محبتیں مجھے میسر تو ہیں مگر!

[مشکٰوۃ]

!!!Tragedy of new generation​

​

محبتیں مجھے میسر تو ہیں مگر​

یوں جیسے​

کسی تہی داماں کی پھیلی ​

جھولی میں ذرا سی توجہ کے ​

پھول رکھ دیئے جائیں ​

اور پھر بے رخی کی تیز ہوا میں ​

سارے پھول اُڑ کر بکھر جائیں ​

تو وہ ان بکھرے پھولوں کو ​

چننے کی خواہش میں ​

دور تلک ان کے پیچھے بھاگے​

مگر خالی ہاتھ لوٹ آئے​

ادھوری محبتوں کے ملنے پر​

اس تہی داماں کی تشنگی​

مزید بڑھ جائے ​

ہاں ایسے ہی مجھے محبتیں ​

میسر تو ہیں مگر۔۔۔۔۔!​

نوشین اقبال نوشی​