طویل ترین حکمرانی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔

[محمد نعیم یونس]

ملکہ الزبتھ دوم نے برطانیہ پر طویل ترین حکمرانی کا ریکارڈ قائم کرنے کے بعد اندرون و بیرونِ ملک سے اپنے چاہنے والوں کے پیغامات پر ان کا شکریہ ادا کیا ہے۔

89 سالہ ملکہ برطانیہ نے سکاٹ لینڈ کی سرحد پر خطاب میں کہا کہ یہ وہ اعزاز ہے جس کے حصول کی آرزو انھوں نے کبھی نہیں کی تھی۔

اس سے قبل یہ اعزاز سابقہ ملکہ وکٹوریہ کے پاس تھا۔

برطانیہ کے مقامی وقت کے مطابق شام پانچ بج کر 30 منٹ پر ملکہ الزبتھ کے اقتدار کو 63 سال اور پانچ ماہ مکمل ہو جائیں گے۔ یہ 23 ہزار 226 دن، 16 گھنٹے اور تقریباً 30 منٹ کا دورانیہ ہے۔

وزیراعظم ڈیوڈ کیمرون نے ملکہ برطانیہ کی خدمات کو حقیقی معنوں میں ’عاجز کر دینے والی‘ قرار دیا۔ــــــــــ

حوالہ

طویل اعزازی حاکم ہونے کا بے وقوفانہ ریکارڈ۔۔۔۔ابتسامہ۔۔۔

 

[عبدہ]

طویل اعزازی حاکم ہونے کا بے وقوفانہ ریکارڈ۔۔۔۔ابتسامہ۔۔۔

جی بالکل ایسے ہی بے وقوفانہ ریکارڈ جیسے آئین پاکستان میں اللہ کے قادر مطلق ہونے کی اعزازی حکمرانی ہمیں نظر آتی ہے جو اس سے بھی طویل ہے مگر اللہ کا فرمان نہیں چلتا وہ امریکہ کا چلتا ہے

 

[ابن داود]

السلام علیکم ورحمۃ اللہ وبرکاتہ!

جی بالکل ایسے ہی بے وقوفانہ ریکارڈ جیسے آئین پاکستان میں اللہ کے قادر مطلق ہونے کی اعزازی حکمرانی ہمیں نظر آتی ہے جو اس سے بھی طویل ہے مگر اللہ کا فرمان نہیں چلتا وہ امریکہ کا چلتا ہے

عبدہ بھائی!
کوئی اور بے محل یہ تذکرہ کرتا تو کوئی بات نہیں! مگر آپ سے شکایت کرنا حق بنتا ہے!

 

[عبدہ]

السلام علیکم ورحمۃ اللہ وبرکاتہ!

عبدہ بھائی!
کوئی اور بے محل یہ تذکرہ کرتا تو کوئی بات نہیں! مگر آپ سے شکایت کرنا حق بنتا ہے!

انتہائی معذرت محترم بھائی اگر لاشعوری طور پر مجھ سے کوئی غلطی ہوئی ہے مگر مجھے ابھی بھی اس غلطی کا شعور نہیں آپ کو اپنے خیالات واضح کر دیتا ہوں
واللہ میں نے بے محل اسکا تذکرہ نہیں کیا بلکہ جب نعیم بھائی نے خبر لکھی اور پھر نیچے دو لائنوں میں اپنا تبصرہ کیا کہ
طویل اعزازی حاکم ہونے کا بے وقوفانہ ریکارڈ۔۔۔۔ابتسامہ۔۔۔
تو واللہ مجھے یہی سمجھ آئی کہ وہ اس خالی نام کی حکمرانی پر طنز کر رہے ہیں کیونکہ انہوں لفظ اعزازی حکمرانی استعمال کیا تو میں یہی سمجھا کہ بے وقوفی یہ ہے کہ اعزازی حکمرانی کو اصل حکمرانی سمجھ لیا گیا پس اسی مناسبت سے درست قیاس کرتے ہوئے میں نے یہاں اللہ کی حکمرانی کی بات کر دی کہ اللہ کو ہم نے خدا اسی طرح بنایا ہوا ہے جس طرح پہلے رفیق تارڑ کو صدر بنایا ہوا تھا
اب اس پر فیصلہ محترم نعیم یونس بھائی ہی دے سکتے ہیں کہ وہ بے وقوفی کس چیز کو کہ رہے تھے آیا وہ اعزازی صفت کی وجہ سے حکمرانی پر ناز کرنے کو بے وقوفی کہ رہے تھے یا کوئی اور بات تھی

 

[ابن داود]

السلام علیکم ورحمۃ اللہ وبرکاتہ!
ملکہ برطانیہ کی حیثیت سربراہ مملکت کی ہے، جیسے پاکستان میں صدر کی، لیکن پاکستان میں موجودہ صدر کی طرح بالکل لاچار بھی نہیں!
برطانیہ میں حکومت تو وزیر اعظم اور پارلیمنٹ کی ہوتی ہے، اسے کانسٹیٹیوشنل مونارشی کہا جاتا ہے۔ اور یہ مونارش بہت سے استثناء کا حامل ہوتا ہے، اور بہت سے اختیارات رکھتا ہے،
جیسے چرچ آف انگلیڈ کی سربراہ ملکہ برطانیہ ہے، اور وہی برطانیہ کی فوج کی بھی سربراہ ہے۔ اس طرح غالباً انہیں اپنے کسی کاروبار و آمدنی کا ٹیکس بھی نہیں دینا ہوتا! (ٹیکس والی بات میں نے غالباً لکھی ہے)۔
لیکن برطانیہ کی اصل حکومت وزیر اعظم و پارلیمنٹ کی ہے!

 

[محمد نعیم یونس]

وعلیکم السلام ورحمۃ اللہ وبرکاتہ!

تو واللہ مجھے یہی سمجھ آئی کہ وہ اس خالی نام کی حکمرانی پر طنز کر رہے ہیں کیونکہ انہوں لفظ اعزازی حکمرانی استعمال کیا تو میں یہی سمجھا کہ بے وقوفی یہ ہے کہ اعزازی حکمرانی کو اصل حکمرانی سمجھ لیا گیا

متفق!!

لیکن برطانیہ کی اصل حکومت وزیر اعظم و پارلیمنٹ کی ہے!

متفق!!