مختلف ذہنی صلاحتیں اور حساب ایک جیسا؟

[خضر حیات]

جس ذات نے ’ ذہنی صلاحتیں ‘ دی ہیں ، ’ حساب ‘ بھی اسی نے لینا ہے ۔
جس نے ایک ہی سانچے میں مختلف صلاحیتیں رکھ دی ہیں ، اس کے لیے ایک ہی عمل یعنی ’ حساب ‘ میں بھی اس فرق کو ملحوظ خاطر رکھنا کیا مشکل ہے ؟
اعتراض کرنے والا ذرا پیچھے رہ گیا ہے ، سیدھا یہاں آنا چاہیے تھا کہ صلاحتیں مختلف کیوں دی ہیں ؟!
تاکہ کوئی جواب کے چکر میں ہی نہ پڑے ۔

 

[عبدالمنان]

محترم عبدالمنان بھائی
حساب سے مراد میری یہ ہے کہ ہر کسی کو اپنے اعمال پر جوابدہ تو ہونا پڑے گا ۔ چاہے سختی کے ساتھ ہو یا نرمی کے ساتھ جواب دہی توہے۔ اربوں کی امت میں نبی کریم صلی اللہ علیہ وسلم نے سترہزار افراد کی نشاندہی کی ہے ۔ غالب اکثریت کو تو حساب دینا ہے ۔یہ تعداد تو ایک فیصد سے بھی کم بنے گی جسے بغیر حساب کے جنت میں داخل کیا جائے گا۔

پھر آپ کے سوال کا مطلب کیا ہے بھائی، میرا خیال ہے کہ آپ کے سوال سے میں نے جو سمجھا دوسرے بھائیوں نے بھی وہی سمجھا ۔

آپ کی اوپر کی بات سے کہی بھی یہ نہیں معلوم ہو رہا ہے جو آپ نیچے اپنی بات کی وضاحت میں کہہ رہے ہیں۔ والله اعلم

 

[ابن داود]

السلام علیکم ورحمۃ اللہ وبرکاتہ!

محشر سب کا حساب ایک جیسا کیوں ہے

چاہے سختی کے ساتھ ہو یا نرمی کے ساتھ جواب دہی توہے

آپ کی باتوں میں تضاد پیدا ہوگیا ہے!

 

[Dua]

السلام علیکم ورحمتہ اللہ
محترم! ہر انسان کو اپنے اندر جھانکنا بھی بے حد ضروری ہے۔صحیح مسلم کی ایک حدیث کا مفہوم لکھ رہی ہوں ، کہ بچے کی پیدائش سے قبل اس کا نیک بخت لکھنے کے ساتھ اس کا چالاک یا سست (یا اس سے ملتی جلتی ) صلاحیت بھی لکھ دی جاتی ہے ، یہی وجہ ہے کہ کچھ انسان پیدائشی "ایکٹو" ہوتے ہیں اور کچھ باوجود کوشش کے ویسا نہیں بن سکتے ، واضح رہے کہ یہ ایسی ذہنی صلاحیتیں ہیں جن کا علم خود انسان کو بھی ہوتا ہے۔یا تو ہم حیلہ کر سکتے ہیں یا اپنے طور پر مکمل کوشش۔اللہ آپ کی سچائی جانتا ہے !!!

 

[عبدالمنان]

یقینا سب کا حساب کتاب ہوگا.
اور جو روایت ہے کہ ستر ہزار لوگ بنا حساب کتاب جنت میں جائیں گے تو وہاں حساب سے مراد حساب یسیر ہے.
واللہ اعلم بالصوا

بھائی سب کا حساب نہیں ہوگا، کیونکہ "بغیر حساب" کا مطلب حساب کے بغیر ہی ہوتا ہے۔ بغیر حساب سے مراد حساب یسیر ہرگز نہیں ہے۔
قیامت کے دن تین طرح کے لوگ ہوں گے ایک جن کا حساب ہی نہیں لیا جائے گا جن میں عکاشہ رضی اللّٰہ عنہ بھی ہیں، دوسرا جن کا حساب یسیر (آسان حساب) ہوگا جس سے مراد صرف پیشی ہوگی، تیسرا جن کا سخت حساب لیا جائے گا اور ان کو عذاب ہوگا جیسا کہ صحیح بخاری کی احادیث میں ہے۔

مزید معلومات کے لیے فتح الباری میں درج ذیل باب دیکھیں:



(قَوْلُهُ بَابٌ يَدْخُلُ الْجَنَّةَ سَبْعُونَ أَلْفًا بِغَيْرِ حِسَابٍ)
فِيهِ إِشَارَةٌ إِلَى أَنَّ وَرَاءَ التَّقْسِيمِ الَّذِي تَضَمَّنَتْهُ الْآيَةُ الْمُشَارُ إِلَيْهَا فِي الْبَابِ الَّذِي قَبْلَهُ أَمْرًا آخَرَ وَأَنَّ مِنَ الْمُكَلَّفِينَ مَنْ لَا يُحَاسَبُ أَصْلًا وَمِنْهُمْ مَنْ يُحَاسَبُ حِسَابًا يَسِيرًا وَمِنْهُمْ مَنْ يُنَاقَشُ الْحِسَابَ.

 

[نسیم احمد]

السلام علیکم ورحمۃ اللہ وبرکاتہ!



آپ کی باتوں میں تضاد پیدا ہوگیا ہے!

محترم داؤد بھائی
آپ کی بات صحیح ہے بالکل تضاد آگیاہے ۔ کیوں کہ اس معاملے میں میرا ذہن انتشار کا شکار ہوجاتا ہے ۔ میں جتنا اس مسئلے پر سوچتا ہوں اتنا ہی الجھتا چلا جاتا ہوں۔
اس سے پہلے بھی کسی اور تھریڈ میں ،میں نے کچھ اس سے ملتا جلتا ہی سوال کیا تھا لیکن وہاں بھی تشنہ رہ گیا تھا۔ کیا یہ بھی تقدیر کی طرح کا موضوع تو نہیں ہے جس کے بارے میں بات نہ کرنے کا حکم ہے۔؟
قران کی آیت یہ کہتی ہے جس نے ذرہ برابر بھی نیکی کی ہوگی اس کو دیکھ لے گا اسی طرح ذرہ برابر برائی بھی دیکھ لے گا۔ تو یہ کس طرح دیکھے گا۔ جس کا اعما نامہ ہی نہیں کھلے گا اور وہ بغیر حساب کتا ب جنت میں جائے گا تو اس پر کیا اس آیت کا اطلا ق نہیں ہوگا۔
اور اس بات کی وضاحت تفصیل سے کریں کہ یوم حساب ایک ہی ہے یا مرنے کےفوراً بعد اس کے نامہ اعمال کا حساب شروع ہوجاتا ہے ۔ میرا مقصد ذہنی صلاحیتیوں کو بیچ میں لانے سے یہ تھا کہ ایک کند ذہن شخص کبھی بھی قران مجید حفظ نہیں کر سکتا جب کہ ذہین شخص کو یہ سہولت حاصل ہے کہ وہ اس کو اختیار کر سکتا ہے ۔ اور دین کی تعلیم نہ صرف خود احسن طریقے سے سمجھ سکتا ہے بلکہ دوسروں کو بھی سمجھا سکتا ہے ۔
تو کیا اس کو تقدیر کا معاملہ کہیں گے۔
@ابن داود

 

[نسیم احمد]

@ابن داود
السلام علیکم
آپ کے ارشادات کا منتظر ہوں۔