غزہ اور مسلمان حکمران پالیسی۔۔۔تاثرات!

[بیبرس]

یہ مذمت تو صرف خانہ پری کیلئے ہے،
اور عرب حکمرانوں کے زور بازو اور شجاعت سے وہی دھوکہ کھا سکتا ہے جنہیں ماضی کی عرب اسرائیل جنگوں کے بارے میں علم نہ ہو۔
ان کا ماضی کا کردار ان کی پالیسی و خواہشات کا بہترین عکاس ہے۔

 

[محمد علی جواد]

السلام علیکم و رحمت الله -

يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَىٰ أَوْلِيَاءَ ۘ بَعْضُهُمْ أَوْلِيَاءُ بَعْضٍ ۚ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ ۗ إِنَّ اللَّهَ لَا يَهْدِي الْقَوْمَ الظَّالِمِينَ سوره المائدہ ٥١
اے ایمان والو یہود اور نصاریٰ کو دوست نہ بناؤ وہ آپس میں ایک دوسرے کے دوست ہیں اور جو کوئی تم میں سے ان کے ساتھ دوستی کرے تو وہ ان میں سے ہی ہے الله ظالموں کو ہدایت نہیں کرتا-

فَتَرَى الَّذِينَ فِي قُلُوبِهِمْ مَرَضٌ يُسَارِعُونَ فِيهِمْ يَقُولُونَ نَخْشَىٰ أَنْ تُصِيبَنَا دَائِرَةٌ ۚ فَعَسَى اللَّهُ أَنْ يَأْتِيَ بِالْفَتْحِ أَوْ أَمْرٍ مِنْ عِنْدِهِ فَيُصْبِحُوا عَلَىٰ مَا أَسَرُّوا فِي أَنْفُسِهِمْ نَادِمِينَ ٥٢
پھر تو ان لوگوں کو دیکھے گا جن کے دلوں میں بیماری ہے ان میں دوڑ کر جا ملتے ہیں کہتے ہیں کہ ہمیں ڈر ہے کہ ہم پر زمانے کی گردش نہ آ جائے سو قریب ہے کہ الله جلدی فتح ظاہر فرماد ے یا کوئی اور حکم اپنے ہاں سے ظاہر کرے پھر یہ اپنے دل کی چھپی ہوئی بات پر شرمندہ ہوں گے
-

 

[Dua]

رائے۔۔۔!!!
ماضی کی اسلامی تاریخ کا اگر جائزہ لیں تو آپ کو ایسے کتنے ہی واقعات ملیں گے ، کہ جب امیر اور حاکم وقت علماء کرام کو اپنے شاہی خانہ میں مدعو کیا کرتے ، اور اس دور کے علماء اکرام خوف خدا اور شان و شوکت میں مبتلا ہونے کے ڈر سے دروازے
سے نصیحت کر کے پلٹ آتے۔۔۔آج نہ ایسے حکمران ہیں نہ علماء وقت!!!
اس وقت اللہ تعالی نے ان حکمرانوں کو ہم پر حاکم بنایا ہے اور یہ ہمارے امیر کی حیثیت رکھتے ہیں ، ان کی بیداری اور اس کے لیے کوشش کرنا بھی ضروری ہے،تاکہ عملی طور پر کیئے گئے اقدام سے فوری طور پر مسلمانوں کو تباہی سے بچایا جائے۔
یہ وقت ہر مسلمان کی آزمائش کا ہے،۔کچھ دن کے لیے "آپریشن ضرب عضب" چھوڑ کر " اصلی کافروں" کو بھی نشانہ بنا کر دیکھ لیں۔ جہاں فرقہ وارانہ درس دیئے جا رہے ہیں ، وہ "زیادہ " نہیں صرف چند روز کے لیے "اتحاد امت " کا بھی کوئی درس دے دیں! صحابہ کرام رضی اللہ عنھم فرمایا کرتے کہ آپ صلی اللہ علیہ وسلم ہم سے ایسے بیان فرماتے ، کہ گویا دشمن کے لشکر ہمارے سروں پر ہوں۔۔۔افسوس کہ یہ لشکر جوق در جوق ہمیں روند رہیں ہیں ، اور ہم کہاں ہیں !

