![محدث فورم [Mohaddis Forum]](/styles/default/xenforo/Forum.jpg)
محمد آصف مغل
سینئر رکن
- شمولیت
- اپریل 29، 2013
- پیغامات
- 2,677
- ری ایکشن اسکور
- 4,006
- پوائنٹ
- 436
وَّالْمُحْصَنٰتُ مِنَ النِّسَاۗءِ اِلَّا مَا مَلَكَتْ اَيْمَانُكُمْ۰ۚ كِتٰبَ اللہِ عَلَيْكُمْ۰ۚ وَاُحِلَّ لَكُمْ مَّا وَرَاۗءَ ذٰلِكُمْ اَنْ تَبْتَغُوْا بِاَمْوَالِكُمْ مُّحْصِنِيْنَ غَيْرَ مُسٰفِحِيْنَ۰ۭ فَمَا اسْتَمْتَعْتُمْ بِہٖ مِنْھُنَّ فَاٰتُوْھُنَّ اُجُوْرَھُنَّ فَرِيْضَۃً۰ۭ وَلَا جُنَاحَ عَلَيْكُمْ فِيْمَا تَرٰضَيْتُمْ بِہٖ مِنْۢ بَعْدِ الْفَرِيْضَۃِ۰ۭ اِنَّ اللہَ كَانَ عَلِيْمًا حَكِيْمًا۲۴
اورشوہر والی عورتوں کا نکاح میں لانا بھی حرام ہے مگر جو تمہارے ہاتھ کی ملک ہوجائیں۔یہ اللہ نے تم پر لکھ دیا ہے اور ان کے سوا سب عورتیں (نکاح کرنے کو) حلال ہیں۔ یوں کہ تم اپنے مال دے کر طلب کرو۔ بحالیکہ تم قیدمیں لانے والے ہو نہ کہ مستی نکالنے والے ۔ پس جو مال کہ فائدہ اٹھایا ہے تم نے بدلے اس کے ان سے ۔ سو دو ان کو حق ان کا موافق مقرر کے اور تم پر اس میں کچھ گناہ نہیں کہ بعد مقرر کرنے مہر کے کسی بات پر آپس میں راضی ہوجاؤ۔بے شک خدا جاننے۱؎ والا حکمت والا ہے۔(۲۴)
۱؎ ان آیات میں بتایا ہے کہ شادی شدہ عورتیں کسی طرح بھی دوسروں کے لیے جائز نہیں، البتہ مملوکہ عورتیں چونکہ بوجہ عین بمنزلہ منکوحات کے ہیں اور ان کا سابقہ نکاح فسخ ہوچکا ہے،اس لیے وہ '' محصنات'' کی فہرست میں داخل نہیں۔ ذیل کے الفاظ سے بعض لوگوں نے متعہ کا جواز نکالا ہے ۔ اَنْ تَبْتَغُوْا بِاَمْوَالِکُمْ فَمَااسْتَمْتَعْتُمْ بِہٖ مِنْھُنَّ فَاٰتُوْھُنَّ اُجُوْرَھُنَّ۔ حالانکہ آیت کے سیاق وسباق سے ظاہر ہے کہ بیان نکاح کا ہورہا ہے جس کے معنی دائماً کسی کو حبالہ ٔ عقد میں لے آنے کے ہیں نہ متعہ کا جو وقتی جذبات کے ماتحت یکسر حیوانی حرکت ہے۔مُحْصِنِیْنَ غَیْرَ مُسَافِحِیْنَ کی تصریح ہرگز کسی شک وشبہ کی متحمل نہیں۔ اس میں واضح طور پر مفہوم مضمر ہے کہ مرد اورعورت کا تعلق باہمی یا بصورتِ احصان ودوام ہے اور یا بصورتِ زنا وسفاح۔ تیسری کوئی صورت نہیں۔ یہ درست ہے کہ زمانہ ٔ جاہلیت میں متعہ کا عام رواج تھا اور عہد نبوی صلی اللہ علیہ وسلم میں بھی بعض لوگ اسے جائز جانتے رہے مگر قرآن حکیم کا ایسے طرز ازدواج کو پیش کرنا جو دائمی ہو جس میں عورت کو تمام حقوق زوجیت حاصل ہوں۔ جس میں عَاشِرُوْھُنَّ بِالْمَعْرُوْفِ کی تلقین ہو، صاف طورپر متعہ کی مخالفت ہے، اس لیے یہ کہنا کہ قرآن حکیم میں متعہ کی ممانعت موجود نہیں، تجاہل ہے ۔
