لمحہ فکر

[طارق بن زیاد]

﷽

لمحہ فکریہ
السلام علیکم محترمین۔

امام شعبی ؒ سے کوئی سوال پوچھا گیا۔
جواب دیا مجھے نہیں معلوم۔
کہا گیا - آپ عراق کے مفتی و فقیہ ہیں اور آپ یہ کہہ رہے ہیں کہ مجھے معلوم نہیں یقینا اس جواب سے آپ کو شرم تو محسوس ہورہی ہوگی -
جواب دیا فرشتے تو اس وقت نہیں شرمائے تھے جب انھوں نے کہا ۔
لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنتَ الْعَلِيمُ الْحَكِيمُ ﴿٣٢﴾
ہمیں تو صرف اتنا ہی علم ہے جتنا تونے ہمیں سکھا رکھا ہے، پورے علم وحکمت والا تو تو ہی ہے (32) البقرۃ

عتبہ بن مسلم کہتے ہیں کہ میں عبداللہ بن عمر رضی اللہ عنہ کی خدمت میں ٣٤ ماہ تک رہا اس دوران کتنے ہی لوگوں نے آپ سے سولات کئے جنکا جواب یہ ہوتا - " مجھے معلوم نہیں "

ابوالحسین ازدی کہا کرتے تھے کہ " لوگ مسئلہ میں بے جھجھک فتوی دیتے ہیں ، اگر یہی مسئلہ حضرت عمر بن خطاب رضی اللہ عنہ کے سامنے رکھا جاتا تو اس کے جواب کے لئے اہل بدر کو جمع کر لیتے-

سنہرے اوراق ( عبدالمالک مجاہد )​

 

[محمد ارسلان]

جزاک اللہ خیرا
کاش ہمارے علماء کو یہ بات سمجھ آ جائے اور وہ دین اسلام میں اپنی رائے سے بولنا بند کر دیں۔

 

[ہابیل]

جزاک اللہ خیرا
کاش ہمارے علماء کو یہ بات سمجھ آ جائے اور وہ دین اسلام میں اپنی رائے سے بولنا بند کر دیں۔

آمین
جزاک اللہ طارق بھائی

 

[یوسف ثانی]

جزاک اللہ خیرا
کاش ہمارے علماء کو یہ بات سمجھ آ جائے اور وہ دین اسلام میں اپنی رائے سے بولنا بند کر دیں۔

اگر علماء بولنا بند کردیں تو پھر عوام الناس شکایت کریں گے کہ ان سے کچھ پوچھو تو جواب نہیں دیتے (یا یہ کہتے ہیں کہ مجھے معلوم نہیں)۔ اعتدال کی راہ یہ ہے کہ ایسی صورتحال میں جب کسی عالم دین کو سائل کے سوال کا جواب ”قرآن و سنت کے حوالہ“ سے معلوم نہ ہو (یا اس وقت یاد نہ آرہا ہو) تو صاف صاف بتلا دینا چاہئے کہ فی الوقت تو مجھے آپ کے سوال کا جواب قرآن و حدیث کے حوالہ سے معلوم نہیں ہے۔ لیکن قرآن و حدیث کے معلومہ علم کی روشنی میں، میری ذاتی رائے کے مطابق آپ کے سوال کا جواب یہ اور یہ ہوسکتا ہے ۔۔۔ اس طرح سائل کو اپنے مسائل اور کنفیوزن کا فوری طور پر ایک ”حل“ تو مل ہی جائے گا، پھراگر وہ چاہے اور اس کی رسائی ہوتو وہ دیگر علماء سے بھی اس رائے کی تصدیق کروا سکتا ہے۔ علمائے کرام کو ”بولنے سے روک دینے“ کا مطلب تو صاف صاف یہی ہے کہ ہمیں علماء پر، ان کے علم پر، ان کی دیانت پر اعتبار ہی نہیں ہے کہ جب تک وہ قرآن کی سورت اور آیت یا احادیث کی کتب اور حدیث نمبر کے حوالہ سے جواب نہ دیں، ہم ان کی رائے پر ”اعتبار“ ہی نہیں کریں گے۔ گویا علماء نہ ہوئے ”کمپیوٹر“ ہوگئے۔ ):

 

[محمد شاہد]

جزاک اللہ خیرا
طارق بھائی

 

[محمد ارسلان]

