فریق مخالف سے افہام و تفہیم ، ایک مشورہ

[خضر حیات]

البتہ یہ خوہشات رکھنے کے باوجود میں حقیقت بھی بتاتا چلوں کہ اس طرح افہام و تفہیم والے طریقے کو اہل حدیث تو پسند کر لے مگر دیوبند یا بریلوی کو قبول نہ ہو گا اسی طرح ہو سکتا ہے اہل حدیث میں اختلاف جو جمہوریت یا جہاد پر ہے وہاں بھی یہ مسئلہ آ جائے
وجہ تو وہی ہے جو رسول اللہ صلی اللہ علیہ وسلم کے دور میں تھی کہ وہ تو کہتے تھے کہ سب کی بات سنو کہ الذین یستمعون القول فیتبعون احسنہ مگر مشرکین مکہ کے پاس چونکہ دلائل نہیں تھے اسی لئے وہ حج پر آنے والوں کو کانوں میں روئی ڈال کر اندر آنے دیتے تھے جیسا کہ طفیل دوسی رضی اللہ عنہ کا واقعہ ملتا ہے

اس كو آپ کسی مسلک کے ساتھ خاص نہ کریں ، ایسے لوگ تقریبا ہر مسلک میں ہوتے ہیں ، جب آپ یہ کام شروع کریں گے تو کئی اہل حدیث بھی آپ کی مخالفت کریں گے ، مثال کے طور پر جماعۃ الدعوۃ اور مرکزی جمیعت اہل حدیث دونوں اہل حدیث جماعتیں ہیں ، لیکن ان کے بہت سارے لوگ ایک دوسرے کے ساتھ تبادلہ خیال کرنے کو جائز نہیں سمجھتے ۔
خیر اگر یہ کام شروع کیا جاتا ہے ، تو ظاہر ہے وہیں ہوگا ، جہاں لوگ اس کو تسلیم کریں گے ، وہ کسی بھی کسی بھی تنظیم یا مسلک کے ہوں ، جن لوگوں کی سمجھ میں یہ بات نہیں آسکے گی ، انہیں زبردستی اس پر مجبور نہیں کیا جاسکتا ۔

 

[محمد فیض الابرار]

بہت اچھی اور قابل عمل تجویز ہے
سوال یہ پیدا ہوتا ہے کہ جب سیاسی نظریات کے لیے مختلف جماعتوں کے افراد ایک دوسرے کے ساتھ بیٹھ سکتے ہیں جبکہ ان کا تعلق بھی مختلف مسالک سے ہی ہوتا ہے تو مذہبی بعد دور کرنے کے لیے ایسا کیوں نہیں ہو سکتا
لیکن یہ کام کچھ قواعد اور ضوابط کے ساتھ کیا جایے تو ان شاء اللہ نتایج مثبت برآمد ہوں گے
مثال کے طور پر یہ کام تعلیمی اداروں میں سیمینارز یا کانفرنسز کی صورت میں میں کیا جا سکتا ہے
لیکن اس کے لیے کچھ وسعت قلبی کی ضرورت ہے جو بہت حوصلہ کا کام ہے کہ نہ صرف مخالف کو سننا بلکہ مخالفت میں بھی سننا