مختلف مجالس میں تین متفرق طلاقوں کا حکم

[عبدالرحمن لاہوری]

السلام علیکم ورحمۃ اللہ
اس مسئلے کا تو ہمیں بخوبی علم ہے کہ ایک مجلس میں تین طلاقیں ایک ہی طلاق رجعی شمار ہوتی ہیں مگر سوال یہ ہے کہ اگر مجالس مختلف ہوں تب تین طاقوں کا کیا حکم ہے یعنی تین مختلف اوقات میں تین متفرق طلاقیں دی جائیں تو کیا وہ تین شمار ہونگی۔ مثلا زید نے اپنی بیوی کو اپنے گھر میں کہا "میں تمہیں طلاق دیتا ہوں" یہ کہہ کر وہ گھر سے باہر چلا گیا اور ایک گھنٹے بعد واپس گھر آیا اور پھر اپنی بیوی سے کہا "میں تمہیں طلاق دیتا ہوں" یہ کہہ کر زید دوبارہ گھر سے نکل گیا اور ایک گھنٹے بعد پھر گھر آیا اور اپنی بیوی سے کہا "میں تمہیں طلاق دیتا ہوں" کیا زید کی بیوی کو تینوں طلاقیں (رجعی) پڑ گئیں اور وہ زید پر حرام ہوگئی؟

 

[ابوالحسن علوی]

وعلیکم السلام
اس بارے پہلے کئی ایک سوالات میں جواب گزر چکا ہے۔ خلاصہ کلام یہ ہے کہ اس مسئلہ میں اہل الحدیث علماء کا اختلاف ہے۔ امام ابن تیمیہ، امام ابن قیم، حافظ محمد گوندلوی رحمہم اللہ اجمعین وغیرہ کا موقف ہے کہ طلاق بدعی واقع نہیں ہوتی ہے، چاہے کسی قسم کی بھی ہو جیسا کہ
حیض کی حالت میں طلاق
نفاس کی حالت میں طلاق
ایک وقت میں تین طلاقیں
ایک طہر میں تین طلاقیں
اس طہر میں طلاق کہ جس میں مباشرت کی ہو، چاہے وہ ایک ہی ہو
وہ دوسری طلاق جو پہلی سے رجوع کیے بغیر دی گئی ہو، چاہے وہ دوسرے طہر میں ہی ہو
راقم کا رجحان اسی قول کی طرف ہے۔ واللہ اعلم بالصواب

 

[عبدالرحمن لاہوری]

وعلیکم السلام
اس بارے پہلے کئی ایک سوالات میں جواب گزر چکا ہے۔ خلاصہ کلام یہ ہے کہ اس مسئلہ میں اہل الحدیث علماء کا اختلاف ہے۔ امام ابن تیمیہ، امام ابن قیم، حافظ محمد گوندلوی رحمہم اللہ اجمعین وغیرہ کا موقف ہے کہ طلاق بدعی واقع نہیں ہوتی ہے، چاہے کسی قسم کی بھی ہو جیسا کہ
حیض کی حالت میں طلاق
نفاس کی حالت میں طلاق
ایک وقت میں تین طلاقیں
ایک طہر میں تین طلاقیں
اس طہر میں طلاق کہ جس میں مباشرت کی ہو، چاہے وہ ایک ہی ہو
وہ دوسری طلاق جو پہلی سے رجوع کیے بغیر دی گئی ہو، چاہے وہ دوسرے طہر میں ہی ہو
راقم کا رجحان اسی قول کی طرف ہے۔ واللہ اعلم بالصواب

دیگر علماء کے اقوال بھی نقل کردی جئیے جو اس کے وقوع پزیر ہونے کے قائل ہیں اور اس مسئلے میں دلائل کے ساتھ وضاحت کس کتاب میں ملے گی؟