محدّث نظم

[کلیم حیدر]

محدّث نظم

دل ہے کہ ہوا جاتا ہے قربانِ محدث
دل ہے کہ ہوا جاتا ہے قربانِ محدث

اُبھرا افق علم سے اِک اور مجلہّ
دامن میں لیے سروِ چراغانِ محدث

تنویر ہی تنویر، تبسم ہی تبسم
یہ خلد بریں ہے کہ گلستانِ محدث

کیسے، معطر ہو مشامِ دل و ایماں
ہیں مشک فشاں سنبل و ریحانِ محدث

اس شان کتابت پہ ہے یہ رنگ طباعت
اللہ رے یہ حسنِ فراوانِ محدث

چندہ بھی مناسب ہے ضخامت بھی مناسب
ہر چیز سے ہر شے سے عیاں شانِ محدث

ہر ذوق کی تکمیل ہے، ہر شوق کا حاصل
پھر کیوں نہ زمانہ ہو ثنائ خوانِ محدث

چھٹ جائے گا ہر جہل و تغافل کا اندھیرا
روشن ہے چراغِ رخِ تابانِ محدث

ہوتی ہے سحر بطنِ شبِ تار سے پیدا
مایوس نہ ہوں حوصلہ مندانِ محدث

اوراقِ محدث پہ ہیں بکھرے ہوئے موتی
آئیں بھریں داماں عزیزانِ محدث
خود آپ پڑھیں اپنے احبا کو پڑھائیں
ہر لفظ محدث کا، محبّانِ محدث
ہوتا رہے سیراب ہر اک علم کا جو یا
جاری رہے یہ چشمۂ فیضانِ محدث

ہو جائے گی ہر مشکلِ رہ خود بخود آساں
رہ بر ہے اگر شوقِ فراوانِ محدث

الحاد کے اِس دور میں عاجزؔ کی دُعا ہے
وہ ذاتِ مقدس ہو نگہبانِ محدث
​

نوٹ
محدث کا اجراء ١٩٧٠ دسمبر کے شمارہ سےہوتا ہے اور یہ نظم عبد الرحمن عاجزؔ مالیر کوٹلوی نے مارچ ١٩٧١ کے شمارہ میں لکھی تھی۔

 

[محمد ارسلان]

حیدر بھائی جان یہ "خلد بریں" کا کیا مطلب ہے۔
اور بھائی جان یہ رسالہ تو اچھا ہے لیکن پتہ نہیں ملتا کہاں سے ہے۔

 

[کلیم حیدر]

’’یہ خلد بریں ہے کہ گلستانِ محدث‘‘
’خلد‘ کا مطلب ہمیشہ رہنے والی چیز، اور ’بریں‘باوجود اس کے
مطلب عبارت کا یہ ہوا کہ محدث کا لگایا ہوا یہ باغ ہمیشہ قائم رہے۔اوریہ جملہ اللہ رب العزت سے دعا کی طرف اشارہ بھی ہے۔باقی صحیح مطلب تو ہمارے اہل علم بھائی ہی بتاسکیں گے۔

 

[ابوالحسن علوی]

اور بھائی جان یہ رسالہ تو اچھا ہے لیکن پتہ نہیں ملتا کہاں سے ہے۔

بھائی،آپ کی آسانی کے لیے اب اسی ویب سائیٹ سے ملتا ہے۔

 

[کفایت اللہ]

بھائی،آپ کی آسانی کے لیے اب اسی ویب سائیٹ سے ملتا ہے۔

جزاکم اللہ خیرا۔
لیکن کس نوعیت میں ملتا ہے ؟ یونی کوڈ میں یا پی ڈی ایف میں ؟ نیز لنک بھی پیش کردیں جہاں سے یہ رسالہ ڈاؤنلوڈ کیا جاسکے۔
اوریونی کوڈ میں مل جائے تو بہت بہترہے۔

 

[احسان الٰہی ظہیر]

حیدر بھائی جان یہ "خلد بریں" کا کیا مطلب ہے۔
اور بھائی جان یہ رسالہ تو اچھا ہے لیکن پتہ نہیں ملتا کہاں سے ہے۔

السلام علیکم ورحمۃ اللہ وبرکاتہ !
ارسلان بھائی ! خلد کا معنی ہے ہمیشہ رہنے والی چیز اور اردو ادب میں یہ لفظ عام طور پر جنت کے لئے بولا جاتا ہے جبکہ بریں ، میرے خیال میں ، فارسی کے دو لفظوں’’ بر ‘‘ اور ’’ ایں ‘‘ کا مجموعہ ہے جس کا مطلب ہے یہاں پر (یعنی زمین پر ) گویا خلد بریں کا معنی ہوا جنت ارضی یا زمین پر جنت ۔ اب میرے خیال میں آپ کو’’ یہ خلد بریں ہے کہ گلستان محدث ‘‘ کی سمجھ آ گئی ہو گی یعنی یہ ماہنامہ محدث کا سجایا ہوا باغ ہے یا جنت زمین پر اتر آئی ہے۔
باقی اللہ تعالی بہتر جانتے ہیں ۔

 

[محمد ارسلان]

وعلیکم السلام ورحمۃ اللہ وبرکاتہ
جزاک اللہ خیرا احسان بھائی جان
اب سمجھ آ گیا ہے۔محدث اچھا رسالہ ہے لیکن اتنی تعریف غلو ہے۔
خیر یہ بتائیے کہ جب بھی نیا محدث رسالہ آتا ہے تو کیا فورا ویب سائٹ پر آ جاتا ہے؟

 

[کلیم حیدر]

جزاکم اللہ خیرا۔
لیکن کس نوعیت میں ملتا ہے ؟ یونی کوڈ میں یا پی ڈی ایف میں ؟ نیز لنک بھی پیش کردیں جہاں سے یہ رسالہ ڈاؤنلوڈ کیا جاسکے۔
اوریونی کوڈ میں مل جائے تو بہت بہترہے۔

کفایت اللہ بھائی اللہ کے فضل سے ٹیم کتاب وسنت اس رسالہ کو پی ڈی ایف اور یونیکوڈ دونوں فارمیٹ میں ڈاؤنلوڈنگ کی سہولت کے ساتھ پیش کررہی ہے۔آپ ذرا یہاں کا چکر تولگائیں۔
نوٹ
٢٠٠١ سے ٢٠١١ تک کے تمام رسالے اپلوڈ ہوچکے ہیں۔جس کو آپ دونوں فارمیٹ میں ڈاؤنلوڈ کرلیں گے۔اور باقی محدث کا اجراء ١٩٧٠دسمبر کے شمارہ سے ہوا تھا۔١٩٧٠دسمبر سے بھی اپلوڈنگ کا آغاز کردیا گیا ہے۔مارچ ١٩٧٢ تک کے تمام پچھلے شمارے اپلوڈ ہوچکے ہیں۔ڈیلی ایک رسالہ کو اپلوڈ کیا جاتا ہے آپ کتب لائبریری میں رسائل وجرائد والے سیکشن کا ڈیلی چکر لگایا کریں۔ہرروز آپ کو ایک نیا تحفہ ملے گا۔

 

[محمد ارسلان]

اتنی اچھی معلومات دینے کا شکریہ حیدر بھائی جان۔جزاک اللہ خیرا

 

[طارق راحیل]

جزاک اللہ خیرا ....................