عورت کا سفر کرنا

[ابوالحسن علوی]

ارشاد باری تعالی ہے:
لَّيْسَ عَلَى الْأَعْمَىٰ حَرَ‌جٌ وَلَا عَلَى الْأَعْرَ‌جِ حَرَ‌جٌ وَلَا عَلَى الْمَرِ‌يضِ حَرَ‌جٌ وَلَا عَلَىٰ أَنفُسِكُمْ أَن تَأْكُلُوا مِن بُيُوتِكُمْ أَوْ بُيُوتِ آبَائِكُمْ أَوْ بُيُوتِ أُمَّهَاتِكُمْ أَوْ بُيُوتِ إِخْوَانِكُمْ أَوْ بُيُوتِ أَخَوَاتِكُمْ أَوْ بُيُوتِ أَعْمَامِكُمْ أَوْ بُيُوتِ عَمَّاتِكُمْ أَوْ بُيُوتِ أَخْوَالِكُمْ أَوْ بُيُوتِ خَالَاتِكُمْ أَوْ مَا مَلَكْتُم مَّفَاتِحَهُ أَوْ صَدِيقِكُمْ ۚ لَيْسَ عَلَيْكُمْ جُنَاحٌ أَن تَأْكُلُوا جَمِيعًا أَوْ أَشْتَاتًا ۚ فَإِذَا دَخَلْتُم بُيُوتًا فَسَلِّمُوا عَلَىٰ أَنفُسِكُمْ تَحِيَّةً مِّنْ عِندِ اللَّـهِ مُبَارَ‌كَةً طَيِّبَةً ۚ كَذَٰلِكَ يُبَيِّنُ اللَّـهُ لَكُمُ الْآيَاتِ لَعَلَّكُمْ تَعْقِلُونَ ﴿٦١﴾
اندھے پر، لنگڑے پر، بیمار پر اور خود تم پر (مطلقاً) کوئی حرج نہیں کہ تم اپنے گھروں سے کھالو یا اپنے باپوں کے گھروں سے یا اپنی ماؤں کے گھروں سے یا اپنے بھائیوں کے گھروں سے یا اپنی بہنوں کے گھروں سے یا اپنے چچاؤں کے گھروں سے یا اپنی پھوپھیوں کے گھروں سے یا اپنے ماموؤں کے گھروں سے یا اپنی خاﻻؤں کے گھروں سے یا ان گھروں سے جن کی کنجیوں کے تم مالک ہو یا اپنے دوستوں کے گھروں سے۔ تم پر اس میں بھی کوئی گناه نہیں کہ تم سب ساتھ بیٹھ کر کھانا کھاؤ یا الگ الگ پس جب تم گھروں میں جانے لگو تو اپنے گھر والوں کو سلام کرلیا کرو دعائے خیر ہے جو بابرکت اور پاکیزه ہے اللہ تعالیٰ کی طرف سے نازل شده، یوں ہی اللہ تعالیٰ کھول کھول کر تم سے اپنے احکام بیان فرما رہا ہے تاکہ تم سمجھ لو۔

 

[ابوالحسن علوی]

فاطمہ بنت قيس رضى اللہ تعالى عنہا بيان كرتى ہيں كہ:
رسول كريم صلى اللہ عليہ وسلم انہيں حكم ديا كہ وہ ام شريك كے گھر اپنى عدت گزارے، ( اس ليے كہ ان كا خاوند فوت ہو گيا تھا ) پھر كہا يہ ايسى عورت ہے جہاں ميرے صحابى جاتى رہتے ہيں، تم ابن ام مكتوم كے پاس عدت گزارو، كيونكہ وہ نابينا ہے، تم اپنے كپڑے ( دوپٹہ ) سر سے اتارو گى "
صحيح مسلم حديث ( 1480 ).
اور ايك روايت ميں ہے:
" كيونكہ جب تم اپنا دوپٹہ اتارو گى تو آپ كو وہ نہيں ديكھےگا "

 

[ماہا]

عبادات میں اصل حرمت ہے، وہاں جواز کی دلیل جائے جبکہ معاملات میں اصل جواز ہے لہذا یہاں ممانعت کی دلیل چاہیے۔

اس کا مطلب ہے پھر ہاسٹل میں رہنا بھی جائز ہے کیا؟؟؟؟؟؟؟

 

[ابوالحسن علوی]

اس کا مطلب ہے پھر ہاسٹل میں رہنا بھی جائز ہے کیا؟

مدارس اسلامیہ اور جامعات میں لڑکوں کی طرح ہر مکتب فکر اور مسلک کے ہاں لڑکیوں کے بھی ہاسٹل ہیں اور وہاں لڑکیاں رہائش پذیر بھی ہوتی ہیں۔ آج تک کسی عالم دین کی طرف سے اس کے عدم جواز کا فتوی سامنے نہیں آیا۔

جہاں تک سکول، کالج، اور یونیورسٹی کے ہاسٹل میں لڑکیوں کے رہائش پذیر ہونے کا معاملہ ہے تو یہ بھی اپنی اصل کے اعتبار سے جائز ہے لیکن مقاصد یعنی ہوسٹل میں لڑکی کے ٹھہرنے کا مقصد کیا ہے، دینی ہے، دنیوی ہے وغیرہ ذلک، سد الذرائع یعنی فی زمانہ ان ہاسٹلز میں لڑکیوں کے قیام پذیر ہونے کے معاشرتی اور اخلاقی نقصانات کیا ہیں اور مصالح یعنی لڑکیوں کے ہاسٹل میں رہائش پذیر میں کیا شرعی مصالح داخل ہیں وغیرہ کی روشنی میں فتوی میں اختلاف ہو سکتا ہے۔

