہ اردو لنک ملاحظہ فرمائیں:
ہم اس طرف بھائیوں کی توجہ دلائیں گے کہ کسی بھی مسئلہ میں اپنی رائے بیان کرنے سے پہلے اہل علم کا اختلاف ضرور نقل کریں۔ اس سے ایک طرف تو مسئلہ میں توازن اور اعتدلال پیدا ہوتا ہے اور دوسری طرف فتوی دینے میں کسی بڑی غلطی سے بھی انسان ممکن حد تک بچ سکتا ہے۔واللہ اعلم بالصواب