اگر علماء بولنا بند کردیں تو پھر عوام الناس شکایت کریں گے کہ ان سے کچھ پوچھو تو جواب نہیں دیتے (یا یہ کہتے ہیں کہ مجھے معلوم نہیں)۔ اعتدال کی راہ یہ ہے کہ ایسی صورتحال میں جب کسی عالم دین کو سائل کے سوال کا جواب ”قرآن و سنت کے حوالہ“ سے معلوم نہ ہو (یا اس وقت یاد نہ آرہا ہو) تو صاف صاف بتلا دینا چاہئے کہ فی الوقت تو مجھے آپ کے سوال کا جواب قرآن و حدیث کے حوالہ سے معلوم نہیں ہے۔ لیکن قرآن و حدیث کے معلومہ علم کی روشنی میں، میری ذاتی رائے کے مطابق آپ کے سوال کا جواب یہ اور یہ ہوسکتا ہے ۔۔۔ اس طرح سائل کو اپنے مسائل اور کنفیوزن کا فوری طور پر ایک ”حل“ تو مل ہی جائے گا، پھراگر وہ چاہے اور اس کی رسائی ہوتو وہ دیگر علماء سے بھی اس رائے کی تصدیق کروا سکتا ہے۔ علمائے کرام کو ”بولنے سے روک دینے“ کا مطلب تو صاف صاف یہی ہے کہ ہمیں علماء پر، ان کے علم پر، ان کی دیانت پر اعتبار ہی نہیں ہے کہ جب تک وہ قرآن کی سورت اور آیت یا احادیث کی کتب اور حدیث نمبر کے حوالہ سے جواب نہ دیں، ہم ان کی رائے پر ”اعتبار“ ہی نہیں کریں گے۔ گویا علماء نہ ہوئے ”کمپیوٹر“ ہوگئے۔ ):

آپ کی اور میری بات ایک ہی ہے فرق اتنا ہے میں نے مختصر کر کے لکھا ہے اور آپ نے تفصیل سے۔

 

[یوسف ثانی]

آپ کی اور میری بات ایک ہی ہے فرق اتنا ہے میں نے مختصر کر کے لکھا ہے اور آپ نے تفصیل سے۔

ہا ہا ہا ہا ! بہت خوب ۔ چلو میں اپنے تفصیل کو مختصر کرکے لکھ دیتا ہوں شاید میرا مطلب آپ کی سمجھ میں آجائے :)

ارسلان: کاش ہمارے علماء کو یہ بات سمجھ آ جائے اور وہ دین اسلام میں اپنی رائے سے بولنا بند کر دیں۔
یوسف: علمائے کرام دین اسلام میں اگر ”اپنی رائے“ سے کچھ بھی نہ بولتے تو ذخیرہ تفاسیر، احادیث کی شروحات، فقہ، فتاویٰ، اور ہزاروں بلکہ لاکھوں دینی کتب کبھی ”وجود“ میں نہ آتے۔

 

[محمد ارسلان]

ہا ہا ہا ہا ! بہت خوب ۔ چلو میں اپنے تفصیل کو مختصر کرکے لکھ دیتا ہوں شاید میرا مطلب آپ کی سمجھ میں آجائے :)

ارسلان: کاش ہمارے علماء کو یہ بات سمجھ آ جائے اور وہ دین اسلام میں اپنی رائے سے بولنا بند کر دیں۔
یوسف: علمائے کرام دین اسلام میں اگر ”اپنی رائے“ سے کچھ بھی نہ بولتے تو ذخیرہ تفاسیر، احادیث کی شروحات، فقہ، فتاویٰ، اور ہزاروں بلکہ لاکھوں دینی کتب کبھی ”وجود“ میں نہ آتے۔

یوسف: علمائے کرام دین اسلام میں اگر ”اپنی رائے“ سے کچھ بھی نہ بولتے تو ذخیرہ تفاسیر، احادیث کی شروحات، فقہ، فتاویٰ، اور ہزاروں بلکہ لاکھوں دینی کتب کبھی ”وجود“ میں نہ آتے۔

ارسلان: علماء اگر کتاب و سنت کو چھوڑ کر اپنی رائے کو ترجیح نہ دیتے تو آج دین اسلام کو نقصان نہ پہنچاتے۔

 

[عبیداللہ]

جزاک اللہ خیرا

 

[ظفر ابن ندوی]

جزاکم اللہ خیرا۔
"نہیں معلوم" کہنا بھی راسخ علم کی دلیل ہے ۔ اور ایسا وہی کہتے جو ذمہ دار قسم کے لوگ ہیں۔ حالآں کہ یہ بہت آسان سا جملہ ہے، لیکن بہت کم علما اس کو استعمال کرتے ہیں۔
اس کی ایک وجہ بھی ہے۔ بر صغیر میں علماء سے عوام کا جو برتاؤ ہے اسے دیکھ کر بعض علماء یہ جملہ بولنے کی ہمت نہیں جٹا پاتے ہیں۔ کیوں جوابا عوام کے طعن وتشنیع کا شاکار ہونا پڑتا ہے۔