زیرخط الفاظ اس وقت موجب وہم وشک ہوسکتے ہیں جب پہلے سے ذہن میں متعہ کے جو ازکا خیال ہوورنہ ظاہر ہے ابتغاء بالمال۔ تمتع اوراجور۔ان میں کوئی شے بھی متعہ کے ساتھ مختص نہیں۔نکاح میں بھی روپیہ خرچ ہوتا ہے اورمتعہ میں بھی۔ مہر ''صداق'' جس میں ہدیۂ محبت وصداقت ہوتا ہے ۔اسی طر ح ایک قسم کا اجر بھی یعنی حلیہ مہرووفا بھی اورتمتع توظاہر ہے جس قدر نکاح میں ہے متعہ میں نہیں۔ پھر یہ کہاں سے لازم آگیا کہ ان الفاظ سے متعہ ثابت ہے۔ ان الفاظ میں تو نکاح کے لوازم سے بحث ہے۔اصل میں غلط فہمی کا منبع یہ مسئلہ ہے کہ مہر بدل استحلال ہے، حالانکہ یہ صحیح نہیں۔ مہر تو شادی کا تحفہ ہے ۔فقہاء نے اسے خواہ مخواہ ''معاوضۂ حیوانیت'' سمجھ لیا ہے جس سے اس کی پاکیزگی میں فرق پڑگیا ہے اوراسی بناپر حضرات تشیع نے متعہ کاجواز نکالا ہے کہ چونکہ اجرت متحقق ہے، اس لیے تمتع ازدواج کا حق ثابت ہوا۔ وہ یہ نہیں جانتے کہ اسلام اس سے بہت بلند ہے کہ صرف چند نقرئی سکوں کے معاوضہ میں استحلال کا حق دے دے۔گو وہ اسے لازمی قرار دیتا ہے مگراسے ''معاوضۂ حیوانیت'' قرار نہیں دیتا۔
اسلام جس شکل اتحاد کو پیش کرتا ہے ، وہ نہایت بلند اخلاق اساسوں پر قائم ہے ۔ اس میں دوام اور توریث شرط ہے۔
{اَلْمُحْصٰنَتُ}آزاد، شادی شدہ، عفیف اور مسلمان عورتیں۔ قرآن حکیم نے چاروں معنوں میں اس کا اطلاق فرمایا ہے ۔ {مُسَافِحِیْنَ} مادہ سفاح بمعنی بہانا۔
اورشوہر والی عورتوں کا نکاح میں لانا بھی حرام ہے مگر جو تمہارے ہاتھ کی ملک ہوجائیں۔یہ اللہ نے تم پر لکھ دیا ہے اور ان کے سوا سب عورتیں (نکاح کرنے کو) حلال ہیں۔ یوں کہ تم اپنے مال دے کر طلب کرو۔ بحالیکہ تم قیدمیں لانے والے ہو نہ کہ مستی نکالنے والے ۔ پس جو مال کہ فائدہ اٹھایا ہے تم نے بدلے اس کے ان سے ۔ سو دو ان کو حق ان کا موافق مقرر کے اور تم پر اس میں کچھ گناہ نہیں کہ بعد مقرر کرنے مہر کے کسی بات پر آپس میں راضی ہوجاؤ۔بے شک خدا جاننے۱؎ والا حکمت والا ہے۔(۲۴)
متعہ حرام ہے
