لعنت اور رحمت ( قرآن و حدیث کی روشنی میں)

[عبد الرشید]

کتاب کا نام
لعنت اور رحمت ( قرآن و حدیث کی روشنی میں)
مصنف
ام حمزہ کیلانی
ناشر
حدیث پبلیکیشنز،لاہور

تبصرہ​

لعنت ایک بددعا ہے لعنت کے معنی اللہ کی رحمت سے دور ہونے اور محروم ہونے کے ہیں جب کوئی کسی پر لعنت کرتا ہے توگویا وہ اس کے حق میں بدعا کرتا ہے کہ تم اللہ کی رحمت سے محروم ہو جاؤ رسول کریم ﷺ نے کسی پر لعنت کرنے کو بڑی سختی سے منع کیا فرمایا ہے یہاں تک کہ بے جان چیزوں پر بھی لعنت کرنے سے منع کیا فرمایا ہے لعنت اور ناشکری جہنم میں جانے کا باعث بن سکتے ہیں جیسے کہ نبی ﷺ نے فرمایا'' اے عورتو! صدقہ کیا کرو میں نےجہنم میں دیکھاکہ عورتوں کی تعدادزیادہ ہے عورتوں نےعرض کیا یارسول اللہﷺ اس کی کیاوجہ ہے؟ آپ نے ارشاد فرمایا کہ ''تم لعنت زیادہ کرتی ہو اور اپنے شوہر کی ناشکری کرتی ہو ''زیر تبصرہ کتا ب ''لعنت اور رحمت ''کی مؤلفہ نے اسی مذکورہ حدیث کے پیش نظر خصوصا خواتین کے لیے اس کتاب کو ترتیب دیا ہے کتاب کے پہلے حصے میں لعنت کا مفہوم،لعنت کی ممانعت لعنت کی سزا،اللہ ورسول اورفرشتوں کی لعنت کے مستحق لوگ اور دوسرے حصہ میں رحمت کامفہوم اس کے متعلق مزید تفصیلات کوقرآن واحادیث کی روشنی میں آسان فہم انداز میں بیان کیا ہےاللہ تعالیٰ اس کتاب کو معاشرےکی اصلاح بالخصوص خواتین کی اصلاح کا ذریعہ بنائے (آمین) (م۔ا)

اس کتاب لعنت اور رحمت ( قرآن و حدیث کی روشنی میں ) کو آن لائن پڑھنے یا ڈاؤن لوڈ کرنے کے لیے یہاں کلک کریں​

 

[عبد الرشید]

فہرست مضامین​

بسم اللہ الرحمن الرحیم
پہلا حصہ
لعنت کا مفہوم
لعنت کرنے کی ممانعت
لعنت کرنے کی سزا
لعنت کرنے کی تلافی
لعنت قرآن مجید کی روشنی میں
اللہ تعالیٰ کی لعنت کے مستحق لوگ
فرشتوں کی لعنت کے مستحق لوگ
اللہ تعالیٰ ، فرشتوں اور تمام اہل ایمان کی لعنت کے مستحق لوگ
دوسرا حصہ
رحمت کا مفہوم
اللہ تعالیٰ کی رحمت بہت وسیع ہے
ہم سب اللہ تعالیٰ کی رحمت کے محتاج ہیں
رحمت قرآن مجید کی روشنی میں
رحمت کا سلوک کرنے کی فضیلت
رحمت کا سلوک نہ کرنے کا نقصان
رحمت کے مستحق لوگ
اللہ تعالیٰ کی رحمت سے مایوسی کفر ہے