 

[Dua]

بہت خوب!!

غزہ میں اسرائیلی مظالم کے خلاف برطانوی وزیر سعیدہ وارثی مستعفی!

لندن: غزہ میں اسرائیلی مظالم کے خلاف واضح موقف نہ اپنانے پر پاکستانی نژاد برطانوی وزیر سعیدہ وارثی نے وزارت سے استعفیٰ دے دیا۔

سماجی رابطے کی ویب سائیٹ پر اپنے پیغام میں پاکستانی نژاد سعید وارثی کا کہنا تھا وہ غزہ کے معاملے پر اپنی حکومت کی پالیسی کی مذید حمایت نہیں کر سکتیں، اس لئے انہوں نے دکھ اور افسوس کے ساتھ اپنا استعفیٰ وزیراعظم ڈیوڈ کیمرون کو بھجوا دیا ہے۔

واضح رہے کہ سعیدہ وارثی برطانوی کابینہ میں شامل ہونے والی پہلی خاتون مسلمان رکن ہیں، ان دنوں وہ وزیر برائے دولت مشترکہ امور کے عہدے پر خدمات سرانجام دے رہی تھیں جبکہ اس سے قبل 12 مئی 2010 سے چار ستمبر 2012 تک وہ برطانوی حکمران جماعت کنزرویٹو پارٹی کی سربراہ کے عہدے پر کام کر چکی ہیں۔

ایکسپریس نیوز۔

 

[نسرین فاطمہ]

یہ مانا کہ ہم اہل اقتدار نہیں مگر اس کے باوجود ہم بہت کچھ کر سکتے ہیں ہر مسلم دکاندار اسرائیلی مصنوعات کا بائیکاٹ کر کے اور ہم اپنے گھر سے ایسی تمام اشیاء کا بائیکاٹ کر کہ کچھ نہ کچھ اپنا حصہ اس جہاد میں ڈال سکتے ہیں اپنی صبح شام خصوصاََ فجر سے پہلے کی دعاؤں میں اپنے مظلوم بہن بھائیوں کے لئے اللہ سے گڑ گڑا کے دعائیں مانگ سکتے ہیں ۔اپنے بے حس حکمرانوں کی ہدایت کے لئے بھی اللہ سے دعائیں کریں ۔

 

[محمد علی جواد]

رائے۔۔۔!!!
ماضی کی اسلامی تاریخ کا اگر جائزہ لیں تو آپ کو ایسے کتنے ہی واقعات ملیں گے ، کہ جب امیر اور حاکم وقت علماء کرام کو اپنے شاہی خانہ میں مدعو کیا کرتے ، اور اس دور کے علماء اکرام خوف خدا اور شان و شوکت میں مبتلا ہونے کے ڈر سے دروازے
سے نصیحت کر کے پلٹ آتے۔۔۔آج نہ ایسے حکمران ہیں نہ علماء وقت!!!
اس وقت اللہ تعالی نے ان حکمرانوں کو ہم پر حاکم بنایا ہے اور یہ ہمارے امیر کی حیثیت رکھتے ہیں ، ان کی بیداری اور اس کے لیے کوشش کرنا بھی ضروری ہے،تاکہ عملی طور پر کیئے گئے اقدام سے فوری طور پر مسلمانوں کو تباہی سے بچایا جائے۔
یہ وقت ہر مسلمان کی آزمائش کا ہے،۔کچھ دن کے لیے "آپریشن ضرب عضب" چھوڑ کر " اصلی کافروں" کو بھی نشانہ بنا کر دیکھ لیں۔ جہاں فرقہ وارانہ درس دیئے جا رہے ہیں ، وہ "زیادہ " نہیں صرف چند روز کے لیے "اتحاد امت " کا بھی کوئی درس دے دیں! صحابہ کرام رضی اللہ عنھم فرمایا کرتے کہ آپ صلی اللہ علیہ وسلم ہم سے ایسے بیان فرماتے ، کہ گویا دشمن کے لشکر ہمارے سروں پر ہوں۔۔۔افسوس کہ یہ لشکر جوق در جوق ہمیں روند رہیں ہیں ، اور ہم کہاں ہیں !

