مرزا غلام احمد قادیانی کا دعوی الوہیت اور قادیانیوں سے ایک سوال

[عبیداللہ لطیف]

عنوان :_ مرزا غلام احمد قادیانی کا دعوی الوہیت اور قادیانیوں سے ایک سوال

تحریر :_ عبیداللہ لطیف

محترم قارئین ! مرزاقادیانی نے ظل اور بروز کی آڑ لے کر ظلی نبی کا دعوی تو کیا ہی تھا ظلی طور پر اللہ تعالی ہونے کا دعوی بھی کر دیا چنانچہ مرزاقادیانی کے ملفوظات پر مشتمل کتاب میں مرزاقادیانی کا ایک ملفوظ کچھ اس طرح موجود ہے کہ
’’خدا کے ماموروں میں بھی کبریائی ہوتی ہے کیونکہ وہ ظلّ الٰہی ہوتے ہیں ۔‘‘
(ملفوظات جلد5صفحہ 513طبع جدید)
اسی طرح مرزاقادیانی کا فرزند اور قادیانیوں کا خلیفہ دوم میاں بشیر الدین محمود رقمطراز ہے کہ
’’غرض رسول کریم صفات الہی کاکامل مظہر ہیں مگر مسیح موعود بھی بوجہ اس کے کہ وہ آپ ﷺ کاکامل ظل ہے آپ کے نور کو حاصل کر کے ظلیّ طور پر اس مقام کا مظہر ہے۔‘‘
(انوار العلوم جلد 6صفحہ 453,454)

اسی طرح مرزا خود لکھتا ہے کہ
میرے خدا نے مجھے الہام کیا
انت منی بمنزلتہ بروزی
تو مجھ سے بمنزلہ میرے بروز کے ہے
یعنی تو میرا بروز ہے
(روحانی خزائن جلد 20 صفحہ 404 )
ایک اور مقام پر مرزا قادیانی اپنا کشف بیان کرتے ہوئے لکھتا ہے کہ
"میں نے اپنے کشف میں دیکھا کہ میں خود خداہوں اور یقین کیا کہ وہی ہوں اور میرا اپنا کوئی ارادہ اور کوئی خیال اور کوئی عمل نہیں رہا ."
(روحانی خزائن جلد 13 صفحہ 103 )
اب میرا سوال قادیانیوں سے یہ ہے کہ جب مرزا قادیانی نے ظلی اور بروزی نبی کا دعوی کیا تو آپ نے من و عن نبی مان لیا اسی مرزا قادیانی کی کتب سے اب ہم نے ظلی بروزی طور پر الوہیت کا دعوی ثابت کیا ہے تو کیا آپ اسے اللہ بھی مانیں گے