جہاں تک مخلوط ہاسٹلز کا معاملہ ہے تو اختلاط مرد وزن کی حرمت کی وجہ سے حرام ہے۔

 

[ماہا]

یہ جواب کوئی خاصا اطمینان بخش نہیں ہے
ویسے مولانا عبدالمنان نورپوری لڑکیوں کے ہاسٹل میں رہنے کو مناسب خیال نیں کرتے ان کا کینا کہ یہ جائز ہی نہیں

 

[ابوالحسن علوی]

آپ یہاں ان کی طرف سے دی گئی عدم جواز کی دلیل نقل کر دیں۔ اس سے شاید ہمارے لیے بھی مسئلہ کی وضاحت ہو جائے گی۔

 

[ابوالحسن علوی]

ارشاد باری تعالی ہے:
يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ‌ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا ۚ ذَٰلِكُمْ خَيْرٌ‌ لَّكُمْ لَعَلَّكُمْ تَذَكَّرُ‌ونَ ﴿٢٧﴾
اے ایمان والو! اپنے گھروں کے سوا اور گھروں میں نہ جاؤ جب تک کہ اجازت نہ لے لو اور وہاں کے رہنے والوں کو سلام نہ کرلو، یہی تمہارے لئے سراسر بہتر ہے تاکہ تم نصیحت حاصل کرو۔

سوال یہ ہے کہ یہ حکم صرف مردوں کے لیے یا عورتوں کے بھی ہے۔ یقینا مردوں اور عورتوں دونوں کے لیے ہے کیونکہ مردوں کے ساتھ تخصیص کا کوئی قرینہ ہمارے علم میں نہیں ہے۔ جب یہ عورتوں کے لیے بھی عام ہے تو عورت کسی غیر محرم کے گھر میں داخل ہو سکتی ہے اور جب داخل ہو گی تو وہاں کچھ وقت گزارے گی۔

اب اس کے لیے دلیل چاہیے کہ عورت کسی غیر محرم کے گھر میں یا اپنے گھر کے علاوہ گھر مثلا ہاسٹل وغیرہ میں کم از کم کتنے گھنٹے یا دن کا حصہ یا رات کا حصہ گزار سکتی ہے اور اس سے زائد وقت فلاں دلیل کی روشنی میں گزارنا ناجائز ہے؟ امید ہے آپ اس وقت کی تحدید کی دلیل یہاں نقل فرما دیں گی تا کہ ہم اس بارے اپنے موقف پر نظر ثانی یا اس سے رجوع کر سکیں۔

 

[ماہا]

اسلام علیکم محترم بھائی
مولانا عبدالمنا ن نورپوری صاحب اس حدیث کو دلیل بناتے ہیں
کہ عورت محرم کے بغیر سفر نہ کرے
دوسرا اایک صحابی نے جہاد پر جانے کی اجازت مانگی جبکہ ان کی بیوی یا شاید والدہ حج پر جانا چاہتی تو آپ سلی اللہ علیہ وآلہ وسلم نے فرمایا کہ اس کے ساتھ جاو

 

[ابوالحسن علوی]

کہ عورت محرم کے بغیر سفر نہ کرے

یہ دلیل سمجھ نہیں آءی مثلا اگر کوئی بھائی اپنی بہن کو اپنی خالہ کے گھر چھوڑ دے تو اس بہن کے لیے خالہ کے گھر رہنا اس دلیل سے کیسے ناجائز ہو گیا کیونکہ خالہ کے گھر تک سفر تو محرم کے ساتھ ہی ہوا ہے۔
یا اگر تو کسی لڑکی کی خالہ کا گھر اسی محلہ میں ہے یا گلی میں ہے اور وہ وہاں جا کر کبھی کبھار اپنی خالہ کے ہاں ایک یا دو دن گزار آتی ہے تو اس کی ممانعت اس روایت سے کیسے ثابت کریں گے کیونکہ یہاں تو سفر ہوا ہی نہیں ہے اور سفر تو شہر سے باہر ہوتا ہے تو شہر کی حدود میں جو رشتہ دار ہیں، ان کے گھر میں رہنا کیسے ناجائز ہو گا۔ راقم کو ذاتی طور یہ روایت دلیل بنتی نظر نہیں آتی ہے۔

دوسرا ایک صحابی نے جہاد پر جانے کی اجازت مانگی جبکہ ان کی بیوی یا شاید والدہ حج پر جانا چاہتی تو آپ صلی اللہ علیہ وآلہ وسلم نے فرمایا کہ اس کے ساتھ جاؤ

یہ دلیل بھی بغیر محرم کے سفر کرنے کے بارے ہے اور یہاں مسئلہ زیر بحث بغیر محرم کے سفر کا نہیں ہے۔
جزاکم اللہ خیرا۔

 

[ماہا]

محترم بھائی ان کا کہنا یہ کہ

جب سفر محرم کے بغیر نہیں ہو سکتا تو پھر محرم کے بغیر کہیں رات گزارنا بھی مناسب نہیں ہے