۱؎ ان آیات میں بتایا ہے کہ شادی شدہ عورتیں کسی طرح بھی دوسروں کے لیے جائز نہیں، البتہ مملوکہ عورتیں چونکہ بوجہ عین بمنزلہ منکوحات کے ہیں اور ان کا سابقہ نکاح فسخ ہوچکا ہے،اس لیے وہ '' محصنات'' کی فہرست میں داخل نہیں۔ ذیل کے الفاظ سے بعض لوگوں نے متعہ کا جواز نکالا ہے ۔ اَنْ تَبْتَغُوْا بِاَمْوَالِکُمْ فَمَااسْتَمْتَعْتُمْ بِہٖ مِنْھُنَّ فَاٰتُوْھُنَّ اُجُوْرَھُنَّ۔ حالانکہ آیت کے سیاق وسباق سے ظاہر ہے کہ بیان نکاح کا ہورہا ہے جس کے معنی دائماً کسی کو حبالہ ٔ عقد میں لے آنے کے ہیں نہ متعہ کا جو وقتی جذبات کے ماتحت یکسر حیوانی حرکت ہے۔مُحْصِنِیْنَ غَیْرَ مُسَافِحِیْنَ کی تصریح ہرگز کسی شک وشبہ کی متحمل نہیں۔ اس میں واضح طور پر مفہوم مضمر ہے کہ مرد اورعورت کا تعلق باہمی یا بصورتِ احصان ودوام ہے اور یا بصورتِ زنا وسفاح۔ تیسری کوئی صورت نہیں۔ یہ درست ہے کہ زمانہ ٔ جاہلیت میں متعہ کا عام رواج تھا اور عہد نبوی صلی اللہ علیہ وسلم میں بھی بعض لوگ اسے جائز جانتے رہے مگر قرآن حکیم کا ایسے طرز ازدواج کو پیش کرنا جو دائمی ہو جس میں عورت کو تمام حقوق زوجیت حاصل ہوں۔ جس میں عَاشِرُوْھُنَّ بِالْمَعْرُوْفِ کی تلقین ہو، صاف طورپر متعہ کی مخالفت ہے، اس لیے یہ کہنا کہ قرآن حکیم میں متعہ کی ممانعت موجود نہیں، تجاہل ہے ۔
زیرخط الفاظ اس وقت موجب وہم وشک ہوسکتے ہیں جب پہلے سے ذہن میں متعہ کے جو ازکا خیال ہوورنہ ظاہر ہے ابتغاء بالمال۔ تمتع اوراجور۔ان میں کوئی شے بھی متعہ کے ساتھ مختص نہیں۔نکاح میں بھی روپیہ خرچ ہوتا ہے اورمتعہ میں بھی۔ مہر ''صداق'' جس میں ہدیۂ محبت وصداقت ہوتا ہے ۔اسی طر ح ایک قسم کا اجر بھی یعنی حلیہ مہرووفا بھی اورتمتع توظاہر ہے جس قدر نکاح میں ہے متعہ میں نہیں۔ پھر یہ کہاں سے لازم آگیا کہ ان الفاظ سے متعہ ثابت ہے۔ ان الفاظ میں تو نکاح کے لوازم سے بحث ہے۔اصل میں غلط فہمی کا منبع یہ مسئلہ ہے کہ مہر بدل استحلال ہے، حالانکہ یہ صحیح نہیں۔ مہر تو شادی کا تحفہ ہے ۔فقہاء نے اسے خواہ مخواہ ''معاوضۂ حیوانیت'' سمجھ لیا ہے جس سے اس کی پاکیزگی میں فرق پڑگیا ہے اوراسی بناپر حضرات تشیع نے متعہ کاجواز نکالا ہے کہ چونکہ اجرت متحقق ہے، اس لیے تمتع ازدواج کا حق ثابت ہوا۔ وہ یہ نہیں جانتے کہ اسلام اس سے بہت بلند ہے کہ صرف چند نقرئی سکوں کے معاوضہ میں استحلال کا حق دے دے۔گو وہ اسے لازمی قرار دیتا ہے مگراسے ''معاوضۂ حیوانیت'' قرار نہیں دیتا۔
اسلام جس شکل اتحاد کو پیش کرتا ہے ، وہ نہایت بلند اخلاق اساسوں پر قائم ہے ۔ اس میں دوام اور توریث شرط ہے۔
حل لغات
{اَلْمُحْصٰنَتُ}آزاد، شادی شدہ، عفیف اور مسلمان عورتیں۔ قرآن حکیم نے چاروں معنوں میں اس کا اطلاق فرمایا ہے ۔ {مُسَافِحِیْنَ} مادہ سفاح بمعنی بہانا۔