السلام علیکم -

افسوس کہ اصلی کافروں (یعنی یہود و نصاریٰ ) کے خلاف شدت پسندی ہمارے مسلمانوں میں کہیں نظر نہیں آ رہی -جب کہ یہ اصلی کافروں کے خلاف شدت پسندی اور آپس میں ایک دوسرے کے لئے رحم دلی صحابہ کرام رضوان الله اجمعین کا وصف تھا-

مُحَمَّدٌ رَسُولُ اللَّهِ ۚ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ ۖ تَرَاهُمْ رُكَّعًا سُجَّدًا يَبْتَغُونَ فَضْلًا مِنَ اللَّهِ وَرِضْوَانًا ۖ سِيمَاهُمْ فِي وُجُوهِهِمْ مِنْ أَثَرِ السُّجُودِ ۚ ذَٰلِكَ مَثَلُهُمْ فِي التَّوْرَاةِ ۚ وَمَثَلُهُمْ فِي الْإِنْجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَىٰ عَلَىٰ سُوقِهِ يُعْجِبُ الزُّرَّاعَ لِيَغِيظَ بِهِمُ الْكُفَّارَ ۗ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُمْ مَغْفِرَةً وَأَجْرًا عَظِيمًا سوره الفتح ٢٩
محمد الله کے رسول ہیں اور جو لوگ (صحابہ کرام) آپ کے ساتھ ہیں کفار کے معاملے میں شدت پسند ہیں آپس میں رحم دل ہیں- تو انہیں دیکھے گا کہ رکوع و سجود کر رہے ہیں الله کا فضل اوراس کی خوشنودی تلاش کرتے ہیں ان کی شناخت ان کے چہرو ں میں سجدہ کا نشان ہے یہی وصف ان کا تورات میں ہے اور انجیل میں ان کا وصف ہے مثل اس کھیتی کے جس نے اپنی سوئی نکالی پھر اسے قوی کر دیا پھر موٹی ہوگئی پھر اپنے تنہ پر کھڑی ہوگئی کسانوں کو خوش کرنے لگی تاکہ الله ان کی وجہ سے کفار کو غصہ دلائے الله ان میں سے ایمان داروں اورنیک کام کرنے والوں کے لیے بخشش اور اجر عظیم کا وعدہ کیا ہے-

 

[ابوالحسن علوی]

مجھے تو اس بات کا اندیشہ ہے کہ اسرائیل فلسطین جنگ میں ہم کچھ اور کریں نہ کریں اتنا شاید ضرور کر گزریں کہ جو عرب ممالک تاحال میدان جنگ نہیں بنے ہیں، انہیں میدان جنگ بنانے کی راہ ہموار کرنے میں کوئی کردار ادا کر سکیں۔ بلاشبہ ظالم کا ہاتھ نہ روکنے والا اور ظالم دونوں برابر نہیں ہیں۔

ہم ظالم سے زیادہ ظالم کا ہاتھ نہ روکنے والوں کو کوسنے کے عادی ہو چکے ہیں جس کا لازمی نتیجہ یہ ہے کہ ہماری لڑائی ظالم کی بجائے ظالم کو نہ روکنے والے سے ہو اور اب تک ایسا ہی ہو رہا ہے۔ ہم مسلمان ایک دوسرے پر اپنا غیظ وغصہ نکال رہے ہیں۔ اللہ ہماری حفاظت فرمائے۔