مردانگی برائے فروخت

[محمد اجمل خان]

اے مسلمان!
آج تیری مردانگی برائے فروخت ہے ..

ایک طرف میڈیا والے فحاشی و بے حیائی اور فطرت انسانی کو مسخ کرکے اورتیری مردانگی کو زنانہ لباس پہنا کر رقص و سرور کے ساتھ تجهے تهرکا کر تیری مردانگی کو فروخت کر رہے ہیں۔

تو دوسری طرف نیم حکیم خطرہ جان کراچی سے لے کر خیبر تک ہر اسٹیشن ‘ ہر گلی کے نکڑ پر اور ہر بوسیدہ و گندی در و دیوار پر شباب آور معجون و گولیوں کا اشتہار لگا کر تیری مردانگی کو مشکوک بنا رہا ہے۔

اور نیم ملا خطرہ ایمان تجهے مردانگی کا جوہر دکهانے کے بجائے ستر ستر حوروں کا لالچ دے کر خود کش حملے کروا کر تیری مردانگی کو ہمیشہ کیلئے فنا کر رہا ہے۔

اے مسلمان تیری غیرت کو کیا ہوا ...

آج تیری مردانگی برائے فروخت ہے۔۔۔